ମୁମ୍ୱାଇ : ବଲିଉଡ୍‌ ଅଭିନେତା ରଣବୀର କପୁର ଓ ବବି ଦେଓଲଙ୍କର ଫିଲ୍ମ ଆନିମଲ ଡିସେମ୍ୱରର ପହିଲାରେ ରିଲିଜ ହେବାକୁ ଯାଉଛି। ଫିଲ୍ମକୁ ନେଇ ଲୋକଙ୍କ ମଧ୍ୟରେ ଜବରଦସ୍ତ କ୍ରେଜ୍‌ ରହିଛି ଏବଂ ଏବେ ଫିଲ୍ମର ରିଲିଜରେ କେବଳ ୪ ଦିନ ବାକି ରହି ଥିବା ବେଳେ ଏକ ସାମ୍ୱାଦିକ ସମ୍ମିଳନୀରେ ରଣବୀର କପୁର ଓ ବବି ଦେଓଲ ଫିଲ୍ମ ସହ ସଂପୃକ୍ତ ଅନେକ ପ୍ରଶ୍ନର ଜବାବ ଦେଇଛନ୍ତି। ରଣବୀର କପୁର କହିଛନ୍ତି କି, ଫିଲ୍ମର ନାମ ଆନିମଲ ହିଁ କାହିଁକି ରଖାଗଲା ? 

କାହିଁକି ଫିଲ୍ମର ନାଁ 'ଆନିମଲ' ରଖାଗଲା ? 

ରଣବୀର କପୁର ମିଡ଼ିଆର ଏକ ପ୍ରଶ୍ନର ଜବାବ ଦେଇ କହିଛନ୍ତି , ମୋତେ ଲାଗୁଛି କି , ସନ୍ଦୀପ ରେଡ୍ଡି ୱାଙ୍ଗା ଏହି ଫିଲ୍ମର ନାଁ ଆନିମଲ ରଖିଲେ , କାହିଁକି ନା ପଶୁ ନିଜର ପ୍ରବୃତ୍ତି ଅନୁସାରେ ବ୍ୟବହାର କରିଥାଏ। ସେ ବିଚାର ଅଧାରରେ ବ୍ୟବହାର କରି ନଥାଏ। ଯେଉଁ ଚରିତ୍ର ମୁଁ କରିଛି , ସେ ନିଜ ପରିବାରକୁ ବ଼ଞ୍ଚାଇବା ପାଇଁ ବିଚାର ଆଧାରରେ ନକରି , ନିଜର ପ୍ରବୃତ୍ତି ଅନୁସାରେ କାମ କରିଛି। ସେ ବହୁତ ଇମ୍ପଲ୍ସିଭ ବ୍ୟକ୍ତି। ବୋଧହୁଏ ଏହି କାରଣରୁ ସେ ଫିଲ୍ମର ନାଁ ଆନିମଲ ରଖିଛନ୍ତି । 

ଫିଲ୍ମରେ ଭିଏଫଏକ୍ସର ବ୍ୟବହାର ହୋଇ ନାହିଁ – 

ବବି ଦେଓଲ ଫିଲ୍ମ ସଂପର୍କିତ ଏକ ପ୍ରଶ୍ନର ଜବାବରେ କହିଛନ୍ତି , ଫିଲ୍ମରେ ଯେଉଁ ସବୁ ଆକ୍ସନ ସିକ୍ୱେନ୍ସ ଆପଣ ଦେଖିବେ ସେ ସବୁ ରିୟଲ ହୋଇଛି। ବବି ଦେଓଲ କହିଛନ୍ତି କି ଫିଲ୍ମର ଫାଇଟ୍‌ ସିକ୍ୱେନ୍ସ ଏହିପରି କୋରିଓଗ୍ରାଫ କରାଯାଇଛି କି ଯାହାକି ଦୁଇ ପଶୁ ପରସ୍ପର ଭିତରେ ଲଢ଼ୁଛନ୍ତି। ଅଭିନେତା କହିଛନ୍ତି କି ଫିଲ୍ମର ଫାଇଟ୍‌ ସିନରେ କେଉଁଠି ବି ଭିଏଫଏକ୍ସର ବ୍ୟବହାର କରାଯାଇ ନାହିଁ ଏବଂ ଏହାକୁ ବାସ୍ତବିକତା ରଖାଯାଇଛି।