ଭୁବନେଶ୍ୱର, ଶ୍ରୀ ଗିରିରାଜ ସିଂହ/୭।୮: ୭ ଅଗଷ୍ଟ, ୨୦୨୪ରେ ଦଶମ ଜାତୀୟ ହସ୍ତତନ୍ତ ଦିବସ ପାଳନ କରୁଛି ସାରା ଦେଶ । ସମସ୍ତେ ଜାଣନ୍ତି ଯେ, ୧୯୦୫ ମସିହା ଅଗଷ୍ଟ ୭ ତାରିଖରେ କୋଲକାତାର ଟାଉନ ହଲ୍‌ରେ ଅନୁଷ୍ଠିତ ଏକ ବୈଠକରେ ସ୍ୱଦେଶୀ ଆନ୍ଦୋଳନ ଆରମ୍ଭ ହୋଇଥିଲା । ଆମ ସ୍ୱାଧୀନତା ସଂଗ୍ରାମର ଏକ ଅଂଶ ଭାବରେ ଏହି ଆନ୍ଦୋଳନ ଘରୋଇ ଉତ୍ପାଦ ଏବଂ ଉତ୍ପାଦନ ପ୍ରକ୍ରିୟାକୁ ପୁନରୁଦ୍ଧାର କରିବା ଉଦ୍ଦେଶ୍ୟରେ ହୋଇଥିଲା । ଏହି ଐତିହାସିକ ସମାରୋହ ଉପଲକ୍ଷେ ଏବଂ ଆମର ହସ୍ତତନ୍ତ ପରମ୍ପରାକୁ ପାଳନ କରିବା ପାଇଁ ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି ୨୦୧୫ରେ ଅଗଷ୍ଟ ୭ ତାରିଖକୁ ଜାତୀୟ ହସ୍ତତନ୍ତ ଦିବସ ଭାବେ ଘୋଷଣା କରିଥିଲେ । ଭାରତର ହସ୍ତତନ୍ତ କାରିଗରମାନଙ୍କୁ ସମ୍ମାନିତ କରିବା ଏବଂ ହସ୍ତତନ୍ତ କ୍ଷେତ୍ରକୁ ପ୍ରୋତ୍ସାହନ ଦେବାପାଇଁ ଏହି କାର୍ଯ୍ୟକ୍ରମ ଉଦ୍ଦିଷ୍ଟ । ହସ୍ତତନ୍ତ ଗ୍ରାମୀଣ ଏବଂ ଅର୍ଦ୍ଧ-ଗ୍ରାମୀଣ ଜୀବିକାର ଏକ ଗୁରୁତ୍ୱପୂର୍ଣ୍ଣ ଉତ୍ସ, ଯେଉଁଥିରେ ୩୫ଲକ୍ଷରୁ ଅଧିକ ଲୋକ ସାମିଲ ଅଛନ୍ତି । ଏମାନଙ୍କ ମଧ୍ୟରୁ ୨୫ଲକ୍ଷରୁ ଅଧିକ ମହିଳା ଅଛନ୍ତି । ତେଣୁ ମହିଳାଙ୍କ ଆର୍ଥିକ ସଶକ୍ତୀକରଣ ପାଇଁ ଏହି କ୍ଷେତ୍ର ଏକ ଗୁରୁତ୍ୱପୂର୍ଣ୍ଣ ଉତ୍ସ । ସାରା ଦେଶରେ ହସ୍ତତନ୍ତ କ୍ଷେତ୍ରକୁ ପ୍ରୋତ୍ସାହନ ଦେବା ପାଇଁ ବୟନ ଶିଳ୍ପ ମନ୍ତ୍ରଣାଳୟ ଅନେକ ପଦକ୍ଷେପ ନେଇଛି । 

