ବଗିଚାରେ ଗଛ ଲଗାଇବା ପାଇଁ ବିଭିନ୍ନ ପ୍ରକାର କୁଣ୍ଡ ଏବଂ ଗ୍ରୋ ବ୍ୟାଗର ବ୍ୟବହାର କରାଯାଉଛି । କିନ୍ତୁ ଇନଡୋରି ଗାର୍ଡେନ୍‌ରେ ଆଜିକାଲି ସେଲ୍ଫ ୱାଟରିଙ୍ଗ୍‌ ପ୍ଲାଣ୍ଟର୍ସ ବା ସ୍ୱୟଂ ଚାଳିତଜଳସେଚନ କୁଣ୍ଡ ଅଧିକ ଲୋକପ୍ରିୟ ହୋଇପାରିଛି ।

ଏହା କ’ଣ

ସ୍ୱୟଂ ଚାଳିତଜଳସେଚନ କୁଣ୍ଡ ସବ୍‌-ଇରିଗେସନ୍‌ ପ୍ଲାଣ୍ଟର୍ସ ଭାବେ ପରିଚିତ । ଏହା ଏକ ଅଲଗା ପ୍ରକାର କୁଣ୍ଡ ଯାହାର ଦୁଇଟି ଭାଗ ଥାଏ । ଉପର ଭାଗରେ ମାଟି ତଥା ତଳ ଭାଗରେ ପାଣି ଭରାଯାଇଥାଏ । ଏହି ଦୁଇଟି ଭାଗ ଏକ ମାଧ୍ୟମ ସଂଯୋଗ ଥାଏ । ଆବଶ୍ୟକ ପଡିଲେ ମାଟି ତଳ ଭାଗରୁ ପାଣି ଅବଶୋଷିତ କରିଥାଏ । ଏହା ବିଶେଷ ଭାବେ ମାଟିର ଆର୍ଦ୍ରତା ସ୍ତର ବଜାୟ ରଖିବାରେ ସାହାଯ୍ୟ କରିଥାଏ । ଏହାର ଉପଯୋଗ ଇନଡୋର ଏବଂ ଆଉଟ୍‌ଡୋର ଗାର୍ଡେନ୍‌ରେ କରାଯାଇପାରିବ । 

ଗଛ ଲଗାଇବାର ଲାଭ

ଏହି କୁଣ୍ଡର ସବୁଠୁ ବଡ଼ ଗୁଣ ହେଉଛି ଏଥିରେ ଗଛ ଲଗାଇଲେ ବାରମ୍ବାର ପାଣି ଦେବାର ଆବଶ୍ୟକ ନଥାଏ  । ଏହା ବ୍ୟତୀତ ମଧ୍ୟ ଅନେକ ଲାଭ ଅଛି । କ୍ରମାଗତ ଆର୍ଦ୍ରତା ଯୋଗାଣ ସେଲ୍ଫ ୱାଟରିଙ୍ଗ୍‌ କୁଣ୍ଡ ଗଛକୁ କ୍ରମାଗତ ଆର୍ଦ୍ରତା ପ୍ରଦାନ କରିଥାଏ । ଯାହାଦ୍ୱାରା କମ ଏବଂ ଅଧିକ ପାଣି ଦେବାର ସମସ୍ୟା ଦୂରେଇଯାଏ । ଏହା ଗଛର ଉତ୍କୃଷ୍ଟ ବିକାଶ ସ୍ଥିତି ବଜାୟ ରଖିବାରେ ସାହାଯ୍ୟ କରେ ଏବଂ ସୁସ୍ଥ ଗଛ ବୃଦ୍ଧି ପାଇଥାଏ । ଜଳ ସଞ୍ଚୟ ଏହି ପାତ୍ର ବା କୁଣ୍ଡରେ ଜଳ ସିଧାସଳଖ ଗଛର ମୂଳ ପର୍ଯ୍ୟନ୍ତ ପହଞ୍ଚିପାରିଥାଏ । ଯାହାଦ୍ୱାରା ଜଳ ଅପଚୟ କମିଯାଏ ।

ବ୍ୟସ୍ତ ଗାର୍ଡେନରଙ୍କ ପାଇଁ ଏହି କୁଣ୍ଡ ବ୍ୟସ୍ତ ଗାର୍ଡେନରଙ୍କ ପାଇଁ ଲାଭଦାୟକ ହୋଇଥାଏ । ଯେଉଁମାନେ ନିଜ ଗଛକୁ ନିୟମିତ ଜଳ ଦେବାକୁ ଭୁଲିଯାଆନ୍ତି ସେମାନେ ମଧ୍ୟ ଏହାର ଉପଯୋଗ କରିପାରିବେ । ଏହି ପ୍ଲାଣ୍ଟର୍ସ ସାହାଯ୍ୟରେ କମ ପାଣି ଦେଇ ମଧ୍ୟ ଗଛକୁ ସୁସ୍ଥ ରଖାଯାଇପାରିବ । ଉଦ୍ଭିଦର ଚାପଗ୍ରସ୍ଥ ଅବସ୍ଥା ଏହି କୁଣ୍ଡ ନିରନ୍ତର ଆର୍ଦ୍ରତା ଯୋଗାଇ ଉଦ୍ଭିଦକୁ ଅତ୍ୟଧିକ ଜଳ ଚାପରୁ ମୁକ୍ତି ଦିଆଯାଇପାରିବ । ବିଶେଷକରି ଖରା ଦିନରେ ଏହା ଉପଯୋଗୀ । ଇନଡୋର ଏବଂ ଆଉଟଡୋର ଏହାକୁ ଉଭୟ ଇନଡୋର୍‌ ଏବଂ ଆଉଟଡୋର୍‌ରେ ସ୍ଥାନ ଦିଆଯାଇପାରିବ । ଏଥିରେ ହାଉସପ୍ଲାଣ୍ଟରୁ ଆରମ୍ଭ କରି ହର୍ବ ଏବଂ ଫୁଲ ଗଛ ଲଗାଯାଇପାରିବ ।