ଫ୍ଲୋରିଡା, ୧୨/୦୯: ଆମେରିକା ମହାକାଶ ଗବେଷଣା ସଂସ୍ଥା-ନାସା ପକ୍ଷରୁ ଏକ ଗୁରୁତ୍ବପୂର୍ଣ୍ଣ ସୂଚନା ଦିଆଯାଇଛି । ଆମ ସୌରଜଗତ ବାହାରେ ଏକ ପୃଥିବୀ ଭଳି ଗ୍ରହର ସନ୍ଧାନ ପାଇଛି ନାସା । ଏହି ଗ୍ରହ ପୃଥିବୀଠାରୁ ୮.୬ ଗୁଣ ବଡ଼ । ଏହି ଏକଜୋପ୍ଲାନେଟରେ ମହାସାଗର ଥିବା ନେଇ ନାସା ପକ୍ଷରୁ କୁହାଯାଇଛି । କେବଳ ସେତିକି ନୁହେଁ ଜୀବନ ଥିବା ନେଇ ସଂକେତ ଦେଉଥିବା ଏକ କେମିକାଲ୍ ସଂପର୍କରେ ସୂଚନା ମିଳିଛି । ଜେମ୍ସ ଓ୍ବେବ ଟେଲିସ୍କୋପ ଦ୍ବାରା ଏହି ଗ୍ରହକୁ ଖୋଜି ବାହାର କରାଯାଇଛି ।
ସହରରେ ହଠାତ ପ୍ରବାହିତ ହେଲା ମଦର ବନ୍ୟା, କେମିତି ଘଟିଗଲା ଏତେବଡ଼ ଦୁର୍ଘଟଣା ?
K2-18b ଗ୍ରହରେ ମିଥେନ୍ ଏବଂ ଅଙ୍ଗାଳକାମ୍ଳ ସମେତ କାର୍ବନ ସମ୍ବନ୍ଧିତ ଅନ୍ୟ ଏଲିମେଣ୍ଟ ସମ୍ପର୍କରେ ଜଣାପଡ଼ିଛି । ଜେମ୍ସ ଓ୍ବେବ ଟେଲିସ୍କୋପ ଦ୍ବାରା ଖୋଜି ବାହାର କରାଯାଇଥିବା K2-18b ଗ୍ରହରେ ହାଇଡ୍ରୋଜେନ ସମୃଦ୍ଧ ବାତାବରଣ ଥିବା ବେଳେ ଗ୍ରହରେ ମହାସାଗର ଥିବା ନେଇ ସମ୍ଭାବନା ରହିଛି । ରହିବା ଯୋଗ୍ୟ ଏହି ଗ୍ରହ ସଂପର୍କରେ ଜଣାପଡ଼ିବା ପରେ ନାସା ମଧ୍ୟ ଆଶ୍ଚର୍ଯ୍ୟ ହୋଇଛି । ଏନେଇ ଆହୁରି ଗବେଷଣା କରିବାକୁ ନାସାର ବୈଜ୍ଞାନିକମାନେ ଅଧିକ ଉତ୍ସାହିତ ଥିବା ଜଣାପଡ଼ିଛି ।
K2-18b ଗ୍ରହର ପରିକ୍ରମା କରୁଛି ଛୋଟ ଛୋଟ ତାରା । ପୃଥିବୀପୃଷ୍ଠରୁ ୧୨୦ ଆଲୋକବର୍ଷ ଦୂରତାରେ ଥିବା ଏହି ଗ୍ରହ ପୃଥିବୀଠାରୁ ବହୁତ ବଡ଼ । ଏହାକୁ ମିି ନେପଚୁନ୍ ବୋଲି କୁହାଯାଉଛି । ଏହାର ଆକାର ଏବଂ ପ୍ରକାରଭେଦ ବିଲକୁଲ ଅଲଗା ବୋଲି ବୈଜ୍ଞାନିକମାନେ ମତ ଦେଇଛନ୍ତି । ଅନ୍ୟପଟେ କେମ୍ବ୍ରିଜ୍ ବିଶ୍ବବିଦ୍ୟାଳୟ ଗବେଷକଙ୍କ ଅନୁସାରେ, ଏଭଳି ଗ୍ରହରେ ମିଥେନ ଏବଂ କାର୍ବନ ଡାଇଅକ୍ସାଇଡର ଉପସ୍ଥିତି ଏବଂ ଆମୋନିଆର ଅଭାବ ଏହି ଅନୁମାନକୁ ସମର୍ଥନ କରେ ଯେ K2-18 bରେ ଏକ ସମୁଦ୍ର ଥାଇପାରେ ।
You can also read: ନିର୍ବାସିତ ନଓ୍ବାଜ ଶରିଫଙ୍କ ଦାବି: ‘ଆମ ସରକାର ଥିଲେ ଜି-୨୦ ଆୟୋଜନ କରିଥାନ୍ତା ପାକିସ୍ତାନ’