ମୁଁ ୨୮ ଜୁଲାଇ ୨୦୨୪ରେ ମାନ୍ୟବର ପ୍ରଧାନମନ୍ତ୍ରୀଙ୍କ "ମନ୍‌ କୀ ବାତ୍‌' କାର୍ଯ୍ୟକ୍ରମ ସମ୍ପର୍କରେ ଆପଣଙ୍କ ଦୃଷ୍ଟି ଆକର୍ଷଣ କରିବାକୁ ଚାହୁଁଛି, ଯେଉଁଥିରେ ସେ ଗ୍ରାମୀଣ ମହିଳାମାନଙ୍କୁ ଆର୍ଥିକ ସଶକ୍ତୀକରଣ କରିବାରେ ହସ୍ତତନ୍ତ କ୍ଷେତ୍ରର ଗୁରୁତ୍ୱ ଉପରେ ଆଲୋକପାତ କରିଥିଲେ । ହସ୍ତତନ୍ତ ଉତ୍ପାଦ ଏବଂ ସ୍ଥାୟୀ ଫେଶନକୁ ପ୍ରୋତ୍ସାହିତ କରିବା ପାଇଁ ଆଧୁନିକ ଜ୍ଞାନକୌଶଳ ବ୍ୟବହାର କରୁଥିବା ନୂତନ ଷ୍ଟାର୍ଟଅପ୍‌ ଉଦ୍ୟୋଗଗୁଡ଼ିକ ପ୍ରତି ମଧ୍ୟ ସେ ଦୃଷ୍ଟି ଆକର୍ଷଣ କରିଥିଲେ । ସ୍ଥାନୀୟ ହସ୍ତତନ୍ତ ଉତ୍ପାଦକୁ ଲୋକପ୍ରିୟ କରିବା ସହ ହ୍ୟାଶଟ୍ୟାଗ୍‌ ଅଗଚ୍ଚଚକ୍ସକ୍ଟୟଙ୍କମଗ୍ଧଗଚ୍ଚଚକ୍ସସୟର ସହ ସୋସିଆଲ ମିଡିଆରେ ସେୟାର କରିବାକୁ ସେ ନାଗରିକମାନଙ୍କୁ ଅନୁରୋଧ କରିଛନ୍ତି । ଗତ କିଛି ବର୍ଷ ମଧ୍ୟରେ ଭାରତର ହସ୍ତତନ୍ତ କ୍ଷେତ୍ର ଦୀର୍ଘସ୍ଥାୟିତ୍ୱ ଏବଂ ଧୀର ଫ୍ୟାସନର ପ୍ରତୀକ ଭାବରେ ଉଭା ହୋଇଛି । ଆଜି ମୁଁ ହସ୍ତତନ୍ତର ପୁନରୁଦ୍ଧାର ଉତ୍ସବ ପାଳନ କରୁଥିବା ବେଳେ ପରିମାଣ ଅପେକ୍ଷା ଗୁଣବତ୍ତାକୁ ପ୍ରାଥମିକତା ଦେବା ଉପରେ ଗୁରୁତ୍ୱ ଦେବାକୁ ଚାହୁଁଛି ଏବଂ ହସ୍ତତନ୍ତ କ୍ଷେତ୍ରରେ ଦୀର୍ଘସ୍ଥାୟୀ ଗତି ବଜାୟ ରଖିବାକୁ ଭାରତବାସୀଙ୍କୁ ଅନୁରୋଧ କରୁଛି । ହସ୍ତତନ୍ତ ବୁଣାକାମ ହେଉଛି ଏକ ଐତିହ୍ୟ କଳା ଯାହା ଧୀର, ଦୀର୍ଘସ୍ଥାୟୀ ଏବଂ ନୈତିକ ଫେସନ ନୀତିକୁ ପ୍ରତିଫଳିତ କରେ । ବିଗତ ଦଶନ୍ଧି ଧରି କ୍ରମାଗତ ସରକାରୀ ପ୍ରୟାସ ସହିତ ଦ୍ରୁତ ଫ୍ୟାସନରୁ ସ୍ଥାନୀୟ ଉତ୍ପାଦିତ ଦ୍ରବ୍ୟ ଆଡ଼କୁ ଏକ ଉଲ୍ଲେଖନୀୟ ରୂପାନ୍ତରଣ ଘଟିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗର୍ବର ସହ ଭାରତୀୟ ହସ୍ତତନ୍ତ କପଡ଼ା ପିନ୍ଧି ବିଶ୍ୱସ୍ତରରେ ଏହାକୁ ପ୍ରୋତ୍ସାହିତ କରନ୍ତି ଏବଂ ଏହାର ସଫଳତାର ଶ୍ରେୟ ତାଙ୍କୁ ବହୁ ପରିମାଣରେ ଯାଇଥାଏ । 

