ଭଞ୍ଜନଗର,୫/୭ : ଗଞ୍ଜାମ ଜିଲ୍ଲା ସୋରଡ଼ା ଥାନା ଅନ୍ତର୍ଗତ ଖୁଣ୍ଟେଶ୍ଵରି ମନ୍ଦିର ରାସ୍ତାରେ ଭରସାମ୍ୟ ହରାଇ ଓଲଟିଲା ଟୁରିଷ୍ଟ ମିନି ବସ୍ । ଏହି ଦୁର୍ଘଟଣାରେ ୭ଜଣ ଆହତ ହୋଇଛନ୍ତି । ଆହତମାନେ ହେଲେ ପ୍ରଶାନ୍ତ କଲଙ୍କ, ମୋନାଲିସା ଘୋଷ, ସନ୍ତା ଘୋଷ , ପ୍ରୀତି ଘୋଷ, ସାୟନିକା ଡୁନ, ରବୀନ୍ଦ୍ର ନାଥ ଘୋଷ, କୋରାନିଆ କର୍ମା ।
ସୂଚନା ଅନୁସାରେ ପଶ୍ଚିମବଙ୍ଗରୁ ୧୩ଜଣ ପର୍ଯ୍ୟଟକ ବ୍ରହ୍ମପୁରରୁ ଏକ ମିନି ବସ୍ ଯୋଗେ ଦାରିଙ୍ଗବାଡ଼ି ବୁଲିବା ପାଇଁ ଆସିଥିଲେ । ସୋରଡ଼ାରେ ଥିବା ଖୁଣ୍ଟେଶ୍ୱରି ମନ୍ଦିର ପାହାଡ ଉପରକୁ ବୁଲିବା ପାଇଁ ଯାଇ ଫେରିବାବେଳେ ଗାଡ଼ିର ବ୍ରେକ ଫେଲ ହୋଇଯାଇଥିଲା । ଫଳରେ ଭାରସାମ୍ୟ ହରାଇ ଗାଡ଼ିଟି ଓଲଟି ପଡିଥିଲା । ସୂଚନାପାଇ ଘଟଣା ସ୍ଥଳରେ ଅଗ୍ନିଶମ ବାହିନୀ ଓ ୧୦୮ପହଞ୍ଚି ଆହତଙ୍କୁ ଉଦ୍ଧାର କରି ସୋରଡ଼ା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଆଣିଥିଲେ । ୭ ଜଣ ଆହତଙ୍କୁ ଉତ୍ତମ ଚିକିତ୍ସା ପାଇଁ ବ୍ରହ୍ମପୁର ମେଡ଼ିକାଲକୁ ସ୍ଥାନାନ୍ତର କରାଯାଇଛି ।