ସନାତନ ଧର୍ମରେ ଏକାଦଶୀ ଉପବାସକୁ ଅତି ସ୍ୱତନ୍ତ୍ର ବୋଲି ବିବେଚନା କରାଯାଏ । ପ୍ରତି ମାସର କୃଷ୍ଣ ଓ ଶୁକ୍ଳ ପକ୍ଷ ତିଥିର ଏକାଦଶୀ ତଥିକୁ ମୋହିନୀ ଏକାଦଶୀ ଭାବେ ପାଳନ କରାଯାଏ। ସମସ୍ତ ଏକାଦଶୀ ଉପବାସ ଭଗବାନ ବିଷ୍ଣୁଙ୍କୁ ସମର୍ପିତ । ହିନ୍ଦୁ କ୍ୟାଲେଣ୍ଡର ଅନୁଯାୟୀ, ବୈଷାଖ ମାସର ଶୁକ୍ଳ ପକ୍ଷର ଏକାଦଶୀ ତିଥିରେ ମୋହିନୀ ଏକାଦଶୀ ଉପବାସ ପାଳନ କରାଯାଏ। ଏଥର ମୋହିନୀ ଏକାଦଶୀ ଆସନ୍ତା ୧୯ ତାରିଖ ରବିବାର ଦିନ ରଖାଯିବ। ପୌରାଣିକ ମାନ୍ୟତା ଅନୁସାରେ ସମୁଦ୍ର ମନ୍ଥନ ସମୟରେ ଭଗବାନ ବିଷ୍ଣୁ ମୋହିନୀ ନାମକ ଅପସରାଙ୍କ ରୂପ ଧାରଣ କରିଥିଲେ । ପୁରାଣ ଅନୁସାରେ ଶ୍ରୀହରି ମୋହିନୀ ରୂପରେ ପ୍ରକଟ ହେବା ପରେ ଭଗବାନ ଶିବ ମଧ୍ୟ ମୋହିତ ହୋଇଯାଇଥିଲେ ।
ଚଳିତଥର ଏକାଦଶୀ ତିଥିର ଆରମ୍ଭ ୧୮ ତାରିଖ ଆରମ୍ଭ ହୋ ୧୯ ତାରିଖରେ ଶେଷ ହେବ । ଏହି ମୋହନୀ ଏକାଦଶୀକୁ ବିଶେ ମନାଯାଉଛି। କାରଣ ଏହି ଦିନ ଦ୍ବିପୁଷ୍କର ଯୋଗ, ସର୍ବାର୍ଥ ସିଦ୍ଧି ଯୋଗ, ଅମୃତ ସିଦ୍ଧି ଯୋଗ , ଶୁକ୍ରାଦିତ୍ୟ ଯୋଗ , ରାଜଭଙ୍ଗ ଯୋଗ ଓ ଲକ୍ଷ୍ମୀ ନାରାୟଣ ଯୋଗର ଆରମ୍ଭ ହେବାକୁ ଯାଉଛି। ତେଣୁ ଏହି ଦିନ ସକାଳୁ ଉଠି ବ୍ରତର ସଂକଳ୍ପ ନିଅନ୍ତୁ। ଏଥିସହ ମହିନୀ ଏକାଦଶୀ କଥା ପାଠ କରନ୍ତୁ । କାରଣ ଏହା ବିନା ବ୍ରତ ପୂଜା ପୂରଣ ହୁଏନି । ଏହି ଦିନ ଗରିବଙ୍କୁ ଦାନ କରନ୍ତୁ ମଙ୍ଗଳ ହେବ ।
ମୋହିନୀ ଏକାଦଶୀ ଦିନ ଦକ୍ଷିଣବର୍ତ୍ତୀ ଶଙ୍ଖର ପୂଜା କରିବା ଦ୍ବାରା ଭ୍ଗବାନ ବିଷ୍ଣୁ ଓ ମାତା ଲକ୍ଷ୍ମୀ ବେଶ ଖୁସି ହୁଅନ୍ତି । ତେଣୁ ବ୍ୟକ୍ତିର କେବେବି ଧନହାନୀ ହୁଏନି । ସୁଖ ସମୃଦ୍ଧି ପାଇଁ ଏକାଦଶୀ ଦିନ ସକାଳୁ ଉଠି ଭଗବାନ ବିଷ୍ଣୁଙ୍କ ବିଦ୍ଧି ବିଧାନରେ ପୂଜାର୍ଚ୍ଚନା କରନ୍ତୁ । ସେହିପରି ରାତିରେ ବିଷ୍ଣୁଙ୍କ ପ୍ରତିମା ସାମ୍ନାରେ ଦୀପ ଜଳାନ୍ତୁ । ଏହା କରିବା ଦ୍ବାରା ଧନ ସହିତ ସୁଖ ସମୃଦ୍ଧି ଲାଭ ହେବ ।