ଏହି ଆନ୍ଦୋଳନରେ ଅଧିକରୁ ଅଧିକ ଲୋକ ସାମିଲ ହେବାର ସମୟ ଆସିଛି । ଦୀର୍ଘସ୍ଥାୟିତ୍ୱକୁ ପ୍ରୋତ୍ସାହିତ କରୁଥିବା ହସ୍ତତନ୍ତ କ୍ଷେତ୍ର ମହିଳା ଏବଂ ଅବହେଳିତ ସମ୍ପ୍ରଦାୟକୁ ସଶକ୍ତ କରିବା, ସେମାନଙ୍କୁ ଆର୍ଥିକ ସମ୍ଭାବନା ପ୍ରଦାନ କରିବା ଏବଂ ସେମାନଙ୍କ କାରିଗରୀକୁ ନେଇ ଗର୍ବ ସୃଷ୍ଟି କରିବା ପାଇଁ ଗୁରୁତ୍ୱପୂର୍ଣ୍ଣ ସୁଯୋଗ ପ୍ରଦାନ କରିଥାଏ । ଏହି କ୍ଷେତ୍ରର ଉନ୍ନତି ପାଇଁ ସୂତା କଟାଳି, ରଙ୍ଗ କାମ କରୁଥିବା ଲୋକ ଏବଂ ବୁଣାକାର ଭାବରେ ମହିଳାମାନଙ୍କର ଗୁରୁତ୍ୱପୂର୍ଣ୍ଣ ଭୂମିକାକୁ ମୁଁ ସ୍ୱୀକାର କରୁଛି ଏବଂ ସେମାନଙ୍କର ଅମୂଲ୍ୟ ଅବଦାନକୁ ପ୍ରଶଂସା କରୁଛି । ମୁଁ ସାରା ଦେଶରେ ପାରମ୍ପରିକ ସମ୍ପ୍ରଦାୟ ଏବଂ ବିଶେଷ କରି ମହିଳାମାନଙ୍କ ଅବଦାନକୁ ସମ୍ପୂର୍ଣ୍ଣ ଭାବରେ ସ୍ୱୀକାର କରେ ଏବଂ ସମ୍ମାନ କରେ ଯେଉଁମାନଙ୍କ ବିନା, ହସ୍ତତନ୍ତ କ୍ଷେତ୍ର ବହୁତ କ୍ଷତିର ସମ୍ମୁଖୀନ ହେବ । ସେମାନଙ୍କ ଅବଦାନକୁ ବଜାୟ ରଖିବା ଏବଂ ବଢ଼ାଇବା ପାଇଁ ସେମାନଙ୍କୁ ସମ୍ମାନ ଓ ସମ୍ମାନର ସହ ବ୍ୟବହାର କରିବା ଜରୁରି । 

ଏହାବ୍ୟତୀତ ହସ୍ତତନ୍ତ କ୍ଷେତ୍ରରେ ଅନେକ ମହିଳାଙ୍କ ନେତୃତ୍ୱାଧୀନ ସମବାୟ ଓ ସ୍ୱୟଂ ସହାୟକ ଗୋଷ୍ଠୀ ଉଭା ହୋଇଛନ୍ତି । ଏହି ସଂଗଠନଗୁଡ଼ିକ କେବଳ ପ୍ରଶିକ୍ଷଣ ଏବଂ ସମ୍ବଳ ପ୍ରଦାନ କରନ୍ତି ନାହିଁ, ବରଂ ଏକ ସମର୍ଥନ ନେଟୱାର୍କ ମଧ୍ୟ ପ୍ରଦାନ କରନ୍ତି, ଯାହା ଏକତା ଓ ସାମୂହିକ ମୂଲଚାଲ କ୍ଷମତାକୁ ପ୍ରୋତ୍ସାହିତ କରେ । ମହିଳା ସ୍ୱୟଂ ସହାୟକ ଗୋଷ୍ଠୀମାନେ ଏକାଠି ହୋଇ ସେମାନଙ୍କ ଉତ୍ପାଦର ଉତ୍ତମ ମୂଲ୍ୟ, ବୃହତ ବଜାରରେ ପ୍ରବେଶ କରିପାରିବେ ଏବଂ ଉଚିତ ମଜୁରି ଓ କାର୍ଯ୍ୟ ଅବସ୍ଥା ପାଇଁ ଓକିଲାତି କରିପାରିବେ । ବୁଣା କୌଶଳ, ଡିଜାଇନ୍‌ ଉଦ୍ଭାବନ ଏବଂ ଉଦ୍ୟୋଗୀ ଦକ୍ଷତାରେ ଉନ୍ନତି ଆଣିବା ଉଦ୍ଦେଶ୍ୟରେ ଶିକ୍ଷାଗତ କାର୍ଯ୍ୟକ୍ରମ ଏବଂ ପଦକ୍ଷେପ ମହିଳାମାନଙ୍କୁ ଅଧିକ ସଶକ୍ତ କରିବ । 

