ପ୍ରମୂଖ ଖବର
  • ବାଲେଶ୍ବରରେ ଗାଡ଼ି ସାଇଡ୍ ମାରିବାରୁ ଗୁଳିମାଡ଼, ଜଣେ ଆହତ
  • ||
  • ପୂର୍ବତନ ମନ୍ତ୍ରୀ ନବ ଦାସ ହତ୍ୟା ଘଟଣାରେ ସାନି ତଦନ୍ତ ଆରମ୍ଭ, ଗୃହରେ ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନଙ୍କ ସୂଚନା
  • ||
  • IAS ସ୍ତରରେ ଅଦଳବଦଳ, ସମର୍ଥ ବର୍ମା ଲଘୁ ଖଣିଜ ବିଭାଗ ନିର୍ଦ୍ଦେଶକ
  • ||
  • ବୟାଳିଶ ମୌଜା ଶ୍ରୀକୃଷ୍ଣ ବିହାର ହତ୍ୟା ଘଟଣା, ଅଭିଯୁକ୍ତକୁ ଧରି ସିନ୍ ରିକ୍ରିଏସନ୍ କଲା ପୋଲିସ
  • ||
  • ଖୋଲିବ ଗନ୍ଧମାର୍ଦ୍ଦନ ଲୋଡିଂ ଏଜେନ୍ସି ଦୁର୍ନୀତି ପେଡି: ରାଜାଚକ୍ରଙ୍କୁ ୫ ଦିନିଆ ରିମାଣ୍ଡରେ ନେବାକୁ କୋର୍ଟରେ ଆବେଦନ
  • ||
  • ଭୁବନେଶ୍ୱର ଘାଟିକିଆରେ ମର୍ମନ୍ତୁଦ ଦୁର୍ଘଟଣା, ଯୁବକଙ୍କ ଉପରେ ଚଢିଗଲା କଲେଜ ବସ୍
  • ||
  • ଗାଜାରେ ଇସ୍ରାଏଲର ବଡ ଏୟାରଷ୍ଟ୍ରାଇକ୍, ୨୦୦ ମୃତ
  • ||
  • ବଦଳିବ ମେଟ୍ରୋ ରେଳ ପ୍ରକଳ୍ପର ଡିପିଆର୍, ତ୍ରିଶୁଳିଆ ନୁହେଁ କଟକ ଯାଏ ବିସ୍ତୃତ ହେବ ମେଟ୍ରୋ କରିଡର
  • ||
  • ପୂର୍ବତନ ମନ୍ତ୍ରୀ ନବ କିଶୋର ଦାସଙ୍କ ଘରେ ୨ ଜଣିଆ କ୍ରାଇମବ୍ରାଞ୍ଚ ଟିମ୍, ପରିବାରବର୍ଗଙ୍କର ହେଲା ବୟାନ ରେକର୍ଡ
  • ||
  • ଆମେରିକାର ଫ୍ଲୋରିଡାରେ ମର୍ମନ୍ତୁଦ ଦୁର୍ଘଟଣା, ଗୋଟିଏ ପରିବାରର ୩ ମୃତ
  • ||
  • ୨୪ରୁ ୨ ଦିନିଆ ବ୍ୟାଙ୍କ ଧର୍ମଘଟ, ୪ ଦିନ ମିଳିବନି ବ୍ୟାଙ୍କ ସେବା
  • ||
  • ସ୍ୱର୍ଗଦ୍ୱାରରେ ପୂର୍ବତନ କେନ୍ଦ୍ରମନ୍ତ୍ରୀ ସ୍ୱର୍ଗତ ଡାକ୍ତର ଦେବେନ୍ଦ୍ର ପ୍ରଧାନଙ୍କ ଶେଷକୃତ୍ୟ ସମ୍ପନ୍ନ
  • ||
  • ୧୯ରୁ ମାଟ୍ରିକ୍‌ ଖାତା ଦେଖା: ଆଜି କେନ୍ଦ୍ରରେ ଯୋଗ ଦେବେ ୧୨ ହଜାର ଶିକ୍ଷକ, ମୂଲ୍ୟାୟନ ବେଳେ କ୍ୟାମ୍ପସ୍‌ ବାହାରକୁ ଯିବା ମନା
  • ||
  • କାଳବୈଶାଖୀ ଆଣିବ ଆଶ୍ୱସ୍ତି, କାଲିଠୁ ଖସିବ ତାତି: ଆଜି ଝାରସୁଗୁଡ଼ା ଓ ବୌଦ୍ଧକୁ ଅରେଞ୍ଜ, ୪ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

ଶ୍ରୀଜଗନ୍ନାଥ ଅନ୍ତର୍ଜାତୀୟ ବିମାନବନ୍ଦର, ବିଧାନସଭା ଚାଲିଥିବାରୁ ଜନଶୁଣାଣି ସ୍ଥଗିତ

Published By : Prameya | March 18, 2025 2:43 PM

ପୁରୀ, ୧୮/୦୩: ପୁରୀରେ ଶ୍ରୀଜଗନ୍ନାଥ  ଅନ୍ତର୍ଜାତୀୟ ବିମାନବନ୍ଦର ନିମନ୍ତେ ଆବଶ୍ୟକ  ବେସରକାରୀ ଜମି ଅଧିଗ୍ରହଣ ନିମନ୍ତେ ସିପସରୁବାଲି ଓ ଷଣ୍ଢପୁର ମୌଜା ଅଞ୍ଚଳବାସୀଙ୍କ  ଆପତ୍ତି, ଅଭିଯୋଗ ପ୍ରଭୃତି ଶୁଣିବା ନିମନ୍ତେ  ପ୍ରଶାସନ ସ୍ଥିର କରିଥିବା ଜନଶୁଣାଣି ସମୟକୁ  ଅନିର୍ଦ୍ଦିଷ୍ଟକାଳ ପର୍ଯ୍ୟନ୍ତ ସ୍ଥାଗିତ ରଖାଯାଇଛି ।  ଏନେଇ ଏକ ବିଜ୍ଞପ୍ତି ପ୍ରକାଶ ପାଇଛି । ସପ୍ତଦଶ ବିଧାନସଭାର ତୃତୀୟ ଅଧିବେଶନ ଆସନ୍ତା ମାସ ୫ ତାରିଖ ପର୍ଯ୍ୟନ୍ତ ଚାଲୁ ରହୁଥିବାରୁ ଜନଶୁଣାଣି  ଆୟୋଜନ କରାଯାଇପାରୁନାହିଁ ବୋଲି  ବିଜ୍ଞପ୍ତିରେ ଉଲ୍ଲେଖ କରାଯାଇଛି । ପରବର୍ତ୍ତୀ  ସମୟରେ ଜନଶୁଣାଣି ନିମନ୍ତେ ସମୟ ଧାର୍ଯ୍ୟ  ହେଲେ ଲୋକଙ୍କୁ ଅବଗତ କରାଯିବ ବୋଲି  ସୂଚନା ଦିଆଯାଇଛି ।   

