ଦାରିଙ୍ଗବାଡି,୧୧/୭(ଆପ୍ର): ବାଇକରେ ଗଞ୍ଜେଇ ଚୋରା ଚାଲାଣ ବେଳେ ମାଡ଼ି ବସିଲା ପୋଲିସ । ୧୩ କିଲୋ ୬୦୦ ଗ୍ରାମ ଗଞ୍ଜେଇ ଜବତ କରିବା ସହ ଜଣେ ଯୁବକ ଙ୍କୁ ଗିରଫ କରିଛି । ଏଥି ସହିତ ଗଞ୍ଜେଇ ଚାଲାଣ ହେଉଥିବା ବାଇକ୍ କୁ ମଧ୍ୟ ଜବତ କରିଛି ପୋଲିସ । ଗିରଫ ଯୁବକ ହେଲେ ବଡଗଡ଼ ଥାନା ବୁରୁପଡ଼ା ଗ୍ରାମର ନୀତ ରୋହିତ ।

ଦାରିଙ୍ଗବାଡି ଅଞ୍ଚଳରୁ ଗଞ୍ଜେଇ ନେଇ ନିତ ରୋହିତ ଗଞ୍ଜାମ ଜିଲ୍ଲାକୁ ବିକ୍ରି କରିବା ପାଇଁ ଯାଉଥିଲେ। ଦାରିଙ୍ଗବାଡି ପୋଲିସ ବିଶେଷ ସୂତ୍ର ରୁ ଖବର ପାଇଁ ୫୯ ନମ୍ୱର ଜାତୀୟ ରାଜପଥ ଅଡାମାହା ଶଙ୍ଖ ପାଖରେ ଚଢାଉ କରି ବାଇକ୍ ସହ ଗଞ୍ଜେଇ ଜବତ କରିଥିଲା। ଏଥିସହ  ନିତ ରୋହିତଙ୍କୁ ଗିରଫ କରିଥିବା ଥାନା ଅଧିକାରୀ ଆନନ୍ଦ ଚନ୍ଦ୍ର ପାତ୍ର ସୂଚନା ଦେଇଛନ୍ତି । ପୋଲିସ ଏନେଇ ମାମଲା ରୁଜୁ କରି ଘଟଣାର ଅଧିକ ତଦନ୍ତ କରୁଥିବା ତଦନ୍ତକାରୀ ଅଧିକାରୀ ବାସନ୍ତୀ ବେହେରା ସୂଚନା ଦେଇଛନ୍ତି ।