ନୂଆଦିଲ୍ଲୀ: ରବିବାର ଦିନ ଟେକ୍ସାସର ହ୍ୟୁଷ୍ଟନ୍‌ର ଏକ ଚର୍ଚ୍ଚରେ ଗୁଳି ବିନିମୟ ହୋଇଥିଲା । ଏହି ସମୟରେ ଏକ ଛୋଟ ଶିଶୁ ସମେତ ଦୁଇ ଜଣଙ୍କୁ ଗୁଳି ଲାଗିଥିଲା । ତେବେ ପୋଲିସ ଗୁଳି ଚଳାଇଥିବା ମହିଳାଙ୍କୁ ହତ୍ୟା କରିଥିଲା।  

ସୂଚନା ମୁତାବକ, ସହରର ପୋଲିସ ମହାନିର୍ଦ୍ଦେଶକ ଟ୍ରାଇ ଫିନ୍ନର କହିଛନ୍ତି ଯେ, ଏହି ଘଟଣାରେ ଜଣେ ପାଞ୍ଚ ବର୍ଷର ବାଳକର ଅବସ୍ଥା ଗୁରୁତର ଥିବାବେଳେ ଅନ୍ୟ ଜଣେ ୫୭ ବର୍ଷ ବୟସ୍କା ବ୍ୟକ୍ତିଙ୍କ ଅବସ୍ଥା ସଙ୍କଟାପନ୍ନ ରହିଛି । 

ଫିନର୍ କହିଛନ୍ତି ଯେ, ଆକ୍ରମଣକାରୀ ମହିଳାଙ୍କ ବୟସ ପ୍ରାୟ ୩୦ ବର୍ଷ ହେବ । ସେ ଏକ ଲମ୍ବା ଟ୍ରେଞ୍ଚ କୋଟ୍ ପିନ୍ଧିଥିଲେ ଏବଂ ତାଙ୍କ ହାତରେ ରାଇଫଲ ଏବଂ ବ୍ୟାଗ ଧରିଥିଲେ । ସେ ଚର୍ଚ୍ଚରେ ପ୍ରବେଶ କରିଥିଲେ ଏବଂ ତାଙ୍କ ସହିତ ପ୍ରାୟ ପାଞ୍ଚ ବର୍ଷ ବୟସର ଏକ ଶିଶୁ ଥିଲା । ଯେତେବେଳେ ସେ ଅପରାହ୍ଣ ୧.୫୦ ସମୟରେ ଚର୍ଚ୍ଚରେ ଗୁଳି ବିନିମୟ ହୋଇଥିଲା ସେତେବେଳେ ସେଠାରେ ଉପସ୍ଥିତ ଦୁଇଜଣ ଅଧିକାରୀ ଗୁଳି ଚଳାଇଥିଲେ ଏବଂ ମହିଳାଙ୍କର ମୃତ୍ୟୁ ଘଟିଥିଲା । ବର୍ତ୍ତମାନ ମହିଳାଙ୍କ ପରିଚୟ ମିଳିପାରି ନାହିଁ।