ସୂଚନାଥାଉକି, ସୁପସରୁବାଲି ମୌଜା  ନିମନ୍ତେ ଆସନ୍ତା ୨୧ ତାରିଖ ଓ ଷଣ୍ଢପୁର ନିମନ୍ତେ  ଆସନ୍ତା ୨୬ ତାରିଖରେ ଜନଶୁଣାଣି ନିମନ୍ତେ ସମୟ ଧାର୍ଯ୍ୟ ହୋଇଥିଲା । ଚଳିତ ମାସ ୬  ତାରିଖରେ ଏହି ବିଜ୍ଞପ୍ତି ପ୍ରକାଶ ପାଇଥିଲା ।  ଏହି ପ୍ରକଳ୍ପ ନିମନ୍ତେ ପ୍ରଥମ ପର୍ଯ୍ୟାୟରେ ଶିପସରୁବାଲି ଓ ଷଣ୍ଢପୁର ମୌଜାରୁ ୨୨୧.୮୯୧  ଏକର ଘରୋଇ ଜମି ଅଧିଗ୍ରହଣ ହେବାକୁ  ଯୋଜନା ରହିଛି । ବିମାନବନ୍ଦର ପ୍ରକଳ୍ପ ନିମନ୍ତେ  ପ୍ରାୟ ୧୧୬୪.୭୫୪ ଏକର ଜମି ଆବଶ୍ୟକ  ଥିବା ବେଳେ ଏଥିମଧ୍ୟରେ ୨୨୧.୮୯୧ ଏକର  ଘରୋଇ ଜମି ରହିଛି । ବାକି ୯୪୨.୮୬୩  ସରକାରୀ ଜମି ରହିଛି ବୋଲି ସରକାରୀ  ରିପୋର୍ଟରୁ ଜଣାପଡ଼ିଛି । ପ୍ରକଳ୍ପ ନିମନ୍ତେ ଧାରା  ୧୬ ଅନୁଯାୟୀ ପୁନଃର୍ବାସ ଓ ଥଇଥାନ ପ୍ରାବଧାନ  ତଥା ଏହି ପ୍ରକଳ୍ପ ପାଇଁ ପ୍ରସ୍ତାବିତ ପ୍ରାବଧାନ  ଅନୁଯାୟୀ ଜମି ଅଧିଗ୍ରହଣ ନିମନ୍ତେ ଏହି  ଜନଶୁଣାଣି ହେବ । 

ପୁରୀରେ ଶ୍ରୀଜଗନ୍ନାଥ ବିମାନବନ୍ଦର  ପିପିପି ମୋଡ୍‌ରେ ପ୍ରତିଷ୍ଠା ନିମନ୍ତେ ଇଡ୍‌କୋ  ପକ୍ଷରୁ ଅନ୍ତର୍ଜାତୀୟସ୍ତରରେ ଟେଣ୍ଡର  ଆହ୍ୱାନ କରାଯାଇଛି । ସମୁଦ୍ରକୂଳକୁ ଲାଗି  ଏହି ବିମାନବନ୍ଦର ହେଉଛି । ପ୍ରଥମ  ପର୍ଯ୍ୟାୟରେ ପ୍ରାୟ ୨ ହଜାର ୨୦୩ କୋଟି  ଟଙ୍କା ବିନିଯୋଗରେ ବାର୍ଷିକ ୪.୬ ମିଲିୟନ  ଯାତ୍ରୀ ଯାତାୟତ କରିପାରିବା ଭଳି ବିମାନବନ୍ଦର  କରାଯିବ । ତିନୋଟି ପର୍ଯ୍ୟାୟରେ ପ୍ରାୟ  ୫ ହଜାର ୬୩୧ କୋଟି ଟଙ୍କା ଖର୍ଚ୍ଚରେ  ବିମାନବନ୍ଦର ବିକାଶ ଯୋଜନା ରହିଛି । ଏହା  ପର୍ଯ୍ୟଟନ ଓ ସ୍ଥାନୀୟ ଆର୍ଥିକ ବିକାଶ କରିବାରେ  ବେଶ ସହାୟକ ହେବ ବୋଲି ଆଶା ରହିଛି ।  ପରିବେଶ ଅନୁମତି ବିମାନବନ୍ଦର ଲାଗି  ସବୁଠାରୁ ବଡ଼ ପ୍ରସଙ୍ଗ । କେନ୍ଦ୍ରୀୟ ପ୍ରତିନିଧି  ଦଳଙ୍କ ଗସ୍ତକୁ ସମସ୍ତେ ଅପେକ୍ଷା କରିଛନ୍ତି ।  ଡିଏଫ୍‌ଓ ବିବେକ କୁମାର କହିଛନ୍ତି, ଏହି ଟିମ୍‌  କେବେ ଆସିବେ ସ୍ପଷ୍ଟ ହୋଇନି । ତେବେ ଶୀଘ୍ର  ଆସିବାର ସମ୍ଭାବନା ରହିଛି

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.