ବଣାଇ, ୧୦/୦୭ : କୋଇଡା ଥାନା ରେଙ୍ଗାଲବେଡା ଠାରେ ଭୟଙ୍କର ଦୁର୍ଘଟଣା। ହାଇୱାକୁ ଧକ୍କା ଦେଲା ସ୍କର୍ପିଓ। ଘଟଣାସ୍ଥଳରେ ଚାଲିଗଲା ଗୋଟିଏ ପରିବାରର ୩ ଜଣଙ୍କ ଜୀବନ। ଦୁର୍ଘଟଣାରେ ୨ ଗୁରୁତର।
ସୂଚନାନୁଯାୟୀ, ବାହାଘର ଭୋଜି ଖାଇ ଗୋଟିଏ ପରିବାର ଫେରୁଥିଲେ। ଏହି ସମୟରେ କୋଇଡ଼ା ଥାନା ରେଙ୍ଗାଲବେଡ଼ା ନିକଟରେ ଭାରସାମ୍ୟ ହରାଇ ଏକ ହାଇୱାକୁ ଧକ୍କା ଦେଇଥିଲା ସ୍କର୍ପିଓ। ଫଳରେ ଗାଡିରେ ଥିବା ଗୋଟିଏ ପରିବାରର ୩ ଜଣଙ୍କ ମୃତ୍ୟୁ ହୋଇଥିବା ବେଳେ ୨ ଜଣ ଗୁରୁତର ହୋଇଛନ୍ତି। ଗୁରୁତରଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି। ସେଠାରେ ପ୍ରାଥମିକ ଚିକିତ୍ସା ପରେ ଗୁରୁତରଙ୍କୁ ରାଉରକେଲା ସ୍ଥାନାନ୍ତରିତ କରାଯାଇଛି। ସମସ୍ତ ମୃତାହତ କୋଇଡ଼ା ଅଞ୍ଚଳର ବୋଲି ଜଣାପଡ଼ିଛି।
