ନୂଆଦିଲ୍ଲୀ, ୦୮/୦୯: ଆସନ୍ତାକାଲି ଠାରୁ ଜି୨୦ ଶିଖର ସମ୍ମିଳନୀ ଆରମ୍ଭ ହେଉଥିବା ବେଳେ ସମସ୍ତ ପ୍ରସ୍ତୁତି ସରିଛି । ଦିଲ୍ଲୀରେ ପହଞ୍ଚିବାରେ ଲାଗିଛନ୍ତି ଜଣଙ୍କ ପରେ ଜଣେ ବିଦେଶୀ ଅତିଥି । ଇଟାଲି ପ୍ରଧାନମନ୍ତ୍ରୀ ଜର୍ଜିୟୋ ମେଲୋନି ପହଞ୍ଚିଥିବା ବେଳେ ତାଙ୍କୁ ସ୍ୱାଗତ କରିଛନ୍ତି କେନ୍ଦ୍ର କୃଷି ରାଷ୍ଟ୍ର ମନ୍ତ୍ରୀ ।
ଜି୨୦ ସମ୍ମିଳନୀରେ ୧୯ ଦେଶ ସହ ୟୁରୋପିଆନ୍ ୟୁନିଅନର ପ୍ରତିନିଧି ସାମିଲ୍ ହେବେ । ୯ଟି ଦେଶକୁ ଜି୨୦ ସମ୍ମିଳନୀରେ ଅତିଥି ଭାବେ ଆମନ୍ତ୍ରଣ କରାଯାଇଛି । ଏହି ଅବସରରେ ଜି୨୦ର ସଦସ୍ୟ ଥିବା ୧୫ଟି ଦେଶର ନେତାଙ୍କ ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦ୍ୱିପାକ୍ଷିକ ଆଲୋଚନା କରିବେ ।
ବାଇଡେନ୍ ଭାରତ ଆସିବା ପୂର୍ବରୁ ବଡ଼ ନିଷ୍ପତ୍ତି: ଅଧା ଡଜନ୍ ଆମେରିକୀୟ ଉତ୍ପାଦରୁ ଆମଦାନି ଶୁଳ୍କ ଉଚ୍ଛେଦ
ମିଳିଥିବା ସୂଚନା ଅନୁସାରେ, ପ୍ରଧାନମନ୍ତ୍ରୀ ମୋଦୀ ଆଜି ରାତିରେ ମରିସସ୍, ବାଂଲାଦେଶ ଓ ଆମେରିକା ସହ ଦ୍ୱିପାକ୍ଷିକ ଆଲୋଚନା କରିବେ । ଆସନ୍ତାକାଲି ସେପ୍ଟେମ୍ବର ୯ ତାରିଖରେ ୟୁନାଇଟେଡ୍ କିଙ୍ଗଡମ୍, ଜାପାନ, ଜର୍ମାନୀ ଓ ଇଟାଲୀ ଏବଂ ୧୦ ତାରିଖରେ ଫ୍ରାନ୍ସ ରାଷ୍ଟ୍ରପତିଙ୍କ ସହ ଦ୍ୱିପାକ୍ଷିକ ଆଲୋଚନା କରିବେ ପିଏମ୍ ମୋଦୀ ।
ଏହାଛଡ଼ା ଜି୨୦ ଅବସରରେ କାନାଡ଼ା ରାଷ୍ଟ୍ରପତି, ତୁର୍କୀ, ଦକ୍ଷିଣ କୋରିଆ, ବ୍ରାଜିଲ୍, ନାଇଜେରିଆ ସହ ୟୁରୋପିଆନ୍ ୟୁନିଅନ୍ ନେତାଙ୍କୁ ପିଏମ୍ ମୋଦୀ ଭେଟି ଆଲୋଚନା କରିବେ । ସମ୍ମିଳନୀରେ ୧୪ଟି ଅନ୍ତର୍ଜାତୀୟ ସଂଗଠନର ମୁଖ୍ୟ ଯୋଗ ଦେବେ ।
କଂଗ୍ରେସରୁ ନିଲମ୍ଵିତ ହେଲେ ମନ୍ମଥ ରାଉତରାୟ, ଶୃଙ୍ଖଳା କମିଟି ପକ୍ଷରୁ କାର୍ଯ୍ୟାନୁଷ୍ଠାନ
ଦିଲ୍ଲୀର ପ୍ରଗତି ମୈଦାନରେ ଜି୨୦ ସମ୍ମିଳନୀ ଲାଗି ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ଏକ ଲକ୍ଷ ୩୦ ହଜାର ଯବାନ ସୁରକ୍ଷା ଲାଗି ମୁତୟନ ହୋଇଛନ୍ତି । ଦିଲ୍ଲୀ ପୋଲିସର ୫୦ ହଜାର ସୁରକ୍ଷା କର୍ମୀ କେ୯ କୁକୁର ସହ ପ୍ରହରା ଦେଉଛନ୍ତି ।
ବିମାନବନ୍ଦରରୁ ନେଇ ହୋଟେଲ୍ ଏବଂ ସମ୍ମିଳନୀ ସ୍ଥଳ ସବୁଠୁ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି । ସ୍ଥଳ ଓ ଆକାଶରୁ ସେନା ସୁରକ୍ଷା ଉପରେ ନଜର ରଖିବ । ଦିଲ୍ଲୀ ଆକାଶରେ ସୁରକ୍ଷାର ତଦାରଖ କରିବ ରାଫେଲ୍ ।
