ନୂଆଦିଲ୍ଲୀ, ୦୬/୦୯: ଜ୍ୟାକ୍ ମାଙ୍କ ଅଲିବାବା ପରେ ଆଉ ଏକ ଚାଇନିଜ୍ ସପିଂ ଆପ୍ ଅନଲାଇନ୍ ମାର୍କେଟରେ ଚହଳ ପକାଇଛି । ଆମେରିକାର ସପିଂ ଆପ୍ ଆମାଜନକୁ ଏକାଧିକ ଦେଶରେ ଟକ୍କର ଦେଉଛି ଏହି ଚାଇନିଜ୍ ଆପ୍। ଅନଲାଇନ୍ ସପିଂରେ ଅଧିକ ରୁଚି ରଖୁଥିବା ଲୋକଙ୍କ ପାଇଁ ଆମାଜନଠୁ ଅଧିକ ପସନ୍ଦ ପାଲଟିଛି ଟେମୁ । ଯାହାର ଟ୍ୟାଗଲାଇନ୍ ରହିଛି, ‘ସପିଂ ଲାଇକ୍ ଏ ବିଲିୟନାରି’ ।

ଶାଂଘାଇର କମ୍ପାନୀ ପିଡିଡି ଗତବର୍ଷ ଅନଲାଇନ୍ ସପିଂ ଆପ୍ ଟେମୁର ଆରମ୍ଭ ପ୍ରଥମ ପର୍ଯ୍ୟାୟରେ ଆମେରିକାର କରିଥିଲା । ଟେମୁରେ ଦୈନନ୍ଦିନ ଆବଶ୍ୟକ ସାମଗ୍ରୀ ସହ ପୋଷାକ, କଣ୍ଢେଇ, ଘରକରଣା ସାମଗ୍ରୀ ବହୁତ କମ୍ ମୂଲ୍ୟରେ ମିଳୁଛି ।

କ’ଣ ମୋବାଇଲ୍ ଫୋନ୍ ପାଇଁ ଅଧିକ ବ୍ୟାପିଥିଲା କୋଭିଡ୍ ? ଜାଣନ୍ତୁ କ’ଣ କହୁଛି ରିପୋର୍ଟ…

ଆମେରିକାରୁ ବ୍ୟବସାୟ ଆରମ୍ଭ କରିଥିବା ଟେମୁ ଏବେ ଆକାଶ ଛୁଇଁଛି । ଗତବର୍ଷ ସେପ୍ଟେମ୍ବରରେ ଟେମୁ ୩ ମିଲିୟନ୍ ଡଲାର ସାମଗ୍ରୀ ବିକ୍ରି କରିଥିବା ବେଳେ ୨୦୨୩ ଏପ୍ରିଲରେ ଏହା ୪୦୦ ମିଲିୟନ୍ ଡଲାରକୁ ବୃଦ୍ଧି ପାଇଛି । ଆଜିର ଦିନରେ ଟେମୁ ଆଇଫୋନରେ ମାଗଣାରେ ଉପଲବ୍ଧ ଆପ୍ଲିକେସନ୍ ମଧ୍ୟରେ ଆମେରିକା, ୟୁକେ, ଅଷ୍ଟ୍ରେଲିଆ ଓ ଜର୍ମାନୀରେ ଟପରେ ରହିଛି ।

ତେବେ ଅଳ୍ପ ଦିନରେ କେମିତି ଟେମୁ ପାଇଲା ଏତେ ସଫଳତା ? କୁହାଯାଉଛି ଟେମୁରେ ବିକ୍ରି ହେଉଥିବା ସାମଗ୍ରୀର ଦର କମ୍ ରହିଥିବା ବେଳେ ଗୁଣବତ୍ତା ରହିଛି । କମ୍ପାନୀ ଅନୁସାରେ, ଟେମୁ ସିଧାସଳଖ ସାମଗ୍ରୀକୁ ଉତ୍ପାଦନକାରୀଙ୍କ ପାଖରୁ ଆଣି ବିକ୍ରି କରୁଛି । ତେଣୁ ଦାମ କମ୍ ରହୁଛି । 

ଚାଇନାରେ ସରକାରୀ ଅଧିକାରୀ ବ୍ୟବହାର କରିପାରିବେନି ଆଇଫୋନ୍, ଜାରି ହେଲା ନୂଆ ନିୟମ

ଲୋକଙ୍କ ଆବଶ୍ୟକତା ଦେଖି କମ୍ପାନୀ ଅଫର୍ ପ୍ରଦାନ କରୁଛି । ବିଶ୍ୱରେ ବିଭିନ୍ନ ସାମଗ୍ରୀର ଦରବୃଦ୍ଧି ହେଉଥିବା ବେଳେ ଟେମୁ ବଜାରରେ ପ୍ରବେଶ କରିଥିଲା । ଆମେରିକାରେ ବଜାର ପ୍ରବେଶର ପ୍ରଥମ ମାସରେ ଟେମୁ ୨୦୦ ମିଲିୟନ୍ ଡଲାର କେବଳ ବିଜ୍ଞାପନ ପାଇଁ ଖର୍ଚ୍ଚ କରିବା ସହ ବର୍ଷକରେ ୨ ବିଲିୟନ୍ ଡଲାର ଖର୍ଚ୍ଚ ଯୋଜନା ରଖିଛି ।

ଟେମୁରୁ କିଣିଥିବା ସାମଗ୍ରୀ ପସନ୍ଦ ନ ଆସିଲେ ୯୦ ଦିନ ମଧ୍ୟରେ ଫେରସ୍ତ କରି ପାରିବାର ସୁବିଧା ରହିଛି । ଏହାଛଡ଼ା କମ୍ପାନୀ ସବୁ ଯୋଗାଣକୁ ଦେୟମୁକ୍ତ ରଖିଛି । 

G୨୦ରେ ଭାରତର ଅଧ୍ୟକ୍ଷତାକୁ ଚୀନର ସମର୍ଥନ, କହିଲା ‘ସମ୍ପର୍କ ମଜଭୁତ୍ ପାଇଁ କାମ କରିବୁ’