ନୂଆଦିଲ୍ଲୀ, ୨୮/୦୮: ଜିଓ ଏୟାର ଫାଇବର ଲଞ୍ଚ ନେଇ ଘୋଷଣା କଲେ ରିଲାଏନ୍ସ ଇଣ୍ଡଷ୍ଟ୍ରିଜ୍‌ର ଅଧ୍ୟକ୍ଷ ମୁକେଶ ଅମ୍ବାନୀ । ଗଣେଶ ଚତୁର୍ଥୀ ଅର୍ଥାତ ସେପ୍ଟେମ୍ବର ୧୯ ତାରିଖରେ ଏୟାର ଫାଇବର ଲଂଚ କରିବାକୁ ଯାଉଛି ଜିଓ । ଏହା ଦ୍ବାରା ୨୦୦ ମିଲିୟନ୍ ଇଣ୍ଟରନେଟ ୟୁଜର୍ସଙ୍କୁ ହାଇସ୍ପିଡ୍‌ ଇଣ୍ଟରନେଟ ମିଳିବ । ଜିଓ ଏୟାର ଫାଇବର ଏାୟରଟେଲ୍‌ର ଏକ୍ସଟ୍ରିମ୍‌ ଏୟାର ଫାଇବର ସହ ଟକ୍କର ଦେବାକୁ ଆସୁଥିବା ନେଇ କମ୍ପାନୀ ପକ୍ଷରୁ ସୂଚନା ମିଳିଛି ।

ରିଲାଏନ୍ସ ଇଣ୍ଡଷ୍ଟ୍ରୀଜ୍‌ରୁ ନୀତା ଅମ୍ବାନୀଙ୍କ ଇସ୍ତଫା

୨୦ ପ୍ରତିଶତ କମ୍‌ ଦାମରେ ଜିଓ ନିଜର ଏୟାଫାଇବର ଲଞ୍ଚ କରିପାରେ । ଜିଓ ଏୟାର ଫାଇବର ପାଇଁ ମାସିକ ୬୪୦ ଟଙ୍କା ଖର୍ଚ୍ଚ କରିବାକୁ ଥିବା ବେଳେ ଛଅ ମାସ ଲାଗି କମ୍ପାନୀ ୩୬୫୦ ଟଙ୍କା ଚାର୍ଜ କରିପାରେ । ଏହା ସହିତ ୟୁଜର୍ସଙ୍କୁ ଜିଓ ସିନେମା ସମେତ ଏକାଧିକ ଆପ୍ସର ସବସ୍କ୍ରିପସନ୍‌ ମାଗଣା ମିଳିବ । ଏହା ପୂର୍ବରୁ ଏୟାରଟେଲ୍‌ ପକ୍ଷରୁ ଏକ୍ସଟ୍ରିମ୍‌ ଏୟାରଫାଇବର ଲଞ୍ଚ ହୋଇଥିଲା । 

ଏକ୍ସଟ୍ରିମ୍‌ ଏୟାର ଫାଇବର ଦିଲ୍ଲୀ ଏବଂ ମୁମ୍ବାଇରେ ଉପଳବ୍ଧ ରହିଛି । ଏହାର ମାସିକ ଚାର୍ଜ ୭୯୯ ଟଙ୍କା ଥିବା ବେଳେ ୬ ମାସ ପାଇଁ ୟୁଜର୍ସଙ୍କୁ ୪,୪୩୫ ଟଙ୍କା ଦେବାକୁ ପଡ଼ୁଛି । ତେବେ ଏୟାର ଫାଇବରରେ ଅପ୍ଟିକାଲ୍‌ ଫାଇବରର ଆବଶ୍ୟକତା ରହିବ ନାହିଁ । ଏହା ଏକ ୫ଜି ଓ୍ବାଇ ଫାଇ ସେବା । ଏଥିରେ ଥିବା ୫ଜି ନେଟଓ୍ବର୍କ ରିସିଭର ସହ ଓ୍ବାଇଫାଇ ସେଟଅପ୍‌ ସଂଯୋଗ ହୋଇଥାଏ । ଜିଓ ଏୟାର ଫାଇବର ମାଧ୍ୟମରେ ୧ ଜିବି ପ୍ରତି ସେକେଣ୍ଡ ସ୍ପିଡ୍‌ରେ ଇଣ୍ଟରନେଟ୍‌ ଉପଲବ୍ଧ ହେବ ବୋଲି ଅନୁମାନ କରାଯାଉଛି ।  

You can also read:୪ ଘଣ୍ଟାରେ କୋଟାରେ ୨ ଛାତ୍ରଙ୍କ ଆତ୍ମହତ୍ୟା