ପ୍ରମୂଖ ଖବର
  • ଚତୁର୍ଥ ଟି-ଟ୍ୱେଣ୍ଟ; ଜିମ୍ବାଓ୍ବେକୁ ୧୦ ୱିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ, ଆଜି ପଞ୍ଚମ ମୁକାବିଲା
  • ||
  • ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଗୁଳିମାଡ଼, ସୁରକ୍ଷାକର୍ମୀଙ୍କ ଗୁଳିମାଡ଼ରେ ସନ୍ଦିଗ୍ଧ ସୁଟର ମୃତ
  • ||
  • ପାଞ୍ଚ ଦଶନ୍ଧିର ଘଟିବ ଅନ୍ତ, ଆଜି ଖୋଲିବ ଶ୍ରୀମନ୍ଦିର ରତ୍ନଭଣ୍ଡାର, ଦିନ ୧ଟା ପରେ ଶୁଭ ମୁହୂର୍ତ୍ତରେ ଫିଟିବ ତାଲା
  • ||
  • ରାଜ୍ୟରେ ଆସନ୍ତା ଦୁଇ ଦିନ ପ୍ରବଳ ବର୍ଷା ସମ୍ଭାବନା, ୧୮ରେ ଆଉ ଏକ ଘୂର୍ଣ୍ଣିବଳୟ
  • ||

ସୁବ୍ରତ ରାୟଙ୍କ ଦେହାନ୍ତ ପରେ ସରକାରଙ୍କ ହାତକୁ ଆସିବ କି ୨୫୦୦୦ କୋଟି?

ନୂଆଦିଲ୍ଲୀ,୨୦/୧୧: ସାହାରା ଇଣ୍ଡିଆ ମାଲିକ ସୁବ୍ରତ ରାୟଙ୍କ ଦେହାନ୍ତ ପରେ ପୁଞ୍ଜି ବଜାର ନିୟାମକ ସେବିର ଆକାଉଣ୍ଟରେ ଜମାଥିବା ୨୫୦୦୦ କୋଟିରୁ ଅଧିକ ଟଙ୍କାକୁ ନେଇ ପୁଣି ଚର୍ଚ୍ଚାର ବିଷୟ ପାଲଟିଛି। ମାର୍କେଟ ରେଗୁଲେଟର ସେବି ସାହାରା ଗ୍ରୁପରୁ ନିବେଶକଙ୍କ ଠାରୁ ୨୫,୦୦୦ କୋଟି ଟଙ୍କା ଉଦ୍ଧାର କରିଛି, ଏହି ଟଙ୍କା କିପରି ସରକାରୀ ଆକାଉଣ୍ଟକୁ ସ୍ଥାନାନ୍ତର କରାଯିବ ସେନେଇ ସରକାର ଆଇନଗତ ପ୍ରସଙ୍ଗ ଉପରେ ଦୃଷ୍ଟି ରଖିଛନ୍ତି। ଏଭଳି ପରିସ୍ଥିତିରେ ପ୍ରଶ୍ନ ଉଠିଛି ଯେ ସୁବ୍ରତ ରାୟଙ୍କ ମୃତ୍ୟୁ ପରେ ଏହି ସେବି ଖାତାରେ ଥିବା ସାହାରାର ୨୫,୦୦୦ କୋଟି ଟଙ୍କା ସରକାରୀ ଖାତାକୁ ଆସିବ କି? ଆସନ୍ତୁ ଜାଣିବା ପୂରା ମାମଲା କ’ଣ?

