ପ୍ରମୂଖ ଖବର
  • ଅପେକ୍ଷାର ହେଲା ଅନ୍ତ, ଖୋଲିଲା ଶ୍ରୀମନ୍ଦିର ବାହାର ରତ୍ନଭଣ୍ଡାର, ଭିତର ଭଣ୍ଡାର ଖୋଲିବାକୁ ଚାଲିଛି ପକ୍ରିୟା
  • ||
  • ଶ୍ରୀମନ୍ଦିରକୁ ପ୍ରବେଶ କଲେ ୧୧ ଜଣ ସଦସ୍ୟ, ଦିନ ୧ଟା ୨୮ରେ ଶୁଭ ମୁହୂର୍ତ୍ତରେ ଫିଟିବ ଭିତର ଭଣ୍ଡାର ତାଲା
  • ||
  • ଶ୍ରୀଲୋକନାଥଙ୍କ ସ୍ୱତନ୍ତ୍ର ପୂଜାର୍ଚ୍ଚନା ସମ୍ପନ୍ନ, ରତ୍ନଭଣ୍ଡାର ଖୋଲିବାକୁ ଆସିଲା ଆଜ୍ଞାମାଳ
  • ||
  • ଚତୁର୍ଥ ଟି-ଟ୍ୱେଣ୍ଟ; ଜିମ୍ବାଓ୍ବେକୁ ୧୦ ୱିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ, ଆଜି ପଞ୍ଚମ ମୁକାବିଲା
  • ||
  • ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଗୁଳିମାଡ଼, ସୁରକ୍ଷାକର୍ମୀଙ୍କ ଗୁଳିମାଡ଼ରେ ସନ୍ଦିଗ୍ଧ ସୁଟର ମୃତ
  • ||
  • ପାଞ୍ଚ ଦଶନ୍ଧିର ଘଟିବ ଅନ୍ତ, ଆଜି ଖୋଲିବ ଶ୍ରୀମନ୍ଦିର ରତ୍ନଭଣ୍ଡାର, ଦିନ ୧ଟା ପରେ ଶୁଭ ମୁହୂର୍ତ୍ତରେ ଫିଟିବ ତାଲା
  • ||
  • ରାଜ୍ୟରେ ଆସନ୍ତା ଦୁଇ ଦିନ ପ୍ରବଳ ବର୍ଷା ସମ୍ଭାବନା, ୧୮ରେ ଆଉ ଏକ ଘୂର୍ଣ୍ଣିବଳୟ
  • ||

ଫିଫା ବିଶ୍ୱକପ୍‌ କ୍ୱାଲିଫାୟର୍ ମ୍ୟାଚ୍: କଳିଙ୍ଗ ଷ୍ଟାଡିୟମରେ ଭାରତ-କତାର ମୁକାବିଲା, ମ୍ୟାଚ୍‌ ପାଇଁ ଦର୍ଶକ ବ୍ୟାକୁଳ

ଭୁବନେଶ୍ୱର,୨୧/୧୧: ଭାରତ-କତାର ମ୍ୟାଚ୍‌କୁ ନେଇ ଉତ୍କଣ୍ଠା ବଢ଼ି ବଢ଼ି ଚାଲିଛି । ଟିକେଟ୍‌ ପାଇଁ ଦର୍ଶକ ବ୍ୟାକୁଳ ହେଉଛନ୍ତି, କିନ୍ତୁ ଅଫିସିଆଲ ଭାବେ ଉଭୟ ଅନ୍‌ଲାଇନ ଓ ଅଫ୍‌ଲାଇନରେ  ଟିକେଟ୍‌ ବିକ୍ରି ଶେଷ ହୋଇଯାଇଛି । ପ୍ରଥମ ଥର କଳିଙ୍ଗ ଷ୍ଟାଡିୟମରେ ଫୁଟବଲ ମ୍ୟାଚ୍‌କୁ ନେଇ  ପ୍ରଶଂସକଙ୍କ ମହଲରେ ଅପୂର୍ବ ଉତ୍ସାହ ଦେଖିବାକୁ  ମିଳିଛି । 

ମଙ୍ଗଳବାର ସନ୍ଧ୍ୟା ୭ଟାରେ ଫିଫା ବିଶ୍ୱକପ୍‌ ୨୦୨୬/ଏଏଫ୍‌ସି ଏସିଆ କପ୍‌ ୨୦୨୭ ଯୋଗ୍ୟତା ପର୍ଯ୍ୟାୟ ଗ୍ରୁପ୍‌ ଏ’ର ଏକ ଗୁରୁତ୍ୱପୂର୍ଣ୍ଣ ମୁକାବିଲାରେ ମୁହାଁମୁହିଁ ହେବେ ଘରୋଇ ଭାରତ ଏବଂ ଗତ ଫିଫା ବିଶ୍ୱକପ୍‌ ଆୟୋଜକ ଦଳ କତାର ।  

