ପ୍ରମୁଖ ଖବର
  • ପୁରୀ ଚନ୍ଦନପୁରରେ ସିମେଣ୍ଟ ଗୋଦାମ ଉପରକୁ ବୋମାମାଡ, ଦୁର୍ବୃତ୍ତଙ୍କୁ କାବୁ କଲେ ଲୋକେ
  • ||
  • ଆସିଲା ବିଜେଡିର ସପ୍ତମ ପର୍ଯ୍ୟାୟ ପ୍ରାର୍ଥୀ ତାଲିକା, ରଘୁନାଥ ପାଲିରୁ ଅର୍ଚ୍ଚନା ରେଖା ବେହେରା, କାକଟପୁର ତୁଷାରକାନ୍ତି ବେହେରା
  • ||
  • ରାୟାଗଡ଼ା ଆସିବେ କଂଗ୍ରେସ ବରିଷ୍ଠ ନେତା ରାହୁଲ ଗାନ୍ଧୀ ଓ ତେଲେଙ୍ଗାନା ମୁଖୃମନ୍ତ୍ରୀ ରେବନ୍ତ ରେଡ୍ଡି
  • ||
  • ଅଗ୍ନିରୂପା ମା' ହିଙ୍ଗୁଳାଙ୍କ ପ୍ରସିଦ୍ଧ ଯାତ୍ରା ଆରମ୍ଭ, ମା'ଙ୍କ ଉଭାସ୍ଥଳୀ ନିକଟରେ ସୁରକ୍ଷା ବ୍ୟବସ୍ଥା କଡ଼ାକଡ଼ି
  • ||
  • ୨୪ ମହାସଂଗ୍ରାମ ପାଇଁ ଏପ୍ରିଲ ୨୪ରୁ ପ୍ରଚାରକୁ ଓହ୍ଲାଇବେ ନବୀନ,ହିଞ୍ଜିଳିରୁ ଆରମ୍ଭ ହେବ ଭୋଟଭିକ୍ଷା
  • ||
  • ସୋମବାରଠୁ ତିନି ଦିନ ଯାଏ ସକାଳୁଆ ସ୍କୁଲ, ୨୫ରୁ ଖରା ଛୁଟି ଘୋଷଣା କଲେ ରାଜ୍ୟ ସରକାର
  • ||
  • ଆଜି ପୃଥିବୀ ଦିବସ, ଏ ବର୍ଷର ଥିମ୍ ‘ଗ୍ରହ ବନାମ ପ୍ଲାଷ୍ଟିକ୍’, ପ୍ଲାଷ୍ଟିକ୍ ବ୍ୟବହାର କମାଇବାକୁ ଆହ୍ବାନ
  • ||
  • IPL 2024: ଆଜି ରାଜସ୍ଥାନ ରୟାଲ୍ସକୁ ଭେଟିବ ମୁମ୍ବାଇ ଇଣ୍ଡିଆନ୍ସ, ପ୍ରତିଶୋଧ ଲକ୍ଷ୍ୟରେ ପାଣ୍ଡ୍ୟା ବାହିନୀ
  • ||
  • ସୋମବାରଠୁ ରାଜ୍ୟରେ ସାମାନ୍ୟ କମିପାରେ ତାତି, ୨୫ରୁ ପୁଣି ଅଗ୍ନି ବର୍ଷା: କାଳବୈଶାଖୀ ପ୍ରଭାବରେ ବର୍ଷା ସମ୍ଭାବନା
  • ||

ଚଣ୍ଡିଗଡ଼ରେ ପୁଣି ବାଜି ମାରିଲା ବିଜେପି, ସିନିୟର ଓ ଡେପୁଟି ମେୟର ନିର୍ବାଚନ ହାରିଲା ଆପ୍

ନୂଆଦିଲ୍ଲୀ, ୦୪/୦୩: ଚଣ୍ଡିଗଡ଼ ମହାନଗର ନିଗମର ବରିଷ୍ଠ ଡେପୁଟି ମେୟର ଓ ଡେପୁଟି ମେୟର ନିର୍ବାଚନରେ ଆମ୍ ଆଦମୀ ପାର୍ଟିର ପ୍ରାର୍ଥୀକୁ ହରାଇଛି ବିଜେପି । ବିଜେପି ପ୍ରାର୍ଥୀଙ୍କୁ ୧୯ ଭୋଟ୍ ମିଳିଥିବା ବେଳେ ଆପ୍ ଓ କଂଗ୍ରେସର ମିଳିତ ପ୍ରାର୍ଥୀ ପାଇଛନ୍ତି ୧୭ ଭୋଟ୍ । ଏକ ଭୋଟକୁ ନାକଚ କରି ଦିଆ ଯାଇଛି । ଏଥିସହ ବିଜେପି ବରିଷ୍ଠ ଡେପୁଟି ମେୟର ଓ ଡେପୁଟି ମେୟର ପଦ ହାତେଇଛି ।

