ପ୍ରମୂଖ ଖବର
  • ଜଗନ ମୋହନ ରେଡ୍ଡୀଙ୍କ ବିରୋଧରେ ହତ୍ୟା ଉଦ୍ୟମ ମାମଲା, ହୋଇପାରନ୍ତି ଗିରଫ
  • ||
  • ଦକ୍ଷିଣ ମୋଡ଼ ନେଇ ନାକଚଣା ଦ୍ୱାରରେ ଲାଗିଲା ତାଳଧ୍ୱଜ, ଦର୍ପଦଳନ, ଆଜି ନନ୍ଦିଘୋଷର ଦକ୍ଷିଣ ମୋଡ଼
  • ||
  • ଆସୁଛି ଲଘୁଚାପ: ରବିବାରଠାରୁ ରାଜ୍ୟରେ ପ୍ରବଳ ବର୍ଷା, ୧୫ରୁ ୨୧ ଯାଏଁ ଉପକୂଳ ଏବଂ ଦକ୍ଷିଣ ଓଡ଼ିଶାରେ ବର୍ଷିବ
  • ||

ରେଲୱେକୁ ୪୫ ପଇସାର ଇନ୍ୟୁରାନ୍ସରୁ ମଧ୍ୟ ମିଳିଥାଏ କୋଟି କୋଟି ଟଙ୍କା , ଜାଣନ୍ତୁ କେମିତି ?

ନୂଆଦିଲ୍ଲୀ – ପଶ୍ଚିମବଙ୍ଗରେ ହୋଇଥିବା ଟ୍ରେନ୍‌ ଦୁର୍ଘଟଣା ପରେ ଏବେ ପୁଣି ଥରେ ରେଲୱେର ସେହି ଟ୍ରାଭେଲ ଇନ୍ୟୁରାନ୍ସର କଥା ଉଠିଛି, ଯାହା ଯାତ୍ରୀଙ୍କ ପ୍ରତି ଟିକେଟ୍‌ରେ କରାଯାଏ। ଆପଣ ଦେଖିଥିବେ କି ଯେବେ ବି ଆପଣ ଟ୍ରେନ୍‌ର ଟିକେଟ୍ କରିଥାନ୍ତି ତ ଏଥିରେ କିଛି ପଇସାରେ ଏକ ଇନ୍ୟୁରାନ୍ସ କରାଯାଏ , ଯାହା ଆପଣଙ୍କ ଯାତ୍ରାକୁ ସୁରକ୍ଷିତ କରିଥାଏ । କିଛି ବି ଅଘଟଣ ହେବା ସ୍ଥିତିରେ ଏହି ଇନ୍ୟୁରାନ୍ସ ମାଧ୍ୟମରେ ପୀଡ଼ିତ ବା ତାଙ୍କର ପରିବାରକୁ ଆର୍ଥିକ ସାହାଯ୍ୟ ଦିଆଯାଏ। କିନ୍ତୁ ଆପଣ କଣ ଜାଣନ୍ତି କି , ଏହି ଇନ୍ୟୁରାନ୍ସରୁ ରେଲୱେକୁ କେତେ ପରିମାଣର ରେଭେନ୍ୟୁ ଆସିଥାଏ ଏବଂ କେତେ ଟଙ୍କା ଏଥିରେ ଫେରସ୍ତ କରାଯାଏ ?

କହି ରଖୁଛୁ କି, ଆଇଆରସିଟିସି ପକ୍ଷରୁ ପ୍ରତି ଟିକେଟ୍‌ରେ ଗୋଟିଏ ଟଙ୍କାରୁ କମ୍‌ର ଏକ ପ୍ରିମିୟମ ଆଦାୟ କରାଯାଏ । ଏହି ପ୍ରିମିୟମ ମାଧ୍ୟମରେ ୧୦ଲକ୍ଷ ଟଙ୍କାର ଇନ୍ୟୁରାନ୍ସ କରାଯାଏ । ଆଇଆରସିଟିସି ଅନ୍ୟ ପ୍ରାଇଭେଟ୍‌ ଇନ୍ୟୁରାନ୍ସ କମ୍ପାନୀରୁ ଇନ୍ୟୁରାନ୍ସ କରାଇ ଥାଏ ଏବଂ ଦୁର୍ଭାଗ୍ୟବଶତଃ କୌଣସି ଦୁର୍ଘଟଣା ଘଟିଲେ ଇନ୍ୟୁରାନ୍ସ କମ୍ପାନୀ ତାଙ୍କର କ୍ଲେମ୍‌ରେ ପେମେଣ୍ଟ କରିଥାଏ । 

 – ଯଦି ୨୦୧୬-୧୭ ମସିହା କଥା କହିବା ତ ଏହି ବର୍ଷ ଇନ୍ୟୁରାନ୍ସ କମ୍ପାନୀଙ୍କୁ ପାସେଞ୍ଜର ଇନ୍ୟୁରାନ୍ସରୁ ୧୧ କୋଟି ଟଙ୍କା ମିଳିଥିଲା , ଯେଉଁଥିରୁ କେବଳ ୦.୭୬ କୋଟି ଟଙ୍କା ପେମେଣ୍ଟ କରାଯାଇଛି।

- ୨୦୧୭-୧୮ ମସିହାରେ ୩୮.୫୪ କୋଟି ଟଙ୍କା ଇନ୍ୟୁରାନ୍ସ ପ୍ରିମିୟମରୁ ମିଳିଛି , ଯେଉଁଥିରେ ୩,୫୯ କୋଟି ଟଙ୍କା କ୍ଲେମ୍‌  ଭାବେ ଦିଆଯାଇଛି। ଏହି ସମୟରେ  ଇନ୍ୟୁରାନ୍ସର ଟଙ୍କା ଯାତ୍ରୀଙ୍କ ଠାରୁ ନିଆ ଯାଇ ନଥିଲା , ଆଇଆରସିଟିସି ଇନ୍ୟୁରାନ୍ସ କମ୍ପାନୀକୁ ଏହି ପେମେଣ୍ଟ କରିଥିଲା। 

- ଏହାପରେ ୨୦୧୮-୧୯ ରେ ୮.୫୩ କୋଟି ଟଙ୍କା ଇନ୍ସୁରାନ୍ସ ପ୍ରିମିୟମରୁ ସଂଗ୍ରହ ହୋଇଥିଲା ଏବଂ ଏଥିରୁ ୬.୧୨ କୋଟି ଟଙ୍କା ଦିଆ ଯାଇଥିଲା। 

ଏହି ଇନ୍ୟୁରାନ୍ସରେ କୌଣସି ଦୁର୍ଘଟଣାରେ ମୃତ୍ୟୁ ହେଲେ ଓ ପରମାନେଣ୍ଟ ଅକ୍ଷମ (ଡିସାବିଲିଟି) ହେବା ସ୍ଥିତିରେ ୧୦ ଲକ୍ଷ ଟଙ୍କାର ପେମେଣ୍ଟ କରାଯାଏ। ଏହା ବ୍ୟତୀତ ଆଂଶିକ ଡିସାବିଲିଟି ସ୍ଥିତିରେ ୭.୫ ଲକ୍ଷ ଟଙ୍କାର ପେମେଣ୍ଟ ଦିଆଯାଏ । ଏହା ବ୍ୟତୀତ ଆହତ ହେଲେ ହସ୍ପିଟାଲ ଖର୍ଚ୍ଚ ପାଇଁ ୨ଲକ୍ଷ ଟଙ୍କାର ଅର୍ଥ ରାଶି ପ୍ରଦାନ କରାଯାଏ। 

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.