ନୂତନ ଜ୍ଞାନକୌଶଳରେ ଦକ୍ଷତା ହାସଲ କରି ଏବଂ ଆଧୁନିକ ଡିଜାଇନର ଅନୁସନ୍ଧାନ କରି ମହିଳା ବୁଣାକାରମାନେ ଉଚ୍ଚ ମାନର ଉତ୍ପାଦ ସୃଷ୍ଟି କରିପାରିବେ, ଯାହା ସମକାଳୀନ ବଜାରକୁ ଆକର୍ଷିତ କରେ, ସେମାନଙ୍କ କଳାର ସ୍ଥାୟିତ୍ୱକୁ ସୁନିଶ୍ଚିତ କରିପାରିବ । ଏମ୍ବ୍ରୋଡରୀ ଏବଂ ପ୍ରିଣ୍ଟିଂ ଦ୍ୱାରା ମୂଲ୍ୟ ବୃଦ୍ଧି ମାଧ୍ୟମରେ ହସ୍ତତନ୍ତକୁ ପ୍ରୋତ୍ସାହିତ କରିବା ପାରମ୍ପରିକ ବସ୍ତ୍ରରେ ନୂତନ ଜୀବନର ନିଶ୍ୱାସ ନେଇଥାଏ, ଅନନ୍ୟ ଏବଂ ଅତ୍ୟନ୍ତ ଇଚ୍ଛାଯୋଗ୍ୟ ଉତ୍ପାଦ ସୃଷ୍ଟି କରିଥାଏ । ଛୁଞ୍ଚିକାମ ସହ ଜଡ଼ିତ ଏକ ଜଟିଳ କଳା ଏମ୍ବ୍ରୋଇଡରି ହସ୍ତତନ୍ତ କପଡ଼ାରେ ଗଭୀରତା ଏବଂ ଚରିତ୍ର ଯୋଡ଼ିଥାଏ । ଜରଦୋଜି, କାନ୍ଥା କିମ୍ବା ଚିକନକାରୀ ଭଳି ବିଭିନ୍ନ କୌଶଳକୁ ସାମିଲ କରି କାରିଗରମାନେ ସରଳ ହସ୍ତତନ୍ତ ବସ୍ତ୍ରକୁ ବିସ୍ତୃତ, ଏକପ୍ରକାର ଖଣ୍ଡରେ ପରିଣତ କରିପାରିବେ । ଏହା କେବଳ ସୌନ୍ଦର୍ଯ୍ୟପୂର୍ଣ୍ଣ ଆକର୍ଷଣ ନୁହେଁ, ବରଂ ଉତ୍ପାଦଗୁଡ଼ିକର ବଜାର ମୂଲ୍ୟ ମଧ୍ୟ ବୃଦ୍ଧି କରେ, ଯାହା କାରିଗରମାନଙ୍କୁ ଉନ୍ନତ ଆର୍ଥିକ ସୁଯୋଗ ପ୍ରଦାନ କରେ । 

ହସ୍ତତନ୍ତ କପଡ଼ା ସହିତ ଏହି ମୂଲ୍ୟ ସଂଯୋଜନ କୌଶଳକୁ ମିଶ୍ରଣ କରିବା ଦ୍ୱାରା ଉଭୟ ପାରମ୍ପରିକ ଏବଂ ସମସାମୟିକ ବଜାରକୁ ଆକର୍ଷିତ କରୁଥିବା ଉତ୍ପାଦ ସୃଷ୍ଟିହୁଏ । ଏହି ମିଶ୍ରଣ କେବଳ ପୁରୁଣା ହସ୍ତଶିଳ୍ପର ସଂରକ୍ଷଣ ଏବଂ ପୁନରୁଦ୍ଧାର କରେନାହିଁ³ ବରଂ ହାତ ତିଆରି, ପରିବେଶ ଅନୁକୂଳ ବସ୍ତ୍ରର ବ୍ୟବହାରକୁ ପ୍ରୋତ୍ସାହିତ କରି ସ୍ଥାୟୀ ଫ୍ୟାସନକୁ ପ୍ରୋତ୍ସାହିତ କରେ । ହସ୍ତତଶିଳ୍ପରେ ପ୍ରଯୁକ୍ତି ବିଦ୍ୟା ଓ ଉଦ୍ଭାବନର ସମନ୍ୱୟ ବୁଣାକାରମାନଙ୍କ ଦ୍ୱାରା ଅନୁଭୂତ ହେଉଥିବା ଦୁର୍ଦ୍ଦଶା ଦୂର କରିବା, ଉତ୍ପାଦକତା ବୃଦ୍ଧି ଏବଂ ଏହି ପାରମ୍ପରିକ କଳାକୁ ସଂରକ୍ଷିତ ରଖିବା ପାଇଁ ବହୁତ ବଡ଼ ପ୍ରତିଶ୍ରୁତି ବହନ କରେ । ଆଧୁନିକ ଉନ୍ନତି ହସ୍ତତନ୍ତ ବୁଣା ସହିତ ଜଡ଼ିତ ଶାରୀରିକ ଚାପକୁ ଯଥେଷ୍ଟ ହ୍ରାସ କରିପାରିବ, ଯାହା ଏହି ପ୍ରକ୍ରିୟାକୁ ଅଧିକ ଦକ୍ଷ ଏବଂ କମ୍‌ ଶ୍ରମ-ନିବିଡ଼ କରିପାରେ । ଏହାବ୍ୟତୀତ କମ୍ପ୍ୟୁଟର ସହାୟତା ପ୍ରାପ୍ତ ଡିଜାଇନ ସଫ୍‌ଟୱେୟାର ବୁଣାକାରମାନଙ୍କୁ ବୁଣିବା ଆରମ୍ଭ କରିବା ପୂର୍ବରୁ ଜଟିଳ ଢାଞ୍ଚା ଏବଂ ରଙ୍ଗ (ସିଏଡି) ମିଶ୍ରଣ ସହିତ ପରୀକ୍ଷା କରିବାକୁ ସକ୍ଷମ କରେ । ଏହା କେବଳ ସମୟ ସଞ୍ଚୟ କରେନାହିଁ ବରଂ ତ୍ରୁଟିର ଆଶଙ୍କାକୁ ମଧ୍ୟ ହ୍ରାସ କରିଥାଏ, ଯାହାଦ୍ୱାରା ଉଚ୍ଚ ଗୁଣବତ୍ତା ଉତ୍ପାଦନ ହୋଇଥାଏ । 

ଡିଜିଟାଲ ପ୍ଲାଟଫର୍ମ ଏବଂ ଇ-କମର୍ସ ୱେବସାଇଟ ବୁଣାକାରମାନଙ୍କୁ ବ୍ୟାପକ ବଜାରରେ ପ୍ରବେଶ ପ୍ରଦାନ କରିଥାଏ, ସେମାନଙ୍କୁ ଉପଭୋକ୍ତାଙ୍କ ସହ ସିଧାସଳଖ ସଂଯୋଗ କରିଥାଏ ଏବଂ ମଧ୍ୟସ୍ଥଙ୍କ ଉପରେ ନିର୍ଭରଶୀଳତା ହ୍ରାସ କରିଥାଏ । ଚଳିତ ବର୍ଷ ଜାତୀୟ ହସ୍ତତନ୍ତ ଦିବସ ପାଳନ କରିବା ପାଇଁ ମୁଁ ସମସ୍ତଙ୍କୁ ଆଜି ଦୁଇଟି ଶପଥ ନେବାକୁ ଅନୁରୋଧ କରୁଛି । ପ୍ରଥମତଃ ହସ୍ତତନ୍ତ ଉତ୍ପାଦରେ ସେଲ୍‌ଫି ନେବା ଏବଂ ସୋସିଆଲ ମିଡିଆରେ ସେୟାର କରିବା । ଦ୍ୱିତୀୟତଃ ହସ୍ତତନ୍ତକୁ ସେମାନଙ୍କ ଆଲମିରା ଏବଂ ଦୈନନ୍ଦିନ ଜୀବନରେ ଅନ୍ତର୍ଭୁକ୍ତ କରିବା ପାଇଁ ଶପଥ ନେବା । ପ୍ରତ୍ୟେକ ହସ୍ତତନ୍ତ ଉତ୍ପାଦ ଅନନ୍ୟ, ବିସ୍ତୃତ ଭାବରେ ଯତ୍ନ ଏବଂ ଧ୍ୟାନରେ ବୁଣାଯାଇଥାଏ, ଯାହା ଏହାର ନିର୍ମାତାଙ୍କ ସମର୍ପଣ ଏବଂ କାରିଗରୀକୁ ପ୍ରତିଫଳିତ କରେ । ହସ୍ତତନ୍ତ ଉତ୍ପାଦ ଚୟନ କରି ଆମେ କେବଳ ପାରମ୍ପରିକ ବସ୍ତ୍ରର ସୌନ୍ଦର୍ଯ୍ୟ ଏବଂ ବିବିଧତାକୁ ପାଳନ କରୁନାହୁଁ³ ବରଂ କାରିଗରଙ୍କ ଜୀବିକାରେ ମଧ୍ୟ ଯୋଗଦାନ ଦେଇଥାଉ, ଯାହାଦ୍ୱାରା ସେମାନଙ୍କର ଅମୂଲ୍ୟ କୌଶଳ ଭବିଷ୍ୟତ ପିଢ଼ିକୁ ପ୍ରଦାନ କରାଯାଏ । 

ହସ୍ତତନ୍ତ ଶିଳ୍ପରେ ଗୁଣବତ୍ତା, ନିରନ୍ତରତା ଏବଂ ପ୍ରଯୁକ୍ତିବିଦ୍ୟାକୁ ପ୍ରାଥମିକତା ଦେବା ଗୁରୁତ୍ୱପୂର୍ଣ୍ଣ । ଅଭିନବ ସାମଗ୍ରୀ ଓ ପ୍ରକ୍ରିୟା ପ୍ରଚଳନ କରି ହସ୍ତତନ୍ତ ବୁଣା ଅଧିକ ଆକର୍ଷଣୀୟ ହୋଇପାରିବ । ସମସ୍ତେ ଆଞ୍ଚଳିକ କାରିଗର ଏବଂ ପାରମ୍ପରିକ ବୁଣାକାର ସମ୍ପ୍ରଦାୟକୁ ସମର୍ଥନ କରିବା ଉଚିତ । ସେମାନଙ୍କ ପୋଷାକ କିଣି, ଆମକୁ ଏହାକୁ ତିଆରି କରୁଥିବା ଲୋକଙ୍କୁ ଏବଂ ପୃଥିବୀକୁ ପ୍ରଭାବିତ କରୁଥିବା ଦିଗ ପ୍ରତି ସତର୍କ ରହିବା ଉଚିତ୍‌ । ହସ୍ତତନ୍ତ ସାମଗ୍ରୀ, ନିରପେକ୍ଷ ବାଣିଜ୍ୟ, ଆଞ୍ଚଳିକ ଉତ୍ପାଦନ, ଦୀର୍ଘସ୍ଥାୟିତ୍ୱ ଏବଂ କାରିଗରୀ ଉପରେ ଧ୍ୟାନ ଦେବା ଏହି ଅଭିଯାନକୁ ବୃଦ୍ଧି କରିବାରେ ସହାୟକ ହେବ ଏବଂ ହସ୍ତତନ୍ତ ବୁଣାକାରମାନଙ୍କୁ ସେମାନଙ୍କର ଅଧିକାର ପ୍ରଦାନ କରିବ । ହସ୍ତତନ୍ତ ଶିଳ୍ପକୁ ସମର୍ଥନ କରି ଆମେ କେବଳ ଏକ ସମୃଦ୍ଧ ସାଂସ୍କୃତିକ ଐତିହ୍ୟକୁ ସଂରକ୍ଷିତ କରୁନାହୁଁ³ ବରଂ ମହିଳା ସଶକ୍ତୀକରଣ ଏବଂ ଲିଙ୍ଗଗତ ସମାନତା ପାଇଁ ମଧ୍ୟ ସମର୍ଥନ କରୁଛୁ ଏବଂ ଜାତିସଂଘର ଅନେକ ନିରନ୍ତର ବିକାଶ ଲକ୍ଷ୍ୟ (ଏସଡିଜି) ୨୦୩୦ ମଧ୍ୟ ହାସଲ କରୁଛୁ ।