ନୂଆଦିଲ୍ଲୀ, ୦୫/୦୯: ଏହି ସପ୍ତାହରେ ଦିଲ୍ଲୀରେ ଜି-୨୦ ସମ୍ମିଳନୀ ହେବାକୁ ଯାଉଛି । ସମସ୍ତ ପ୍ରକାର ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିସାରିଛି । ହେଲେ ଏସବୁ ଭିତରେ ରାତ୍ରିଭୋଜନ ପାଇଁ ତିଆରି ହୋଇଥିବା ନିମନ୍ତ୍ରଣ ପତ୍ରକୁ ନେଇ ରାଜନୀତି ଜୋର ଧରିଛି । ଅତିଥିମାନଙ୍କୁ ଦିଆଯାଇଥିବା ନିମନ୍ତ୍ରଣ ପତ୍ରରେ ‘ପ୍ରେସିଡେଣ୍ଟ ଅଫ୍ ଭାରତ’ ଲେଖା ଅଛି । ପୂର୍ବରୁ ଏଥିରେ ‘ପ୍ରେସିଡେଣ୍ଟ ଅଫ ଇଣ୍ଡିଆ’ ଲେଖାଯାଉଥିଲା । ଯାହାକୁ ନେଇ ଏବେ ବିଜେପିକୁ ଟାର୍ଗେଟ କରିଛି ବିଭିନ୍ନ ବିରୋଧୀ ଦଳ ।
ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି ଯେ, କେନ୍ଦ୍ର ସରକାର ଇଣ୍ଡିଆର ନାଁ ପରିବର୍ତ୍ତନ କରିଦେଇଛନ୍ତି । ଏହା ସହିତ ବିଶିଷ୍ଟ ଅଭିନେତା ଅମିତାଭ ବଚ୍ଚନ ଏବଂ ପୂର୍ବତନ କ୍ରିକେଟର ବୀରେନ୍ଦ୍ର ସେହ୍ବାଗଙ୍କ ଟ୍ବିଟକୁ ନେଇ ଚର୍ଚ୍ଚା ଜୋର ଧରିଛି। ଅମିତାଭ ବଚ୍ଚନ ଭାରତ ମାତା କି ଜୟ ଲେଖିଥିବା ବେଳେ ଭାରତୀୟ ଟିମ୍ର ଜର୍ସିରେ ଭାରତ ଲେଖାଯାଉ ବୋଲି ଏକ୍ସ (ଟ୍ବିଟର)ରେ ଦାବି କରିଛନ୍ତି ସେହ୍ବାଗ । ଏସବୁ ଭିତରେ ଆସନ୍ତୁ ଜାଣିବା ଅତୀତରେ କେଉଁ ସବୁ ଦେଶ ନିଜ ନାଁ ପରିବର୍ତ୍ତନ କରିଛନ୍ତି ଓ କାହିଁକି ।
ବିଶ୍ବର ବିଭିନ୍ନ ଦେଶର ନାଁ ଭିନ୍ନ ଭିନ୍ନ କାରଣ ପାଇଁ ବଦଳିଛି । ୧୯୩୫ ପର୍ସିଆ ଇରାନ୍ରେ ପରିବର୍ତ୍ତିତ ହେଲା ତ ୧୯୩୭ରେ ଆୟରିଶ ଫ୍ରି ଷ୍ଟେଟ୍ର ନାମ ପରିବର୍ତ୍ତନ ହୋଇ ହେଲା ଆର୍ୟଲାଣ୍ଡ । ନିକଟରେ ତୁର୍କୀର ନାମ ପରିବର୍ତ୍ତନକୁ ନେଇ ଚର୍ଚ୍ଚା ହୋଇଥିଲା । ତୁର୍କୀର ନାମ ପରିବର୍ତ୍ତନ ହୋଇ ତୁର୍କୀଏ ହୋଇଯାଇଛି ।
ନାମ ପରିବର୍ତ୍ତନ ହୋଇଥିବା ଦେଶ,
| କେବେ ବଦଳିଛି
|
ସିୟାମରୁ ଥାଇଲାଣ୍ଡ
| ୧୯୩୯
|
ସିଲୋନରୁ ଶ୍ରୀଲଙ୍କା
| ୧୯୭୨
|
ଅପର ବୋଲ୍ଟା-ବୁର୍କିନା ଫାସୋ
| ୧୯୮୪
|
ବର୍ମା- ମିଆଁମାର
| ୧୯୮୯
|
ଦକ୍ଷିଣ-ପଶ୍ଚିମ ଆଫ୍ରିକାରୁ ନାମ୍ବିଆ
| ୧୯୯୦
|
କମ୍ପୁଚିୟା- କମ୍ବୋଡିଆ
| ୧୯୯୩
|
ହଲାଣ୍ଡ-ନେଦରଲ୍ୟାଣ୍ଡ
| ୨୦୨୦
|
ମ୍ୟାସେଡୋନିଆ-ନର୍ଥ ମ୍ୟାସେଡୋନିଆ
| ୨୦୧୯
|
ସ୍ବାଜିଲ୍ୟାଣ୍ଡ-ସ୍ବାତିନୀ
| ୨୦୧୮
|
You can also read: ଅରବିନ୍ଦ କେଜ୍ରିୱାଲଙ୍କ ପତ୍ନୀଙ୍କୁ କୋର୍ଟଙ୍କ ସମନ, ବିଜେପି ନେତା ଦାଏର କରିଥିଲେ ପିଟିସନ