ନୂଆଦିଲ୍ଲୀ – ଭାରତୀୟ ଟିମ୍‌ର ପ୍ରସିଦ୍ଧ କ୍ରିକେଟର ସୌରଭ ଗାଙ୍ଗୁଲୀ ମଧ୍ୟ ଭାରତୀୟ କୁସ୍ତିଯୋଦ୍ଧା ଭିନେଶ ଫୋଗାଟଙ୍କୁ କଲେ ସମର୍ଥନ। ପ୍ୟାରିସ୍‌ ଅଲିମ୍ପିକ ୨୦୨୪ରେ ୧୦୦ଗ୍ରାମ୍‌ ଓଜନ ଅଧିକ ହେବା କାରଣରୁ ଭିନେଶ ଫୋଗାଟଙ୍କୁ ଅଯୋଗ୍ୟ ଘୋଷିତ କରାଯାଇ ଥିଲା, ଯେଉଁଥି ପାଇଁ ସେ ଗୋଲ୍ଡ/ସିଲଭର ଜିତିବାରୁ ବଞ୍ଚିତ ହୋଇଛନ୍ତି। ଭିନେଶଙ୍କ ସ୍ଥାନରେ ଫାଇନାଲରେ କ୍ୟୁବାର କୁସ୍ତିଯୋଦ୍ଧା ୟୁସ୍ନେଲିସ୍‌ ଗୁଜମାନ ଲୋପେଜ ଓହ୍ଲାଇ ଥିଲେ , ଯିଏ ସେମି ଫାଇନାଲରେ ତାଙ୍କ ଠାରୁ ହାରି ଯାଇଥିଲେ। ମାମଲାର ଶୁଣାଣି ଶୁକ୍ରବାର ଶେଷ ହୋଇଛି।  

ଭିନେଶ ଫୋଗାଟଙ୍କ ବିବାଦରେ ସଚିନଙ୍କ ପ୍ରତିକ୍ରିୟା , କୁସ୍ତିଯୋଦ୍ଧାଙ୍କୁ ସମର୍ଥନ ଦେଇ କହିଲେ ....

ଭାରତୀୟ ଅଲିମ୍ପିକ ସଂଘ ପ୍ରଥମେ କହିଥିଲେ ରାୟ ରବିବାର ଆସିବ , ହେଲେ ପୁଣି ସେ ସ୍ପଷ୍ଟୀକରଣ ଜାରି କରି କହିଛନ୍ତି , ଫଳଫଳା ୧୩ ଅଗଷ୍ଟରେ ହିଁ ଜଣାପଡ଼ିବ। ଏହି ପୂରା ବିବାଦ ମଧ୍ୟରେ ଗାଙ୍ଗୁଲି ମଧ୍ୟ ଫୋଗାଟଙ୍କ ସମର୍ଥନରେ ବାହାରିଛନ୍ତି ଏବଂ କହିଛନ୍ତି ,ତାଙ୍କୁ ଫାଇନାଲ ପାଇଁ କ୍ୱାଲିଫାଏ କରିବାରେ ଅତି କମ୍‌ରେ ରୌପ୍ୟ ପଦକ ମିଳିବା ଉଚିତ୍‌। 

ସୌରଭ ଗାଙ୍ଗୁଲି କହିଛନ୍ତି , ମୋତେ ସଠିକ୍‌ ନିୟମ ଜଣା ନାହିଁ , କିନ୍ତୁ ମୋର ବିଶ୍ୱାସ କି ଯେବେ ସେ ଫାଇନାଲରେ ପହଞ୍ଚିଲେ ,ସେ ଭଲ ଭାବେ କ୍ୱାଲିଫାଏ  କରିଛନ୍ତି। ଏଥିପାଇଁ ଆପଣ ଫାଇନାଲକୁ ଗଲେ ଗୋଲ୍ଡ କି ସିଲଭର ଥାଏ । ତାଙ୍କୁ ଭୁଲ ଉପାୟରେ ଅଯୋଗ୍ୟ ସାବ୍ୟସ୍ତ କରାଯାଇଛି ନା ନାହିଁ , ଏହା ମୋତେ ଜଣା ନାହିଁ , କିନ୍ତୁ ଅତି କମ୍‌ରେ ସେ ସିଲଭରର ହକଦାର।