କଟକ,୦୩/୦୮: କଟକ ଗଡଗଡିଆ ଘାଟରୁ କାଉଡ଼ିଆ ଭାସିଯିବା ଘଟଣା। ମହାନଦୀ ଗାନ୍ଧି ପଲ୍ଲୀ ନିକଟରୁ ମିଳିଲା ମୃତଦେହ । ମୃତକ ଜଣକ ହେଉଛନ୍ତି ସୌମ୍ୟରଞ୍ଜନ ପାତ୍ର ।
ସୂଚନା ଅନୁଯାୟୀ, ଶୁକ୍ରବାର ସୌମ୍ୟରଞ୍ଜନ ବୋଲବମ ପାଇଁ ପାଣି ଉଠାଇବାକୁ ଗଡଗଡିଆ ଘାଟକୁ ଯାଇଥିଲେ । ସେଠାରେ ପାଣି ଉଠାଇବା ସମୟରେ ଅସାବଧାନତା ଯୋଗୁଁ ନଦୀରେ ଭାସିଯାଇଥିଲେ ସୌମ୍ୟରଞ୍ଜନ । ସ୍ଥାନୀୟ ଲୋକେ ଏହା ଦେଖି ଅଗ୍ନିଶମ ବିଭାଗକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ଅଗ୍ନିଶମ ବିଭାଗ ପହଞ୍ଚିଥିଲା । ସୌମ୍ୟରଞ୍ଜନଙ୍କୁ ଖୋଜାଖୋଜି କରାଯାଇଥିଲା । ମାତ୍ର ତାଙ୍କର କୌଣସି ପତ୍ତା ମିଳିନଥିଲା । ଆଜି ମହାନଦୀ ଗାନ୍ଧିପଲ୍ଲୀ ନିକଟରୁ ତାଙ୍କ ମୃତଦେହ ଉଦ୍ଧାର କରାଯାଇଛି।
