ନୂଆଦିଲ୍ଲୀ: ଗୁରୁବାର ରାତିରେ ପାକିସ୍ତୀନୀ ସେନା ଜମ୍ମୁ ଅଞ୍ଚଳରେ ଏକ ବଡ଼ ଆକ୍ରମଣ କରିଛି । ପାକିସ୍ତାନ ବହୁ ସଂଖ୍ୟକ ଡ୍ରୋନ୍ ଏବଂ କ୍ଷେପଣାସ୍ତ୍ର ସାହାଯ୍ୟରେ ଜମ୍ମୁ ଉପରେ ଆକ୍ରମଣ କରିଥିଲା, କିନ୍ତୁ ଭାରତୀୟ ସେନା ବାୟୁ ପ୍ରତିରକ୍ଷା ସାହାଯ୍ୟରେ ସେଗୁଡ଼ିକୁ ଧ୍ୱଂସ କରିଦେଇଥିଲା। ଏହି ସମୟ ମଧ୍ୟରେ, ସମଗ୍ର ଜମ୍ମୁ ଅଞ୍ଚଳକୁ ଅନ୍ଧାର କରାଯାଇଥିଲା। ଆଜି (ଶୁକ୍ରବାର) ସକାଳେ ଜମ୍ମୁ ଓ କାଶ୍ମୀର ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ପରିସ୍ଥିତିର ସମୀକ୍ଷା କରିବାକୁ ଜମ୍ମୁ ଯାଉଛନ୍ତି। ସେ ନିଜେ ଏହି ସୂଚନା ଦେଇଛନ୍ତି।

ଜମ୍ମୁ ଏବଂ କାଶ୍ମୀର ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ଶୁକ୍ରବାର ସକାଳୁ ଟ୍ୱିଟ୍ କରି କହିଛନ୍ତି "ଗତ ରାତିରେ ଜମ୍ମୁ ସହର ଏବଂ ଡିଭିଜନର ପାକିସ୍ତାନ ଡ୍ରୋନ ଆକ୍ରମଣ କରି ବିଫଳ ହୋଇଛି । ପରିସ୍ଥିତିର ସମୀକ୍ଷା କରିବା ପାଇଁ ମୁଁ ଏବେ ଜମ୍ମୁ ଯାଉଛି।"

Driving to Jammu now to take stock of the situation after last night’s failed Pakistani drone attack directed at Jammu city & other parts of the division. pic.twitter.com/8f8PLA6Vgg

— Omar Abdullah (@OmarAbdullah) May 9, 2025

ଗୁରୁବାର ରାତିରେ, ପାକିସ୍ତାନ ନିୟନ୍ତ୍ରଣ ରେଖା ଏବଂ ଅନ୍ତର୍ଜାତୀୟ ସୀମାର ବିଭିନ୍ନ ଅଞ୍ଚଳରେ ଡ୍ରୋନ ପଠାଇବାକୁ ଏକ ବିଫଳ ପ୍ରୟାସ କରିଥିଲା। ଉଧମପୁର, ସାମ୍ବା, ଜମ୍ମୁ, ଅଖନୁର, ନାଗ୍ରୋଟା ଏବଂ ପଠାନକୋଟ ସେକ୍ଟରରେ ଭାରତୀୟ ସେନାର ବାୟୁ ପ୍ରତିରକ୍ଷା ୟୁନିଟ ଗୁଡ଼ିକ ୫୦ ରୁ ଅଧିକ ଡ୍ରୋନକୁ ସଫଳତାର ସହ ଖସାଇ ଦେଇଛନ୍ତି।

ପାକିସ୍ତାନୀ ସେନା ଦ୍ୱାରା ଭାରତୀୟ ଅଞ୍ଚଳକୁ ୧୦୦ ରୁ ଅଧିକ କ୍ଷେପଣାସ୍ତ୍ର ମାଡ଼ କରାଯାଇଥିଲା। ଭାରତୀୟ ସେନା ଦ୍ୱାରା ସେହି ସମସ୍ତ କ୍ଷେପଣାସ୍ତ୍ର ନଷ୍ଟ କରାଯାଇଥିଲା। ଭାରତୀୟ ସେନା ତାର ବାୟୁ ପ୍ରତିରକ୍ଷା ପ୍ରଣାଳୀ ବ୍ୟବହାର କରି ତିନୋଟି ପାକିସ୍ତାନୀ ଯୁଦ୍ଧ ବିମାନକୁ ଖସାଇ ଦେଇଛି।