ନୂଆଦିଲ୍ଲୀ,୮।୮: ଜାପାନରେ ଶକ୍ତିଶାଳୀ ଭୂମିକମ୍ପ। ଦକ୍ଷିଣ ଜାପାନର କିଛି ସ୍ଥାନରେ ବୁଧବାର ରାତିରେ ଦୁଇଟି ଶକ୍ତିଶାଳୀ ଭୂକମ୍ପ ଆସିଥିଲା। ଯାହାଫଳରେ ପୁରା ଦେଶବାସୀ ଭୟଭୀତ ହୋଇପଡିଛି। ପ୍ରଥମ ଭୂମିକମ୍ପର ରିକ୍ଟର ସ୍କେଲରେ ତୀବ୍ରତା ୬.୯ ରହିଥିବା ବେଳେ ଦ୍ବିତୀୟଟିର  ତୀବ୍ରତା ୭.୧ ରହିଥିଲା ବୋଲି ଜଣାପଡିଛି।।  ଭୂକମ୍ପ ସହ ସେଠାରେ ସୁନାମୀ ଆର୍ଲଟ କରାଯାଇଛି।

ଭୂକମ୍ପ ଝଟକା ଜାପାନର କ୍ୟୁଶୁ ଓ ଶିକୋକୁ ଦ୍ବୀପରେ ଅନୁଭୂତ ହୋଇଛି। ଭୂକମ୍ପ ସହିତ ଜାପାନର ଉପକୂଳବର୍ତ୍ତୀ ଅଞ୍ଚଳ ମିୟଜାକି, କୋଚି, ଇହିମେ, କାଗୋଶିମା ଓ ଆଇତାରେ ସୁନାମୀ ନେଇ ଆର୍ଲଟ କରାଯିବା ସହ ସ୍ଥିତି ଉପରେ ନଜର ରଖାଯାଇଛି। କ୍ୟୁଶୁର ମିୟାଜାକିରେ ସମୁଦ୍ର ୨୦ ସେଣ୍ଟିମିଟର ଉଚ୍ଚ ଜୁଆର ଆସିବାର ଆଶଙ୍କା ରହିଛି।ତେଣୁ ସ୍ଥାନୀୟ ବାସିନ୍ଦାଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର ପାଇଁ ନିର୍ଦ୍ଦେଶ ଦିଆଯାଇଛି।