ପଢ଼ନ୍ତୁ: ସୁପ୍ରିମ କୋର୍ଟ, ସେବି ଓ ଜେଲ୍‌, ସମସ୍ତେ ଆଶ୍ଚର୍ଯ୍ୟ! ଯେତେବେଳେ ଫାଇଲ୍‌ ଭର୍ତ୍ତି ୧୨୭ଟି ଟ୍ରକ୍‌ ନେଇ ସେବି ଅଫିସ୍‌ ପହଞ୍ଚିଥିଲେ ସୁବ୍ରତ ରାୟ

ସେବି ଏହାର ଆଦେଶରେ କହିଛି ଯେ, ଉଭୟ କମ୍ପାନୀ ଏହାର ନିୟମାବଳୀ ଉଲ୍ଲଂଘନ କରି ଟଙ୍କା ଜମା କରିଛନ୍ତି। ଦୀର୍ଘ ଦିନର ଆଇନଗତ ଯୁଦ୍ଧ ପରେ ସୁପ୍ରିମକୋର୍ଟ ୩୧ ଅଗଷ୍ଟ ୨୦୧୨ ରେ ସେବି ର ନିର୍ଦ୍ଦେଶକୁ ସମର୍ଥନ କରି ଉଭୟ କମ୍ପାନୀକୁ ନିବେଶକଙ୍କ ଟଙ୍କାକୁ ୧୫ ପ୍ରତିଶତ ସୁଧ ସହିତ ଫେରସ୍ତ କରିବାକୁ କହିଥିଲେ। ଏହା ପରେ ସାହାରାକୁ ନିବେଶକଙ୍କ ଟଙ୍କା ଫେରସ୍ତ ପାଇଁ ସେବି ସହିତ ଆନୁମାନିକ ୨୪,୦୦୦ କୋଟି ଟଙ୍କା ଜମା କରିବାକୁ କୁହାଯାଇଥିଲା। ତେବେ ଏହି ଗୋଷ୍ଠୀ କହିଆସୁଛି ଯେ, ଏହା ୯୫% ରୁ ଅଧିକ ନିବେଶକଙ୍କୁ ସିଧାସଳଖ ଟଙ୍କା ପ୍ରଦାନ କରିସାରିଛି। ଏହାରି ଭିତରେ ସରକାର ସେବି ପାଖରେ ଥିବା ୨୫,୦୦୦ କୋଟି ଟଙ୍କାକୁ ଭାରତର ଏକୀଭୂତ ପାଣ୍ଠିରେ ସାମିଲ କରିବାକୁ ପ୍ରସ୍ତୁତ ହେଉଛନ୍ତି। 

ନିବେଶକଙ୍କୁ ୧୧ ବର୍ଷରେ ଫେରସ୍ତ ହୋଇଛି ୧୩୮.୦୭ କୋଟି:

ପୁଞ୍ଜି ବଜାର ନିୟାମକର ସଦ୍ୟତମ ବାର୍ଷିକ ରିପୋର୍ଟ ଅନୁଯାୟୀ, ସେବି ୧୧ ବର୍ଷ ମଧ୍ୟରେ ସାହାରା ଗ୍ରୁପ୍‌ର ଦୁଇଟି କମ୍ପାନୀର ନିବେଶକଙ୍କୁ ୧୩୮.୦୭ କୋଟି ଟଙ୍କା ଫେରସ୍ତ କରିଛି। ଏହାରିଭିତରେ, ପରିଶୋଧ ପାଇଁ ସ୍ୱତନ୍ତ୍ର ଭାବେ ଖୋଲାଯାଇଥିବା ବ୍ୟାଙ୍କ ଆକାଉଣ୍ଟରେ ଜମା ହୋଇଥିବା ପରିମାଣ ୨୫,୦୦୦ କୋଟିରୁ ଅଧିକ ହୋଇଛି। ସାହାରା କମ୍ପାନୀର ଦୁଇ ସେହାରରେ ଦୁଇଟି କମ୍ପାନୀର ଅଧିକାଂଶ ବଣ୍ଡହୋଲ୍ଡର ଏ ସମ୍ପର୍କରେ କୌଣସି ଦାବି କରିନାହାଁନ୍ତି ଏବଂ ମୋଟ ପରିମାଣ ଗତ ଆର୍ଥିକ ବର୍ଷ ୨୦୨୨-୨୩ରେ ପାଖାପାଖି ପ୍ରାୟ ୭ ଲକ୍ଷ ଟଙ୍କା ବୃଦ୍ଧି ପାଇଛି, କେବଳ ଏତିକି ନୁହେଁ ବରଂ ଏହାରି ଭିତରେ ସେବି-ସାହାରା ପରିଶୋଧ ଆକାଉଣ୍ଟରେ ଅବଶିଷ୍ଟ ପରିମାଣ ୧,୦୮୭ କୋଟି ବୃଦ୍ଧି ପାଇଛି।

