ନୂଆଦିଲ୍ଲୀ : ୯୦ ଦଶକର କଥା। ରାମସେ ବ୍ରଦର୍ସ ଦେଖିଲେ କି ଫିଲ୍ମ ‘ ଏକ ନହ୍ନି ମୁନ୍ନି ଲଡକୀ ଥି’ ର ହରର ଦୃଶ୍ୟକୁ ଲୋକେ ବହୁତ ପସନ୍ଦ କରୁଛନ୍ତି। କେବଳ ସେହି ଗୋଟିଏ ଦୃଶ୍ୟକୁ ଦେଖିବା ପାଇଁ ଥିଏଟରକୁ ଆସୁଛନ୍ତି। ଏଥିପାଇଁ ସେ ହରର ଫିଲ୍ମ ତିଆରି କରିବାକୁ ନିଷ୍ପତ୍ତି ନେଲେ। ବଜେଟ୍ କମ୍ ଥିଲା, ଏଥିପାଇଁ ଫିଲ୍ମର ସୁଟିଂ ପ୍ରକୃତ ଶ୍ମଶାନରେ କରିବାକୁ ଭାବିଲେ।
ସେ ପୂରା କାଷ୍ଟକୁ ନେଇ ମହାବଳେଶ୍ୱର ଚାଲିଗଲେ। ସେତେବେଳେ ଭିଏଫଏକ୍ସ କରାଯାଉ ନଥିଲା , ଏଥିପାଇଁ ଭୟର ମାହୋଲ ପ୍ରସ୍ତୁତ କରିବାକୁ ସୁଟିଂ ରାତିରେ କଲେ। ଯେବେ ଶ୍ମଶାନରେ ଗାତ ଖୋଳିବା ଦୃଶ୍ୟ ଆସିଲା , ସେତେବେଳେ ରାମସେ ବ୍ରଦର୍ସ ଚର୍ଚ୍ଚର ପୂଜାରୀ ଠାରୁ ଅନୁମତି ନେଲେ। କେବଳ ଏତିକି ନୁହେଁ , ସେ ସ୍ଥାନୀୟ ଲୋକଙ୍କ ସାହାଯ୍ୟରେ ଶ୍ମଶାନରେ ଗୋଟିଏ ସ୍ଥାନ ବାଛିଲେ, ଯେଉଁଠି କୌଣସି ଶବକୁ ପୋତା ଯାଇ ନଥିବ।
ସବୁ ଜିନିଷ ସେଟ୍ କରିବା ପରେ ରାତିରେ ସୁଟିଂ ଆରମ୍ଭ ହେଲା। ଦୃଶ୍ୟ ମୁତାବିକ , ଅଭିନେତା ଶ୍ମଶାନରେ ଖୋଦେଇ କରିବାକୁ ଲାଗିଲେ ଏବଂ ପୁଣି ସେଠାରୁ ଏକ ଅଧା ଶବ ବାହାରି ଆସିଲା। ଗାଁ ଲୋକେ ବିରକ୍ତ ହୋଇଗଲେ , ତାଙ୍କ ବିରୋଧରେ ଗଲେ ଏବଂ ସୁଟିଂ ରୋକିବାର ଧମକ ଦେବାକୁ ଲାଗିଲେ। ରାମସେ ବ୍ରଦର୍ସ ଯେଣତେଣ ଉପାୟରେ ଭିଡ଼କୁ ନିୟନ୍ତ୍ରଣ କଲେ ଏବଂ ପୁଣି ଶ୍ମଶାନରେ ମହମବତୀ ଜଳାଇଲେ ଏବଂ ପୂଜାରୀ ସହ ମିଶି ପ୍ରାର୍ଥନା କଲେ।
ଏହି ଫିଲ୍ମର ନାଁ ‘ ଦୋ ଗଜ୍ ଜମିନ କେ ନିଚେ’। ଏହାକୁ ୩.୫ ଲକ୍ଷର ବଜେଟ୍ରେ ତିଆରି କରାଯାଇ ଥିଲା ଏବଂ ଏହା ୪୦ ଲକ୍ଷ ଆୟ କରିଥିଲା। କହି ରଖୁଛୁ କି , ଏହି ଫିଲ୍ମକୁ ଏ ରେଟିଂ ସହ ରିଲିଜ କରାଯାଇ ଥିଲା। ଏହାର ଶୋ’ କେବଳ ରାତିରେ ରଖା ଯାଉଥିଲା , ତାହା ମଧ୍ୟ କେବଳ ଦିଲ୍ଲୀ ଓ ମୁମ୍ୱାଇରେ।