ଫିରିଙ୍ଗିଆ,୩l୯(ଆପ୍ର): ସାଡ଼ିଙ୍ଗିଆ ପଞ୍ଚାୟତ ବିଏସଏଫ କ୍ୟାମ୍ପ୍ ନିକଟରେ ଏକ ବୋଲେରୋ ଗାଡିରୁ ଫିରିଙ୍ଗିଆ ପୋଲିସ ଗଞ୍ଜେଇ ଜବତ କରିଛି। ୧୦ଟି ବସ୍ତାରେ ମୋଟ ୨ କୁଇଣ୍ଟାଲ ୫୨ କେଜି ଗଞ୍ଜେଇ ଜବତ କରିଛ। ଏଥିସହ ଜଣଙ୍କୁ ଗିରଫ କରିଛି।
ସାଡ଼ିଙ୍ଗିଆ ପଞ୍ଚାୟତ ବିଏସଏଫ କ୍ୟାମ୍ପ୍ ନିକଟରେ ଏକ ବୋଲେରୋ ଗାଡି ( ନଂ ଓଡି ୦୭ଟି ୬୨୯୩) ରେ ଗଞ୍ଜେଇ ଚାଲାଣ ହେଉଥିଲା। ଖବର ପାଇଁ ଫିରିଙ୍ଗିଆ ପୋଲିସ ଚଢାଉ କରି ବୋଲେରୋରୁ ୧୦ ବସ୍ତା ଗଞ୍ଜେଇ ଜବତ କରିଥିଲା। ଓଜନ କରିବାରୁ ୧୦ଟି ବସ୍ତାରେ ମୋଟ ୨୫୨ କିଲୋ ଗଞ୍ଜେଇ ଥିଲା। ନୂଆପଦର ଗାଁ ର ବିନୋଦ ସାହୁ କୁ ଗିରଫ କରିଥିବା ବେଳେ ପୋଲିସକୁ ଚକମା ଦେଇ ଜଣେ ଗଞ୍ଜେଇ ମାଫିଆ ଫେରାର ହୋଇଯାଇଥିଲା । ଜବତ୍ ହୋଇଥିବା ଗଞ୍ଜେଇର ଆନୁମାନିକ ମୂଲ୍ୟ ୧୫ ଲକ୍ଷ ଟଙ୍କା ହେବ ବୋଲି ପୋଲିସ କହିଛି।