ମୁମ୍ୱାଇ : ଭିନେଶ ଫୋଗାଟ୍ଙ୍କ ଅଲିମ୍ପିକ୍ସ ଡିସକ୍ୱାଲିଫାଇ ହେବାର ଖବର ପରେ ଅନେକ ଲୋକେ ଟ୍ୱିଟ୍ କରିଛନ୍ତି। ଏବେ ଜାଭେଦ ଅଖତରଙ୍କର ଟ୍ୱିଟ୍ ଭାଇରାଲ ହେଉଛି। ଜାଭେଦ୍ ଭିନେଶଙ୍କ ପାଇଁ ଟ୍ୱିଟ୍ କରିବାରୁ ଜଣେ ଟ୍ୱିଟର ୟୁଜର ରାଜନୀତି ସହ ଜଡ଼ିତ ପ୍ରଶ୍ନ କରି ଥିଲେ। ଏହାସହ ଯାହା ହେଲା ଏଥିପାଇଁ ଭିନେଶଙ୍କୁ ଦାୟି କରାଇଛନ୍ତି। ଏବେ ଜାଭେଦ ଅଖତର ଏହି ବ୍ୟକ୍ତିଙ୍କୁ ଖୁବ୍ ଶୁଣାଇଛନ୍ତି ଏବଂ ପ୍ରଶ୍ନ କରିଛନ୍ତି କି, ଭାରତୀୟଙ୍କ ପରି କଣ ଭାବି ପାରିବା ନାହିଁ ?
୧୦୦ ଗ୍ରାମ ଅତିରିକ୍ତ ଓଜନ କାରଣରୁ ଭିନେଶ ଫୋଗାଟ ଅଲିମ୍ପିକ୍ସରୁ ବାହାର ହୋଇ ଯାଇଛନ୍ତି, ଯେବେ ଏହି ଖବର ଆସିଲା ତ ପ୍ରତି ଭାରତୀୟଙ୍କ ହୃଦୟ ଭାଙ୍ଗିଗଲା। ସୋସିଆଲ ମିଡ଼ିଆରେ ଅନେକ ପ୍ରତିକ୍ରିୟା ମଧ୍ୟରେ ଜାଭେଦ୍ ଅଖତର ଟ୍ୱିଟ୍ କରିଛନ୍ତି, ପ୍ରିୟ ଭିନେଶ ଫୋଗାଟ୍ , ସେହି ଲୋକେ ତୁମ ସହ ଯାହା କଲେ ଏହା ଆମକୁ ଖୁବ୍ ଦୁଃଖ ଦେଇଛି , କିନ୍ତୁ ତୁମକୁ ଏହା ଜାଣିବା ଦରକାର କି, ଆମ ସମସ୍ତଙ୍କ ପାଇଁ ତୁମେ ପୂରା ସୁନାରେ ତିଆରି। ନିଃସନ୍ଦେହରେ ତୁମେ ନିଜକୁ ପୂର୍ବରୁ ସାବ୍ୟସ୍ତ କରି ସାରିଛ। ଏକ ରାଷ୍ଟ୍ର ଭାବେ ସମସ୍ତେ ତୁମକୁ ନେଇ ଗର୍ବ ଅନୁଭବ କରୁଛୁ। ଭାରତ ତୁମକୁ ବହୁତ ଭଲ ପାଏ।
ଏହା ଉପରେ ଟୋନି ଶର୍ମା ନାମକ ଜଣେ ବ୍ୟକ୍ତି ଲେଖିଛନ୍ତି, ଭିନେଶଙ୍କ ସହ କେଉଁ ( ସେହି ଲୋକ) ଲୋକ କରିଛନ୍ତି। ସେହି ଲୋକଙ୍କ ଅର୍ଥ ଇଣ୍ଟରନ୍ୟାସନାଲ ଅଲିମ୍ପିକ କମିଟି ବା ଭାରତୀୟ ବା ବିଜେପି ? ଫୋଗାଟ ଭାରତକୁ ରିପ୍ରେଜେଣ୍ଟ କରୁଥିଲେ ନା କଂଗ୍ରେସକୁ ? କେହି ତାଙ୍କ ସହ କିଛି କରି ନାହାନ୍ତି। ଯେଉଁ ସ୍ଥିତି ଏଥିପାଇଁ ସେ ନିଜେ ହିଁ ଦାୟି ହେବା ଉଚିତ୍।
Dear Vinesh Phogat , all of us are deeply hurt by what they have done to you but you should know that for us you are made of pure gold . You have already proved your sef beyond any doubt . We as a nation are very very proud of you . India loves you .
— Javed Akhtar (@Javedakhtarjadu) August 7, 2024
ଏହାକୁ ନେଇ ଜାଭେଦ ଜବାବ ଦେଇଛନ୍ତି କି , କେମିତି ବା ମସ୍ତିଷ୍କ ତୁମର। ଏହି ଝିଅ ଆମ ଦେଶକୁ ରିପ୍ରେଜେଣ୍ଟ କରୁଥିଲେ। ତୁମର ତୁଚ୍ଛ ମସ୍ତିଷ୍କ ଓ ଛୋଟ ହୃଦୟ କଣ ଏହି ବେକାର କଥାରୁ ବାହାରକୁ ଆସି ଜଣେ ଭାରତୀୟ ପରି ଭାବି ପାରିବ କି ? ଯଦି ବି ତାଙ୍କର ଭୁଲ୍ ହୋଇଛି ,ଏହି ସମୟରେ କଣ ତାଙ୍କର ଥଟ୍ଟା କରିବା।
