କଳାହାଣ୍ଡି ୦୫/୦୮ : ଭଡ଼ା ଘରେ ଚାଲିଥିଲା ସେକ୍ସ ରାକେଟ । ହଠାତ୍ ଚଢ଼ାଉ କଲା ପୋଲିସ। ଭବାନୀପାଟଣା ସଦର ପୋଲିସକୁ ମିଳିଲା ସଫଳ। ତେବେ ରେଡ୍ ବେଳେ ଖସିଗଲେ ୩ ଗ୍ରାହକ, ଧରାପଡିଲେ ଦେହଜୀବୀ। ସେକ୍ସ ରାକେଟ୍ ସଂପୃକ୍ତ ଥିବା ଅନ୍ୟ ଦେହଜୀବି ଏବଂ କିଙ୍ଗପିଙ୍ଗକୁ ଧରିବାକୁ ତଦନ୍ତ ଆରମ୍ଭ କରିଛି ପୋଲିସ।

ସୂଚନା ମୁତାବିକ, ଭବାନୀପାଟଣା ସଦର ଥାନା ଅଟାଙ୍ଗଗୁଡ଼ାରେ ଏକ ଭଡ଼ା ଘରେ ଦୀର୍ଘ ଦିନ ଧରି ଚାଲିଥିବା ସେକ୍ସ ରାକେଟ୍ । ରାତି ହେଲେ ସେଠାରେ ଗ୍ରାହକଙ୍କ ସଂଖ୍ୟା ମଧ୍ୟ ବଢ଼ୁଥିଲା। ଏନେଇ ସ୍ଥାନୀୟଲୋକ ଥାନାରେ ପୂର୍ବରୁ ଅନେକ ଥର ଅଭିଯୋଗ କରିଥିଲେ। ଏହା ପରେ ଆକ୍ସନ୍ ମୋଡ଼କୁ ଆସିଥିଲା ସଦର ପୋଲିସ।  ରବିବାର ବିଳମ୍ବିତ ରାତିରେ  ଟାଉନ୍ ଥାନା ଏବଂ ସଦର ଥାନା ପୋଲିସ ମିଳିତ ଭାବେ ଭଡ଼ା ଘର ଉପରେ ଅତର୍କିତ ଚଢ଼ାଉ କରିଥିଲା । ପୋଲିସକୁ ଦେଖି ୩ ଗ୍ରାହକ ଘଟଣାସ୍ଥଳରେ କୌଶଳ କ୍ରମେ ଖସି ପଲାଇବାରେ ସକ୍ଷମ ହୋଇଥିଲେ। ହେଲେ ଦୁଇ ରୂପଜୀବୀ ଧରାପଡିଯାଇଥିଲେ। ତେବେ ଉଦ୍ଧାର ହୋଇଥିବା ଜଣେ ଯୁବତୀଙ୍କ ଘରେ କୋଲକାତାର ମେଦିନୀପୁରରେ ହୋଇଥିବା ବେଳେ ଆଉ ଜଣଙ୍କ ଘର ଢେଙ୍କାନାଳରେ ବୋଲି ଜଣାପଡିଛି । ସଦର ଥାନା ପୋଲିସ ଉଦ୍ଧାର ଯୁବତୀମାନଙ୍କୁ ଅଟକ ରଖି ତଦନ୍ତ ଜାରି ରଖିଛି । ଏହି ଘଟଣାରେ ଆଉ କିଏ କିଏ ସାମିଲ ଅଛନ୍ତି । ସେନେଇ ଛାନ୍‌ଭିନ୍ ମଧ୍ୟ ଜାରି ରହିଛି ।