ଭୋଟ୍ ସମୟରେ ବାଲଟ୍ ପେପର୍ ହେରଫେର କରାଯାଇଥିବା ଅଭିଯୋଗ କରି ଆପ୍ ଓ କଂଗ୍ରେସର କାଉନସିଲର ବରିଷ୍ଠ ଡେପୁଟି ମେୟର ଓ ଡେପୁଟି ମେୟର ନିର୍ବାଚନକୁ ବହିଷ୍କାର କରିଥିଲେ । ନିର୍ବାଚନରେ ବିଜେପିର କୁଲଜିତ୍ ସଂଘୁ ଓ ରାଜିନ୍ଦର ଶର୍ମା ବିଜୟୀ ହୋଇଛନ୍ତି ।

ବରିଷ୍ଠ ଡେପୁଟି ମେୟର ଓ ଡେପୁଟି ମେୟର ନିର୍ବାଚନରେ ବିଜେପି କୁଲଜିତ୍ ସଂଘୁ ଓ ରାଜିନ୍ଦର ଶର୍ମାଙ୍କୁ ପ୍ରାର୍ଥୀ କରିଥିଲା । ସେହିଭଳି ଇଣ୍ଡିଆ ମେଣ୍ଟ ପ୍ରାର୍ଥୀ ଭାବେ ବରିଷ୍ଠ ଡେପୁଟି ମେୟର ପ୍ରାର୍ଥୀ ହୋଇଥିଲେ ଗୁରୁପ୍ରୀତ ଗାବି ଓ ଡେପୁଟି ମେୟର ପ୍ରାର୍ଥୀ ହୋଇଥିଲେ ନିର୍ମଳା ଦେବୀ ।

ପଞ୍ଜାବ ଏବଂ ହରିୟାଣା ହାଇକୋର୍ଟଙ୍କ ନିର୍ଦ୍ଦେଶ ଅନୁସାରେ, ମେୟର କୁଲଦୀପ କୁମାରଙ୍କ ଅଧ୍ୟକ୍ଷତାରେ ବରିଷ୍ଠ ଡେପୁଟି ମେୟର ଓ ଡେପୁଟି ମେୟର ନିର୍ବାଚନ କରାଯାଇଛି । ଏହା ପୂର୍ବରୁ ଫେବ୍ରୁଆରୀ ୨୭ରେ ନିର୍ବାଚନ ହେବାର ଥିଲା । କିନ୍ତୁ ପ୍ରିଜାଇଡିଂ ଅଫିସର ନ ଆସିବାରୁ କଂଗ୍ରେସ କାଉନସିଲର୍ ହାଇକୋର୍ଟଙ୍କ ଦ୍ୱାରସ୍ଥ ହେବା ପରେ ନିର୍ବାଚନ ଘୁଞ୍ଚିଥିଲା । 

ସୂଚନାଯୋଗ୍ୟ, ଚଣ୍ଡିଗଡ଼ ମହାନଗର ନିଗମରେ ମୋଟ ୩୫ କାଉନସିଲର ଅଛନ୍ତି । ଜଣେ ସାଂସଦଙ୍କ ଭୋଟକୁ ମିଶାଇ ୩୬ ଭୋଟ୍ ପଡ଼ିଥାଏ । ଫଳରେ ବହୁମତ ହେଉଛି ୧୯ । ସଂଖ୍ୟା ଗଣିତ ଦେଖିଲେ ଏବେ ବିଜେପି ପାଖରେ ୧୯ ସଦସ୍ୟ ଅଛନ୍ତି । ୩ ଜଣ ଦଳ ବଦଳ କରି ବିଜେପିରେ ସାମିଲ୍ ହୋଇଛନ୍ତି । ଫଳରେ ଆପ୍ ଓ କଂଗ୍ରେସ ପାଖରେ ଏବେ ସଦସ୍ୟ ସଂଖ୍ୟା ୨୦ରୁ ୧୭କୁ ଖସି ଆସିଛି । 

ଏହା ପୂର୍ବରୁ ଫେବ୍ରୁଆରୀରେ ଚଣ୍ଡିଗଡ଼ ମେୟର ନିର୍ବାଚନରେ ଅନିୟମିତତା ମାମଲାରେ ସୁପ୍ରିମକୋର୍ଟ ଐତିହାସିକ ନିଷ୍ପତ୍ତି ଶୁଣାଇଥିଲେ । ଶୁଣାଣି ସମୟରେ ପ୍ରଧାନ ବିଚାରପତି, ରିଟର୍ଣ୍ଣିଂ ଅଫିସରଙ୍କ ଦ୍ୱାରା ଅବୈଧ ଘୋଷିତ ସମସ୍ତ ଭୋଟକୁ ବୈଧ କରିବା ସହ ଆପ୍ ପ୍ରାର୍ଥୀ କୁଲଦୀପ କୁମାରଙ୍କୁ ବିଜୟୀ ଘୋଷଣା କରିଥିଲେ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.