ନୂଆଦିଲ୍ଲୀ, ୧୧/୦୯: ଆମେରିକା ରାଷ୍ଟ୍ରପତି ଜୋ ବାଇଡେନ୍ ରବିବାର ଦିଲ୍ଲୀରୁ ଭିଏତନାମ ଯାଇଥିଲେ । ଜି୨୦ ସମ୍ମିଳନୀରେ ଯୋଗ ଦେଇ ଯିବା ପରେ ବାଇଡେନ୍ ଭିଏତନାମରେ କହିଛନ୍ତି ପ୍ରଧାନମନ୍ତ୍ରୀ ମୋଦୀଙ୍କ ସହ କେଉଁ ବିଷୟରେ ଆଲୋଚନା କରିଥିଲେ । ବାଇଡେନ୍ କହିଛନ୍ତି, ମୋଦୀଙ୍କ ସହ ମାନବାଧିକାର ପ୍ରସଙ୍ଗରେ ଆଲୋଚନା କରିଛି ।

ମଧ୍ୟପ୍ରଦେଶ ନିର୍ବାଚନ ପୂର୍ବରୁ ନୂଆ ଦଳ ଗଢ଼ିଲେ RSSର ପୂର୍ବ ପ୍ରଚାରକ

ଆମେରିକା ରାଷ୍ଟ୍ରପତି ଜୋ ବାଇଡେନ୍ କହିଛନ୍ତି, ମୁଁ ସବୁବେଳେ ମାନବାଧିକାରକୁ ସମ୍ମାନ ଦିଏ । ଦେଶକୁ ମଜଭୁତ୍ କରିବା ଲାଗି ସିଭିଲ୍ ସୋସାଇଟି ଓ ଗଣମାଧ୍ୟମର ସ୍ୱାଧୀନତା ମହତ୍ତ୍ୱ ସମ୍ବନ୍ଧରେ ପିଏମ୍ ମୋଦୀଙ୍କୁ ଜଣାଇଛି । ସେହିଭଳି ଚୀନକୁ ନେଇ ପ୍ରଶ୍ନରେ ବାଇଡେନ୍ କହିଛନ୍ତି, ଚୀନକୁ କାଉଣ୍ଟର କରିବା ଆମେରିକାର ଉଦ୍ଦେଶ୍ୟ ନୁହେଁ । ଆମେ ଚୀନ ସହ କୌଣସି ଶୀତଳ ଯୁଦ୍ଧ କରିବାକୁ ଚାହୁଁ ନାହୁଁ ।

ସୋହେଲାରେ ଗୋଟିଏ ପରିବାରର ୩ ସଦସ୍ୟଙ୍କ ବିଷପାନ ଘଟଣା, ନିଶ୍ଚିହ୍ନ ହୋଇଗଲେ ପରିବାର

ଭାରତ, ଅଷ୍ଟ୍ରେଲିଆ, ଜାପାନ ସହିତ ମିଳିତ କ୍ୱାଡର ଆଭିମୁଖ୍ୟ ଚୀନକୁ ଅଲଗା କରିବା ନୁହେଁ । ଏହା କେବଳ ଇଣ୍ଡୋ-ପେସିଫିକ୍ ଅଞ୍ଚଳରେ ସ୍ଥିରତା ବଜାୟ ରଖିବା ବୋଲି କହିଛନ୍ତି ଜୋ ବାଇଡେନ୍ । ସି ଜିନପିଙ୍ଗଙ୍କ ସହ ବାଇଡେନ୍ କଥା ହୋଇଥିବା ବେଳେ କ୍ୱାଡର ଉଦ୍ଦେଶ୍ୟ ସମ୍ପର୍କରେ ଜଣାଇଛନ୍ତି ।