ଭୁବନେଶ୍ଵର, ୧୨/୦୨ : ନିର୍ବାଚନ ପ୍ରଚାର ପାଇଁ ଓଡ଼ିଶା ଆସିବେ ରାହୁଲ ଗାନ୍ଧୀ, ପ୍ରିୟଙ୍କା ଗାନ୍ଧୀ ଓ ସଚିନ ପାଇଲଟ। ଏନେଇ ସୂଚନା ଦେଲେ ପିସିସି ସଭାପତି ଶରତ ପଟ୍ଟନାୟକ। ସେ କହିଛନ୍ତି ଯେ, ବିଜେପି ଓ ବିଜେଡ଼ି ମିଶିକି ଅଛନ୍ତି। ଲୋକେ ଜାଣିଲେଣି। ଯେତେ କେନ୍ଦ୍ର ମନ୍ତ୍ରୀ କି କେନ୍ଦ୍ର ନେତା ଆସନ୍ତୁ ଓଡ଼ିଶାରେ କିଛି ପ୍ରଭାବ ପଡିବନି। କଂଗ୍ରେସ ହେଉଛି ଏକମାତ୍ର ବିକଳ୍ପ।
ପିସିସି ସଭାପତି କହିଛନ୍ତି ଯେ, ଓଡ଼ିଶା ନ୍ୟାୟଯାତ୍ର ପରେ କେନ୍ଦ୍ର କ୍ରୀଡାମନ୍ତ୍ରୀ ଅନୁରାଗ ଠାକୁରଙ୍କୁ ରାହୁଲ ଗାନ୍ଧୀ ଚିଠି ଲେଖିଛନ୍ତି। ସୁନ୍ଦରଗଡ଼ ହକି ଖେଳାଳିଙ୍କ ପାଇଁ ଆଷ୍ଟ୍ରୋଟର୍ଫ ଯୋଗାଇ ଦେବାକୁ ସେ ଅନୁରୋଧ କରିଛନ୍ତି। ସୁନ୍ଦରଗଡ଼ ସ୍ପେଶାଲ ଏରିଆ ଗେମ୍ ସେଣ୍ଟରରେ ଏହି ସୁବିଧା ଯୋଗାଇ ଦେବାକୁ ରାହୁଲ ଚିଠିରେ ଉଲ୍ଲେଖ କରିଛନ୍ତି। ଭାରତ ଯୋଡ଼ ନ୍ୟାୟ ଯାତ୍ରା ବେଳେ ରାହୁଲ ଝାରସୁଗୁଡ଼ାରେ ହକି ଖେଳାଳିଙ୍କୁ ଭେଟିଥିଲେ। ହକି ଖେଳ ଅଭ୍ୟାସ ପାଇଁ ହେଉଥିବା ଅସୁବିଧା ପଚାରି ବୁଝିବା ପରେ କେନ୍ଦ୍ରମନ୍ତ୍ରୀଙ୍କୁ ଚିଠି ଲେଖିଛନ୍ତି।
