ମୁମ୍ବାଇ ୦୬/୦୯: ଆଲିୟା ଭଟ୍ଟଙ୍କ ଅପ୍କମିଙ୍ଗ ଫିଲ୍ମ ‘ଜିଗ୍ରା’ର ଦୁଇଟି ନୂଆ ପୋଷ୍ଟର୍ ରିଲିଜ୍ ହୋଇଛି । ଆଲିୟା ନିଜେ ପୋଷ୍ଟର୍ ଶେୟାର କରିଛନ୍ତି । ଏଥିରେ ତାଙ୍କର ଓ କୋ-ଷ୍ଟାର୍ ବେଦାଙ୍ଗ ରୈନାଙ୍କ ଫାର୍ଷ୍ଟ ଲୁକ୍ ସାମ୍ନାକୁ ଆସିଛି । ଆଲିୟାଙ୍କ ପିଠିରେ ଏକ ବ୍ୟାଗ୍ ଓ ହାତରେ ହାତୁଡ଼ି ଦେଖିବାକୁ ମିଳିଛି । ପ୍ରଚ୍ଛଦରେ ବେଦାଙ୍ଗ ଖୁବ୍ ଦୁଃଖିତ ନଜର ଆସୁଛନ୍ତି ।
ପ୍ରଥମ ପୋଷ୍ଟର୍ ଶେୟାର କରି ଆଲିୟା କ୍ୟାପ୍ସନ ଲେଖିଛନ୍ତି ‘ତୁ ମୋ ସୁରକ୍ଷାରେ ଅଛୁ ।’ ୨ୟ ପୋଷ୍ଟର୍ ଶେୟାର କରି ଲେଖିଛନ୍ତି ‘କାହାଣୀ ଖୁବ୍ ଲମ୍ବା ଏବଂ ଭାଇ ପାଖରେ ସମୟ ବହୁତ କମ୍ ।’ ଅନେକ ସେଲିବ୍ରିଟି ପୋଷ୍ଟର୍କୁ ଦେଖିବା ପରେ ପ୍ରତିକ୍ରିୟା ଦେଇଛନ୍ତି । ଆଲିୟାଙ୍କ ଅଭିନୀତ ଏହି ଆକ୍ସନ୍ ଫିଲ୍ମ ଆସନ୍ତା ଅକ୍ଟୋବର ୧୧ ତାରିଖରେ ମୁକ୍ତିଲାଭ କରିବ । କରନ ଜୋହରଙ୍କ ଧର୍ମା ପ୍ରଡକ୍ସନ୍ସ ଓ ଆଲିୟାଙ୍କ ଏଟରନାଲ ସନ୍ଶାଇନ୍ ପ୍ରଡକ୍ସନ୍ସ ମିଳିତ ଭାବେ ଫିଲ୍ମ ନିର୍ମାଣ ଦାୟିତ୍ୱ ନିର୍ବାହ କରିଛି । ନିର୍ଦ୍ଦେଶନା ଦେଇଛନ୍ତି ଭାସନ ବାଲା ।
