ନୀଳଗିରି,୧୫/୭(ଆ.ପ୍ର): ବାଲେଶ୍ଵର ଜିଲ୍ଲା ନୀଳଗିରି କୁଳଡିହା ବନବିଭାଗ ତେଲିପାଳ ଓ ଭଗାବନ୍ଧ ଅଞ୍ଚଳରେ ଚଢ଼ାଉ କରି ତିନୋଟି ହାତୀଦାନ୍ତ ଜବତ କରିଛି। ଭଗାବନ୍ଧ ଅଞ୍ଚଳରେ ଜଣେ ଶିକାରୀକୁ ଗିରଫ କରିଛି।
ନୀଳଗିରି କୁଳଡିହା ଅଭୟାରଣ୍ୟରେ ଶିକାରୀଙ୍କ ଦୌରାତ୍ମ୍ୟ ବୃଦ୍ଧିପାଇଥିବା ବେଳେ ତେଲିପାଳ ପଞ୍ଚାୟତ ପୁଟିବନ୍ଧ ଅଞ୍ଚଳରେ କିଛିଦିନ ପୂର୍ବରୁ ହାତୀମାରି ଦାନ୍ତ ଲୁଟ କରିନେଇଥିଲେ ଶିକାରୀ। ତେବେ ହାତୀଦାନ୍ତ ଲୁଟର ମୁଖ୍ୟଅଭିଯୁକ୍ତ ପୁଟିବନ୍ଧ ଅଞ୍ଚଳର ସୁଶାନ୍ତ କୁମାର ନାୟକ ଓରଫ ଟୁଟୁ ଫେରାର ହୋଇଯାଇଥିଲା । ଏହି ଘଟଣାରେ ଚାରିଜଣ ଶିକାରୀ ଗିରଫ ହେବାପରେ ଟୁଟୁଙ୍କ ପାଖରେ ହାତୀଦାନ୍ତ ଥିବା କହିଥିଲେ।ପରେ କୁଳଡିହା ବନବିଭାଗର ଏସିଏଫ ଦିଗନ୍ତ ଶୋଭାନ ଚାନ୍ଦ ଓ ସୁବ୍ରତ କୁମାର ବେହେରା ଚଢ଼ାଉ କରି ଟୁଟୁଙ୍କ ବାଡିରୁ ଦୁଇଟି ହାତୀଦାନ୍ତ ଜବତ କରିଥିଲେ। ମଧ୍ୟ ହାତୀଦାନ୍ତ ଲୁଟ ମୁଖ୍ୟ ଅଭିଯୁକ୍ତ ଟୁଟୁ ଫେରାର ହୋଇଥିଲେ। ସେପଟେ ଭଗାବନ୍ଧ ଅଞ୍ଚଳର ଦିନା ମୁର୍ମୁଙ୍କ ଠାରୁ ଏକ ପୁରୁଣା ହାତୀଦାନ୍ତ ଜବତ କରିଥିବା ବେଳେ ତାଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି। ।
