ନୂଆଦିଲ୍ଲୀ : ଖରାପ ଜୀବନଶୈଳୀ କାରଣରୁ ଅଧିକାଂଶ ଲୋକ ଏହି ସମୟରେ ଅନେକ ପ୍ରକାରର ରୋଗରେ ପୀଡ଼ିତ ହେଉଛନ୍ତି। ବ୍ୟସ୍ତବହୁଳ ଜୀବନଶୈଳୀ ଓ ଖରାପ ଖାଦ୍ୟପେୟ କାରଣରୁ ଲୋକଙ୍କ ଠାରେ ଡାଏବେଟିସ୍ ଓ ବ୍ଲଡ୍ ସୁଗାର ଭଳି ସମସ୍ୟା ହେଉଛି। ଏକ ସୁସ୍ଥ ଶରୀରର ପାଇଁ ଉତ୍ତମ ବ୍ଲଡ୍ ସର୍କୁଲେସନ ଜରୁରୀ, ସେତେବେଳେ ଯାଇ ଆମର ଶରୀର ସଠିକ୍ ଭାବେ କାମ କରିଥାଏ। ବ୍ଲଡ ସର୍କୁଲେସନ ଯଦି ଧିମା ହୋଇଥାଏ ତ କାର୍ଡିଓଭାସ୍କୁଲର ରୋଗର ବିପଦ ବଢିଯାଏ। ଏଥିରେ ଆୟୁର୍ବେଦିକ ବିଶେଷଜ୍ଞ ଡା. ଦୀକ୍ଷା ଭାବସାର ହାର୍ଟକୁ ସୁସ୍ଥ ଓ ଶକ୍ତିଶାଳୀ ରଖିବାକୁ ଦେଇଛନ୍ତି ଟିପ୍ସ ।
୧-ନିଜର ଖାଦ୍ୟରେ ରସୁଣ ସାମିଲ କରନ୍ତୁ।
୨-୩୦ ବର୍ଷ ବୟସ ପରେ ପ୍ରତିବର୍ଷ ନିଜର ଲିପିଡ ପ୍ରୋଫାଇଲ ଓ ଏଚଏସ-ସିଆରପି ଯାଞ୍ଚ କରାନ୍ତୁ।
୩- ନିଜର ଖାଦ୍ୟରେ ଡାଳିମ୍ୱ , ବାଦାମ , ସନ୍ତରା , ଜାମୁ , ସବୁଜ ପନିପରିବା ସାମିଲ କରାନ୍ତୁ।
୪- ନିଜର ଖାଦ୍ୟରେ ଡାଳଚିନି, କଳା ମରିଚ , ହଳଦୀ , ଆଦା , ଅଳେଇଚ, ଧନିଆ ଭଳି ମସଲାକୁ ସାମିଲ କରାନ୍ତୁ।
୫-୪୦ ବର୍ଷ ପରେ ଚା ଭାବେ ଅର୍ଜୁନ ଜଟିବୁଟି ଖାଇବା ଆରମ୍ଭ କରନ୍ତୁ।
୬-ଚଲା ବୁଲା କରିବାକୁ ନିଜ ରୁଟିନରେ ସାମିଲ କରନ୍ତୁ। କାରଣ ବସି ରହିବା ହାର୍ଟ ପାଇଁ ହାନିକାରକ ହୋଇପାରେ। ପ୍ରତିଦିନ ଅତି କମ୍ରେ ୪୫ ମିନିଟ୍ ବ୍ୟାୟାମ କରନ୍ତୁ।
୭- ନିଜ ଉତ୍ତେଜନାକୁ ନିୟନ୍ତ୍ରିତ କରନ୍ତୁ, ବିଶେଷଜ୍ଞ କୁହନ୍ତି କି ଷ୍ଟ୍ରେସ୍ ହାର୍ଟ ଆଟାକ୍ ( ହୃଦଘାତ) ପାଇଁ ମୁଖ୍ୟତଃ ଦାୟୀ ହୋଇପାରେ।
୮- ଡିପ୍ ଫ୍ରାଇଡ୍ ଓ ପ୍ରୋସେଡ୍ ଭୋଜନ ଖାଇବାରୁ ନିବୃତ୍ତ ରୁହନ୍ତୁ। ଜଙ୍କ ଫୁଡ୍କୁ ମାସରେ ୧/୨ ଥରରେ ସୀମିତ ରଖନ୍ତୁ। ଏହା ବ୍ୟତୀତ ଧୂମପାନ ବନ୍ଦ କରନ୍ତୁ।
୯-ଦ୍ୱିପ୍ରହର ୨ଟା ପରେ କଫି (Caffeine) ଠାରୁ ଦୂରେଇ ରୁହନ୍ତୁ, ଶୋଇବାର ୧୦ ଘଣ୍ଟା ଭିତରେ କଫି ପିଇବା ଦ୍ୱାରା ନିଦ ସମସ୍ୟା ଦେଖା ଦେଇ ପାରେ।
୧୦- ନିଜର ଓଜନ ଓ ସୁଗାରର ସ୍ତରକୁ ସୀମାରେ ରଖନ୍ତୁ। ମୋଟାପା ଓ ହାଇ ସୁଗାର ସ୍ତର ଯୁକ୍ତ ଲୋକଙ୍କୁ ହାର୍ଟ ଆଟାକ୍ର ଅଧିକ ବିପଦ ହୋଇଥାଏ।