ନୂଆଦିଲ୍ଲୀ, ୦୬/୦୯: ଦେଶର ପ୍ରସିଦ୍ଧ ବ୍ରାଣ୍ଡ ହଳଦୀରାମ । ନମକିନରୁ ନେଇ ଭୁଜିଆ ଓ ମିଠାଇ ସବୁ କିଛି ବିକ୍ରି କରୁଥିବା ହଳଦୀରାମ ଏବେ ବିକ୍ରି ହେବାକୁ ଯାଉଛି । ଏହାକୁ ଟାଟା ଗ୍ରୁପର କମ୍ପାନୀ ଟାଟା କଞ୍ଜୁମର ପ୍ରଡକ୍ଟ୍ସ କିଣିପାରେ । ଏକ ରିପୋର୍ଟରେ ଦାବି କରାଯାଇଛି, ଉଭୟ କମ୍ପାନୀ ମଧ୍ୟରେ ଏନେଇ ଆଲୋଚନା ଚାଲିଛି ।
୮୫ ବର୍ଷର ସ୍ନାକ୍ସ କାରବାର
ପ୍ରାୟ ୮୫ ବର୍ଷ ତଳେ ୧୯୩୭ରେ ଭୁଜିଆ, ନମକିନ୍ ଓ ମିଠାଇ ବିକ୍ରି ଆରମ୍ଭ କରିଥିଲା ହଳଦୀରାମ । ଦୀର୍ଘ ବର୍ଷ ଧରି କମ୍ପାନୀ ଏହି କ୍ଷେତ୍ରରେ ଦବଦବା ଜାହିର୍ କରି ଆସିଛି । ରୟଟର୍ସ ରିପୋର୍ଟ ଅନୁସାରେ, ହଳଦୀରାମର ୫୧ ପ୍ରତିଶତ ଅଂଶଧନ କିଣି ଟାଟା କଞ୍ଜୁମର ଏହାକୁ ନିଜର କରିବାକୁ ଚାହୁଁଛି । ତେବେ ଏ ଡିଲ୍ ନେଇ ଉଭୟ ହଳଦୀରାମ ଓ ଟାଟା କଞ୍ଜୁମର କୌଣସି ପ୍ରତିକ୍ରିୟା ରଖି ନାହାନ୍ତି ।
ଅଲିବାବା ପରେ ଧୂମ୍ ମଚାଉଛି ଚାଇନିଜ୍ ସପିଂ ଆପ୍ ‘ଟେମୁ’, ଏକାଧିକ ଦେଶରେ ପଛରେ ପଡ଼ିଲା ଆମାଜନ୍
ଏହି ଡିଲ୍ ପାଇଁ ହଳଦୀରାମ ପକ୍ଷରୁ ୧୦ ଅରବ ଡଲାରର ଭ୍ୟାଲୁଏସନ୍ ରଖା ଯାଇଛି । ଉଭୟ କମ୍ପାନୀ ଏନେଇ କଥାବାର୍ତ୍ତା କରୁଥିବା ବେଳେ କୌଣସି ନିଷ୍ପତ୍ତି ଏବେ ସୁଦ୍ଧା ହୋଇ ନାହିଁ । ରିପୋର୍ଟରେ କୁହାଯାଇଛି, ଟାଟା ଗ୍ରୁପ୍ ୫୧ ପ୍ରତିଶତରୁ ଅଧିକ ଅଂଶଧନ କିଣିବାକୁ ଚାହୁଁଛି । ତେବେ ହଳଦୀରାମ ପକ୍ଷରୁ କୁହାଯାଇଛି, ଏହି ଦାବି ବହୁତ ଅଧିକ ।
ଯଦି ହଳଦୀରାମ୍ ସହ ଟାଟା ଗ୍ରୁପରେ ଏହି ଡିଲ୍ ସଫଳ ହୁଏ ତାହେଲେ ଟକ୍କର ମୁକେଶ ଅମ୍ବାନୀଙ୍କ ସହ ହେବ । କାରଣ ପୂର୍ବରୁ ଅମ୍ବାନୀଙ୍କ ରିଲିଆନ୍ସ ରିଟେଲ୍, ଆଇଟିସି ସମେତ ଅନ୍ୟ ବଡ଼ କମ୍ପାନୀ ବଜାରରେ ରହିଛନ୍ତି । ହଳଦୀରାମ ୧୦ ପ୍ରତିଶତ ଅଂଶଧନ ବିକ୍ରି ଲାଗି ୱେନ କ୍ୟାପିଟାଲ୍ ସମେତ ଅନ୍ୟ ଘରୋଇ ଇକ୍ୱିଟି ଫାର୍ମ୍ସ ସହ ଆଲୋଚନା କରୁଛି ।
ଏଲନ ମସ୍କଙ୍କୁ ହତ୍ୟା ଭୟ, ଏଭଳି ଆଶଙ୍କା କରୁଛନ୍ତି ଦୁନିଆର ସବୁଠାରୁ ଧନୀବ୍ୟକ୍ତିଙ୍କ ବାପା
ଦେଶରେ ୧୫୦ରୁ ଅଧିକ ରେଷ୍ଟୁରାଣ୍ଟ
ୟୁରୋମନିଟର ଅନୁସାରେ, ଭାରତରେ ସ୍ନାକ୍ସ ମାର୍କେଟ ୬.୨ ଅରବ ଡଲାରର । ଭାରତୀୟ ମାର୍କେଟରେ ହଳଦୀରାମର ୧୩ ପ୍ରତିଶତ ଅଂଶ ରହିଥିବା ବେଳେ ପେପ୍ସିର ଲେଜ୍ ଚିପ୍ସର ୧୨ ପ୍ରତିଶତ ଅଂଶ ରହିଛି । ଭାରତ ବାହାରେ ସିଙ୍ଗାପୁର ଓ ଆମେରିକା ଭଳି ବିଦେଶ ବଜାରରେ ହଳଦୀରାମ ସାମଗ୍ରୀର ଚାହିଦା ରହିଛି । ଦେଶରେ ହଳଦୀରାମର ୧୫୦ରୁ ଅଧିକ ରେଷ୍ଟୁରାଣ୍ଟ ରହିଛି । ଯେଉଁଠି କମ୍ପାନୀ ସ୍ଥାନୀୟ ଖାଦ୍ୟ ସହ ମିଠାଇ ଓ ଅନ୍ୟ ଖାଦ୍ୟ ବିକ୍ରି କରୁଛି ।