ନୂଆଦିଲ୍ଲୀ: ବର୍ତ୍ତମାନ ସୋନାକ୍ଷୀ ସିହ୍ନା ଏବଂ ଜହିର ଇକବାଲଙ୍କ ଚର୍ଚ୍ଚାର ରହିଛି ବିବାହ। ଏହାରି ମଧ୍ୟରେ ରାପର ହନି ସିଂ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ପୋଷ୍ଟ ସେୟାର କରି ଦୁଇ ଜଣଙ୍କ ବିବାହକୁ ନିଶ୍ଚିତ କରିଛନ୍ତି। । ସେ ପୋଷ୍ଟରେ ଲଖିଛନ୍ତି ଯେ, ସେ ନିଜ ପ୍ରିୟ ବନ୍ଧୁଙ୍କ ବିବାହରେ ନିଶ୍ଚିତ ଯୋଗ ଦେବେ। ତେବେ ସୋନାକ୍ଷୀ ସିହ୍ନା ଏବଂ ଜହିର ଇକବାଲ ଜୁନ୍ ୨୩ ତାରିଖରେ ବିବାହ କରିବେ ବୋଲି ଜଣାଯାଇଛି। ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ହନି ସିଂ ଲେଖିଛନ୍ତି, ''ମୁଁ ଲଣ୍ଡନରେ ସୁଟିଂ କାମ ଶେଷ କରିବାକୁ ଯାଉଛି। ମୁଁ ନିଶ୍ଚିତ କରୁଛି ଯେ ମୁଁ ମୋର ସର୍ବୋତ୍ତମ ବନ୍ଧୁ ସୋନାକ୍ଷୀଙ୍କ ବିବାହରେ ଯୋଗଦେବି। ମୋ କ୍ୟାରିୟରରେ ସେ ଏକ ବଡ଼ ସମର୍ଥନ। ମୋତେ ଅନେକ ଥର ସାହାଯ୍ୟ କରିଛନ୍ତି। ପାୱାର୍ କପଲ୍ ସୋନା ଓ ଇକବାଲ୍ଙ୍କୁ ଶୁଭେଚ୍ଛା। ଭୋଲେନାଥ ଆଶୀର୍ବାଦ କରନ୍ତୁ।''
ସୋନାକ୍ଷୀ ସିହ୍ନା ଏବଂ ହନି ସିଂ ନିକଟରେ କାଲାଷ୍ଟାର ଟ୍ରାକରେ ଏକାଠି କାମ କରିଥିଲେ, ଯାହାକି ସୋନାକ୍ଷୀ ଏବଂ ହନି ସିଂଙ୍କ ପୂର୍ବ ଗୀତ ଦେଶୀ କାଲାକାରର ଏକ ସମ୍ପ୍ରସାରଣ ସଂସ୍କରଣ। ସୋନାକ୍ଷୀ ସିହ୍ନା ଜୁନ୍ ୨୩ ରେ ମୁମ୍ବାଇରେ ଜହିର ଇକବାଲଙ୍କୁ ବିବାହ କରିବେ ବୋଲି ଆନୁଷ୍ଠାନିକ ଘୋଷଣା ବି କରିସାରିଛନ୍ତି। ସେ ପତ୍ରିକା ପରି ନିଜର ବିବାହ ନିମନ୍ତ୍ରଣ କାର୍ଡ ଛାପି ସେଥିରେ ଲେଖିଛନ୍ତି, ''ଗୁଜବ ସତ ହୋଇଛି। ଆମେ ୨୩ ଜୁନ୍ରେ ବିବାହ କରିବାକୁ ଯାଉଛୁ। ଆପଣମାନେ ଆମକୁ ଆଶୀର୍ବାଦ କରନ୍ତୁ।'' ଏହାଛଡ଼ା ଡ୍ରେସ୍କୋଡ ଭାବେ ଫର୍ମାଲ ଓ ଫେଷ୍ଟିଭ୍ ପିନ୍ଧିବାକୁ ଲେଖିଥିବା ବେଳେ ନାଲି ପୋଷାକକୁ ନା କହିଛନ୍ତି।