ଲାହୋର, ୦୬/୦୯: ପାକିସ୍ତାନରେ ବିଦ୍ୟୁତ୍ ବିଲକୁ ନେଇ ଲୋକଙ୍କ ଅସନ୍ତୋଷ ବୃଦ୍ଧି ପାଇଥିବା ବେଳେ ଏସିଆ କପ୍ ବେଳେ ବିଦ୍ୟୁତ୍ ବିଭ୍ରାଟ ଦେଖିବାକୁ ମିଳିଛି । ଆଜି ସୁପର୍-୪ର ପ୍ରଥମ ମୁକାବିଲା ପାକିସ୍ତାନ-ବାଂଲାଦେଶ ମଧ୍ୟରେ ଲାହୋର ଗଦ୍ଦଫି ଷ୍ଟାଡିୟମରେ ଖେଳା ଯାଉଥିଲା । ପ୍ରଥମେ ବ୍ୟାଟିଂ କରି ବାଂଲାଦେଶ ଅଲଆଉଟ୍ ହୋଇଥିବା ବେଳେ ୧୯୪ ରନର ପିଛା କରି ବ୍ୟାଟିଂ ଆରମ୍ଭ କରିଥିଲା ପାକିସ୍ତାନ ।
ପାକିସ୍ତାନରେ ବିଜୁଳି ସଂକଟ, ୟୁନିଟ୍ ପିଛା ୫୬ ଟଙ୍କା
ଘରୋଇ ଗ୍ରାଉଣ୍ଡରେ ପାକିସ୍ତାନ ଖେଳୁଥିବା ବେଳେ ହଠାତ୍ ଷ୍ଟାଡିୟମର ଏକ ଫ୍ଲଡଲାଇଟ୍ ବନ୍ଦ ହୋଇ ଯାଇଥିଲା । ଫଳରେ ଖେଳ ବାଧାପ୍ରାପ୍ତ ହୋଇଥିଲା । ଖେଳାଳି ପଡ଼ିଆ ଛାଡ଼ିଥିବା ବେଳେ ଉପସ୍ଥିତ ଦର୍ଶକ ମୋବାଇଲ୍ ଫ୍ଲାସ୍ ଲାଇଟ୍ ଅନ୍ କରିଥିଲେ । କଟିବାର ୨୦ ମିନିଟ୍ ପରେ ଫ୍ଲଡଲାଇଟ୍ ଜଳିବାରୁ ପାକିସ୍ତାନ ପୁଣି ବ୍ୟାଟିଂ ଆରମ୍ଭ କରିଛି ।
ସୁପର-୪ ମହାସଂଗ୍ରାମ: ୧୯୩ ରନ୍ରେ ବାଂଲାଦେଶ ଅଲଆଉଟ୍
୧୯୪ ରନର ପିଛା କରୁଥିବା ଘରୋଇ ଦଳ ୮ ଓଭରରେ କୌଣସି ୱିକେଟ୍ ନ ହରାଇ ୩୪ ରନ୍ କରିବାରେ ସକ୍ଷମ ହୋଇଛି । ଏବେ କ୍ରିଜରେ ଫଖର ଜମନ, ଇମାମ୍ ଉଲ୍ ହକ୍ ଅଛନ୍ତି । ପ୍ରଥମେ ଟସ୍ ଜିତି ବ୍ୟାଟିଂ କରିଥିବା ବାଂଲାଦେଶ ୩୮.୪ ଓଭରରେ ସମସ୍ତ ୱିକେଟ୍ ହରାଇ ୧୯୩ ରନ୍ କରିବାରେ ଅଲଆଉଟ୍ ହୋଇଥିଲା ।