ନୂଆଦିଲ୍ଲୀ, ୦୫/୦୯: ଜି-୨୦ ନିମନ୍ତ୍ରଣ ପତ୍ରରେ ‘ପ୍ରେସିଡେଣ୍ଟ ଅଫ୍ ଇଣ୍ଡିଆ’ ପରିବର୍ତ୍ତେ ‘ପ୍ରେସିଡେଣ୍ଟ ଅଫ୍ ଭାରତ’ ଲେଖାଯାଇଛି । ଯାହାକୁ ନେଇ ଉତକ୍ଷିପ୍ତ ହୋଇଉଠିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ । କେହି କେମିତି ଦେଶର ନାଁ ପରିବର୍ତ୍ତନ କରିପାରିବ ବୋଲି କେଜ୍ରିଓ୍ବାଲ ପଚାରିଛନ୍ତି । ମହାମେଣ୍ଟର ନାମ ଯଦି ଭାରତ ହେବ ତେବେ କଣ ଭାରତର ନାଁ ପରିବରର୍ତ୍ତନ କରିଦେବ ବୋଲି ପ୍ରଶ୍ନ କରିଛନ୍ତି ଆପ୍ ନେତା ଅରବିନ୍ଦ କେଜ୍ରିଓ୍ବାଲ ।
ଉଦୟନିଧିଙ୍କ ପରେ ଏବେ ଆପ୍ ନେତା,ସନାତନ ଧର୍ମକୁ ଶେଷ କରିବା ନେଇ ଦେଲେ ବିବାଦୀୟ ମନ୍ତବ୍ୟ
୧୪୦ କୋଟି ଲୋକଙ୍କ ଦେଶ ହେଉଛି ଭାରତ । କୌଣସି ଏକ ଦଳର ଦେଶ ନୁହେଁ । ଯଦି ବିରୋଧୀ ମେଣ୍ଟର ନା ‘ଭାରତ’ ରଖାଯାଏ ତେବେ ଏମାନେ କଣ ଭାରତର ନାଁ ପରିବର୍ତ୍ତନ କରି ‘ବିଜେପି’ ରଖିଦେବେ କି ବୋଲି କେଜ୍ରିଓ୍ବାଲ ପ୍ରଶ୍ନ କରିଛନ୍ତି । ସେ ଆହୁରି ମଧ୍ୟ କହିଛନ୍ତି, ଭାରତ ବହୁ ହଜାର ବର୍ଷ ପୁରୁଣା ଦେଶ । ସଂସ୍କୁତି ପୁରୁଣା । ବିଜେପିକୁ ଲାଗୁଛି ଏହି ନାଁ ରଖିଲେ ତାର ଭୋଟ କମିଯିବ । ଭୋଟ କମିଯିବ ବୋଲି ଭାବି ଦେଶର ନାଁ ପରିବର୍ତ୍ତନ କରିଦେବା ଦେଶ ପ୍ରତି ଧୋକା ବୋଲି କହିଛନ୍ତି ଅରବିନ୍ଦ କେଜ୍ରିଓ୍ବାଲ ।
ଏହାସହ ଉପସ୍ଥିତ ଜନତାଙ୍କୁ କେଜ୍ରିଓ୍ବାଲ କହିଛନ୍ତି, ‘ମୁଁ ବି ସନାତମ ଧର୍ମାବଲମ୍ବୀ, ମୋ ସହିତ ବସିଥିବା ଲୋକେ ବି ସନାତନ ଧର୍ମୀ । ମୋତେ ଲାଗୁଛି ଆମେ ଆମର ଧର୍ମକୁ ସମ୍ମାନ କରିବା ଦରକାର । ସମସ୍ତଙ୍କୁ ପରଷ୍ପରର ଧମର୍କୁ ସମ୍ମାନ ଦେବା ଆବଶ୍ୟକ ।’
You can also read:‘I.N.D.I.A’ରେ ଏକାଠି, ରାଜ୍ୟରେ ଭିନ୍ନ: ଆପ୍, କଂଗ୍ରେସର ନିର୍ବାଚନ ରଣନୀତି