ପଢ଼ନ୍ତୁ: ୱାର୍ଲ୍ଡକପ୍ ପରେ ଘରକୁ ଫେରିବା ମହଙ୍ଗା ପଡିଲା, ଅହମ୍ମଦାବାଦ ଆସୁଥିବା ବିମାନର ବଢିଲା ୧୦ ଗୁଣା ଟିକେଟ୍

ବାର୍ଷିକ ରିପୋର୍ଟ ଅନୁଯାୟୀ, ସେବି ୩୧ ମାର୍ଚ୍ଚ ୨୦୨୩ ପର୍ଯ୍ୟନ୍ତ ୫୩,୬୮୭ ଆକାଉଣ୍ଟ ସହିତ ଜଡ଼ିତ ୧୯,୬୫୦ ଆବେଦନ ଗ୍ରହଣ କରିଛି। ସେଥିମଧ୍ୟରୁ ୪୮,୩୨୬ ଆକାଉଣ୍ଟ ସହ ଜଡିତ ୧୭,୫୨୬ ଆବେଦନ ପାଇଁ ମୋଟ ୧୩୮.୦୭ କୋଟି ଟଙ୍କା ଫେରସ୍ତ କରାଯାଇଥିଲା, ଯେଉଁଥିରେ ୬୭.୯୮ କୋଟି ଟଙ୍କା ସୁଧ ମଧ୍ୟ ଅନ୍ତର୍ଭୁକ୍ତ ହୋଇଛି। 

ସାହାରା ଗ୍ରୁପର ଅବଶିଷ୍ଟ ଦୁଇଟି କମ୍ପାନୀ ଦ୍ବାରା ପ୍ରଦାନ କରାଯାଇଥିବା ସୂଚନା ମାଧ୍ୟମରେ କୌଣସି ସୂଚନା ନମିଳିବା କାରଣରୁ ବନ୍ଦ ହୋଇଯାଇଥିଲା। ଶେଷ ଅଦ୍ୟତନ ଅଧୀନରେ ସେବି ଏହାର ସୂଚନାରେ, ୩୧ ମାର୍ଚ୍ଚ ୨୦୨୨ ପର୍ଯ୍ୟନ୍ତ ୧୭,୫୨୬ ଆବେଦନ ସହ ଜଡ଼ିତ ମୋଟ ୧୩୮ କୋଟି ଟଙ୍କା ଦର୍ଶାଇଥିଲା। ସେବି କହିଛି ଯେ ଜାତୀୟକରଣ ବ୍ୟାଙ୍କଗୁଡିକରେ ୩୧ ମାର୍ଚ୍ଚ ୨୦୨୩ ପର୍ଯ୍ୟନ୍ତ ଜମା ହୋଇଥିବା ମୋଟ ପରିମାଣ ପ୍ରାୟ ୧୫,୧୬୩ କୋଟି ଟଙ୍କା ଅଟେ।

You can also read: ୱାର୍ଲ୍ଡକପ୍ ପରେ ଘରକୁ ଫେରିବା ମହଙ୍ଗା ପଡିଲା, ଅହମ୍ମଦାବାଦ ଆସୁଥିବା ବିମାନର ବଢିଲା ୧୦ ଗୁଣା ଟିକେଟ୍



News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.