ଏସିଆରେ କତାର ଏକ ଶକ୍ତିଶାଳୀ ଦଳ ।  ଫିଫା ମାନ୍ୟତାରେ ୬୧ତମ ସ୍ଥାନରେ ରହିଛି । ଗତ  ଥର କତାର ବିଶ୍ୱକପ୍‌ ଆୟୋଜନ କରିଥିଲା । କିନ୍ତୁ  ଆୟୋଜକ ଦଳ ଭାବେ ସେମିତି ଭଲ ପ୍ରଦର୍ଶନ  କରିପାରି ନଥିଲା । ଗ୍ରୁପ୍‌ ଏ’ର ସମସ୍ତ ୩ଟି ଯାକ ମ୍ୟାଚ୍‌ରେ ପରାଜିତ ହୋଇଥିଲା। ତଥାପି  ଭାରତଠୁ କତାର ବହୁ ଉନ୍ନତ ଦଳ । କ୍ଷୀପ୍ରତା  ଏବଂ ସାମର୍ଥ୍ୟରେ ସେମାନେ ବହୁ ଊଦ୍ଧ୍ୱର୍ରେ । ରକ୍ଷଣାତ୍ମକ ଏବଂ ଆକ୍ରମଣାତ୍ମକ ଦିଗ ମଧ୍ୟ ଅତି  ଉନ୍ନତ ରହିଛି । ଗ୍ରୁପ୍‌ର ପ୍ରଥମ ମ୍ୟାଚ୍‌ରେ କତାର  ୮-୧ରେ ଆଫଗାନିସ୍ତାନକୁ ହରାଇଥିଲା ।  

ଭାରତ ମଧ୍ୟ ତା’ର ପ୍ରଥମ ମ୍ୟାଚ୍‌ ଜିତିଛି ।  କୁଏତକୁ ତା’ର ଘରୋଇ ଗ୍ରାଉଣ୍ଡରେ ୧-୦  ଗୋଲରେ ହରାଇଥିଲା । ସୁନୀଲ ଛେତ୍ରୀଙ୍କ ନେତୃତ୍ୱରେ ଚଳିତ ବର୍ଷ ଘରୋଇ ଗ୍ରାଉଣ୍ଡରେ  ଖେଳିଥିବା ସମସ୍ତ ମ୍ୟାଚ୍‌ରେ ଦଳ ଅପରାଜେୟ  ରହିଛି । କତାର ଓ ଭାରତ ପୂର୍ବରୁ ଫିଫା ବିଶ୍ୱକପ୍‌  ଯୋଗ୍ୟତା ପର୍ଯ୍ୟାୟରେ ୩ ଥର ମୁହାଁ ମୁହିଁ  ହୋଇଛନ୍ତି । ୧୯୯୬ (୬-୦) ଓ ୨୦୨୧ (୧-୦) ରେ କତାର ବିଜୟୀ ହୋଇଥିଲା । ୨୦୧୯ରେ  ଖେଳାଯାଇଥିବା ମ୍ୟାଚ୍‌ ଗୋଲ ଶୂନ୍ୟ ଭାବେ ଡ୍ର’  ରହିଥିଲା । ତଥାପି ଏହି ବଡ଼ ମୁକାବିଲା ପାଇଁ  ଉଭୟ ଦଳ ଜୋରଦାର ଅଭ୍ୟାସ ସହ ପ୍ରସ୍ତୁତି  ଶେଷ କରିଛନ୍ତି । 

ଭାରତୀୟ ମୁଖ୍ୟ କୋଚ୍‌ ଇଗୋର ଷ୍ଟିମାକ  କହିଛନ୍ତି, ‘ଏହା ଏମିତି ଏକ ମ୍ୟାଚ୍‌ ଯେଉଁ ଥିରେ  ଆମର କିଛି ହରାଇବାର ନାହିଁ, ବରଂ ବହୁତ କିଛି  ଜିତିବାର ଅଛି । ଆମେ ଆମର ସାମର୍ଥ୍ୟ ଅନୁସାରେ  ପ୍ରଦର୍ଶନ କରିବୁ । ଆମ ପାଇଁ ସବୁଠୁ ବଡ଼ କଥା  ହେଉଛି ୯୦ ମିନିଟରେ ଶ୍ରେଷ୍ଠ ପ୍ରଦର୍ଶନ ଦେବାର  ଅଛି ।’ ଗୋଲକିପର ଗୁରପ୍ରୀତ ସିଂ ସାନ୍ଧୁ କହିଛନ୍ତି,  ‘ବହୁତ କିଛି ଚିନ୍ତା କରୁନୁ, ଭଲ ଅଭ୍ୟାସ କରିଛୁ  ଏବଂ ନିଜର ଶ୍ରେଷ୍ଠ ପ୍ରଦର୍ଶନ ଦେବୁ ।’ 

