ଧର୍ମଗଡ,୨୬।୧୧ : ଘର ଭିତରୁ ମହିଳାଙ୍କ ଅଧାପୋଡ଼ା ମୃତଦେହ ଉଦ୍ଧାର। ହତ୍ୟା ଅଭିଯୋଗ ଆଣିଲେ ମୃତ ମହିଳାଙ୍କ ଭାଇ l କଳାହାଣ୍ଡି ଜିଲା ଜୁନାଗଡ ଥାନା ଅନ୍ତର୍ଗତ ଚିଚୈଗୁଡା ଗ୍ରାମରେ ଏକ ଅଭାଵନୀୟ ଘଟଣା ଦେଖିବାକୁ ମିଳିଛି l ଏହି ଗାଁ ର ଜଣେ ବିଧବା ମହିଳାଙ୍କୁ ଘରେ ପୋଡି ଦେଇ ହତ୍ୟା କରାଯାଇଥିବା ଅଭିଯୋଗ ଆସିଛି l ମୃତ ମହିଳା ହେଲେ ପଦ୍ମାବତୀ ମେହେର l
ସେ ଘରେ ଏକୁଟିଆ ରହୁଥିବାବେଳେ ବିଳମ୍ବିତ ରାତିରେ କେହି ଦୁର୍ବୁତ୍ତ ତାଙ୍କୁ ହତ୍ୟା କରି ନିଆଁରେ ପୋଡି ଦେଇ ଥିବା ଭାଇ ବଳରାମ ମେହେର ଅଭିଯୋଗ କରିଛନ୍ତି l ମହିଳାଙ୍କ ଘର କବାଟ ଆଗରେ ତାଲା ପଡ଼ିଥିବା ବେଳେ ଘର ଭିତରୁ ଅଧାପୋଡା ମୃତଦେହ ଉଦ୍ଧାର କରିଥିବାରୁ ଯୋଜନା କରି ଏହା ହତ୍ୟା କରିଥିବା ସନ୍ଦେହ କରାଯାଉଛି l ତେବେ ତାଙ୍କ ପରିବାର ମଧ୍ୟରେ ବାରମ୍ବାର ଝଗଡା ଲାଗିରହୁଥିବା ଯୋଗୁଁ ପାରିବାରିକ କଲହକୁ ନେଇଁ ଏହି ହତ୍ୟାକାଣ୍ଡ ହୋଇ ଥିବା ମୃତ ମହିଳାଙ୍କ ଭାଇ ସନ୍ଦେହ କରିଛନ୍ତି l ଖବର ପାଇ ଘଟଣା ସ୍ଥଳରେ ଜୁନାଗଡ଼ ପୋଲିସ ଏବଂ ସାଇଣ୍ଟିଫିକ ଟିମ ପହଞ୍ଚି ତଦନ୍ତ ଆରମ୍ଭ କରିଛି l
ଆହୁରି ପଢନ୍ତୁ : ଓୟୋ ହୋଟେଲ ମାଲିକଙ୍କୁ ଆକ୍ରମଣ ଘଟଣା : ଅଭିଯୁକ୍ତ ଗିରଫ