ନୂଆଦିଲ୍ଲୀ, ୧୬/୦୬: ଭାରତୀୟ ଗ୍ରାଣ୍ଡମାଷ୍ଟର ନିହାଲ ସରିନ ରୋମାନ ଚେସ୍‌ ଗ୍ରାଁପ୍ରି ଚାମ୍ପିଅନ୍‌  ହେବାର ଗୌରବ ଅର୍ଜନ କରିଛନ୍ତି ।  ସେ ଟୁର୍ଣ୍ଣାମେଣ୍ଟରେ ଅପରାଜେୟ ସାବ୍ୟସ୍ତ ହୋଇଥିଲେ । ଅନ୍ତିମ  ରାଉଣ୍ଡ୍‌ରେ ସେ ଟାଇବ୍ରେକରରେ  ହଙ୍ଗେରୀର ଆଇମ୍ରେ ବାଲୋଗଙ୍କୁ  ପରାସ୍ତ କରିଥିଲେ । ନିହାଲ  ୧୦ ରାଉଣ୍ଡ୍‌ରୁ ୮ଟିରେ ବିଜୟ  ହାସଲ କରିଥିବାବେଳେ ୩ଟି  ବାଜି ଡ୍ର’ ରଖିଥିଲେ ।  ଏହି ଟୁର୍ଣ୍ଣାମେଣ୍ଟରେ ୨ଟି  କ୍ଲାସିକାଲ ରାଉଣ୍ଡ୍‌ ଓ ୩ଟି  ର‌୍ୟାପିଡ୍‌ ଇଭେଣ୍ଟ ଅନୁଷ୍ଠିତ  ହୋଇଥିଲା । ନିହାଲ ଏବେବି  କ୍ଲାସିକାଲ ରେଟିଂରେ ୨୭୦୦  ପଏଣ୍ଟ ପୂରଣ କରିପାରି  ନାହାନ୍ତି । ତାଙ୍କ ରେଟିଂ ପଏଣ୍ଟ  ୨୬୯୮ରହିଛି । ରୋମାନ ଗ୍ରାଁପ୍ରିରେ  ନିହାଲଙ୍କ ବ୍ୟତୀତ ଅନ୍ୟ ଭାରତୀୟ  ଖେଳାଳି ନାରାୟଣନ ସୁନିଲଦତ୍ତ  ଲାୟନା ମଧ୍ୟ ଭାଗ ନେଇଥିଲେ ।  ସେ ୭ପଏଣ୍ଟ ସହ ୧୯ତମ  ସ୍ଥାନରେ ସନ୍ତୁଷ୍ଟ ହୋଇଥିଲେ ।