କଳିଙ୍ଗରେ ଭାରତ ଅପରାଜେୟ 

ଗତ ଜୁନ ମାସରେ ଭାରତୀୟ ସିନିୟର ଦଳ  କଳିଙ୍ଗ ଷ୍ଟାଡିୟମରେ ଇଣ୍ଟରକଣ୍ଟିନେଣ୍ଟାଲ କପ୍‌  ଖେଳିଥିଲା । ଲେବାନନ, ଭାନୁଆଟୁ ଓ ମଙ୍ଗୋଲିଆ  ଏଥିରେ ସାମିଲ ହୋଇଥିଲେ । ରାଉଣ୍ଡ ରବିନ  ପର୍ଯ୍ୟାୟରେ ଭାରତ ୨-୦ରେ ମଙ୍ଗୋଲିଆକୁ, ୧-୦ରେ ଭାନୁଆଟୁକୁ ଏବଂ ଲେବାନନ ସହ  ଗୋଲଶୂନ୍ୟ ଡ୍ର’ ରଖିଥିଲା । ପୁଣି ଟେବୁଲର  ୨ ଶୀର୍ଷ ଦଳ ଲେବାନନ ଓ ଭାରତ ଫାଇନାଲ  ଖେଳିଥିଲେ । ଭାରତ ୨-୦ ଗୋଲରେ ବିଜୟୀ  ହୋଇ ଟ୍ରଫି ହାସଲ କରିଥିଲା ।  

ପଡ଼ିଆରେ ଶ୍ରେଷ୍ଠ  ପ୍ରଦର୍ଶନ କରିବା ଆମର  ଲକ୍ଷ୍ୟ: କାର୍ଲୋସ

କତାର ଦଳ ପ୍ରଥମ ଥର ପାଇଁ ଭାରତ ଗସ୍ତରେ  ଆସିଛି । କିନ୍ତୁ ଦଳର ମୁଖ୍ୟ କୋଚ୍‌ କାର୍ଲୋସ  କ୍ୟୁଏରିରୋଜ ଦ୍ୱିତୀୟ ଥର ଆସିଛନ୍ତି । ୨୦୧୫ରେ  ଇରାନ କୋଚ୍‌ ଥିବାବେଳେ ବେଙ୍ଗାଲୁରୁ ଆସିଥିଲେ ।  ସେ କହିଛନ୍ତି, ‘ଭାରତ ଆସି ବହୁତ ଖୁସି ଲାଗୁଛି ।  ଆମେ ଏହି ମ୍ୟାଚ୍‌କୁ ନେଇ ଉତ୍ସାହିତ ରହିଛୁ ।  ଘରୋଇ ଗ୍ରାଉଣ୍ଡରେ ଖେଳୁଥିବାରୁ ଘରୋଇ ଦଳ  ପାଇଁ ଏ ମ୍ୟାଚ୍‌ର ଗୁରୁତ୍ୱକୁ ମୁଁ ବୁଝି ପାରୁଛୁ ।  ପଡ଼ିଆରେ ଶ୍ରେଷ୍ଠ ପ୍ରଦର୍ଶନ ଦେବା ହେଉଛି ଆମର  ଲକ୍ଷ୍ୟ । ଅଧିକ ଗୋଲ ସ୍କୋର କରି ମ୍ୟାଚ୍‌ ଜିତିବା  ଉପରେ ଧ୍ୟାନ ଦେଉଛୁ । ଗତ ଚାରି ବର୍ଷ ହେବ  ଭାରତୀୟ ଦଳ ଉପରେ ମୁଁ ନଜର ରଖିଛି । ଦଳରେ  ବହୁ ଉନ୍ନତି ଆସିଥିବାର ଅନୁଭବ କରୁଛି ।’  

ଆମର ଟାର୍ଗେଟ ୩  ପଏଣ୍ଟ 

ହାସନ କତାର ଅଧିନାୟକ ହାସନ ଅଲ ହାୟଦୋସ କଳିଙ୍ଗ ଷ୍ଟାଡିୟମରେ ଅଭ୍ୟାସ କରିବା ପରେ  ବହୁତ ଉତ୍ସାହିତ ରହିଛନ୍ତି । ଏଠାକାର ପରିବେଶ  ଏବଂ ଭିତ୍ତିଭୂମିକୁ ନେଇ ବେଶ ସକରାତ୍ମକ  ରହିଛନ୍ତି । ସେ କହିଛନ୍ତି, ‘ମୁଁ ପୂର୍ବରୁ ଭାରତୀୟ  ଦଳ ବିପକ୍ଷରେ ଖେଳିଛି । ଦଳ ଧୀରେ ଧୀରେ  ବହୁ ଉନ୍ନିତ କଲାଣି । ମଙ୍ଗଳବାରର ମ୍ୟାଚ୍‌ ଉପରେ ଆମର ଫୋକସ ରହିଛି । ଆମର ଟାର୍ଗେଟ  ହେଉଛି ମ୍ୟାଚ୍‌ ଜିତିବା ଏବଂ ପୂରା ୩ ପଏଣ୍ଟ  ହାସଲ କରିବା ।’

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.