ପୁରୀ ୧୬/୦୮: ଶ୍ରୀମନ୍ଦିର ସୁରକ୍ଷା ବ୍ୟବସ୍ଥାରେ ଢିଲା । ପୁଣି ଜଣେ ବିହାରୀ ବ୍ୟକ୍ତି ଶ୍ରୀମନ୍ଦିର ଉପରକୁ ଚଢିବାକୁ ଉଦ୍ୟମ ବେଳେ ଧରାପଡିଲେ। ବେହରଣ ଦ୍ୱାର ପଟରୁ ପ୍ରାୟ ୫ରୁ ୭ ଫୁଟ୍ ଚଢି ସାରିଥିବା ବେଳେ ମାଡ଼ି ବସିଥିଲେ ଜଗନ୍ନାଥ ମନ୍ଦିର ପୁଲିସ (JTP)। ପରେ ବିହାରୀ ବ୍ୟକ୍ତିଙ୍କୁ ସିଂହଦ୍ୱାର ଥାନାରେ ଜିମା ଦେଇଛନ୍ତି। 

ସୂଚନା ଅନୁଯାୟୀ, ଶ୍ରୀମନ୍ଦିରରେ ନନ୍ଦଉତ୍ସବ ନୀତି ଚାଲିଥିବା ମହାପ୍ରଭୁଙ୍କୁ  ଦର୍ଶନ ପାଇଁ ଆସିଥିଲେ ଶ୍ରଦ୍ଧାଳୁଙ୍କ ପ୍ରବଳ ଭିଡ଼ ଲାଗିଛି। ଏହି ସମୟରେ ଦକ୍ଷିଣ ଘର ବାଟରେ ଜଣେ ବ୍ୟକ୍ତି ହଠାତ୍ ଶ୍ରୀମନ୍ଦିର ଉପରକୁ ଚଢିବାକୁ ଉଦ୍ୟମ କରୁଥିଲେ । ଏପିରିକି ୫ ରୁ ୭ ଫୁଟ୍ ଚଢିସାରିଥିବା ବେଳେ ଦେଖି ଦେଇଥିଲେ ଜେଟିିପି। ତରନ୍ତୁ ଆକ୍ସନ୍ ମୋଡ଼କୁ ଆସିଥିଲେ। ଦୌଡ଼ି ଯାଉ ବ୍ୟକ୍ତିଙ୍କୁ ମାଡ଼ି ବସିଥିଲେ। ପରେ ସିଂହଦ୍ୱାର ଥାନାରେ ଜିମା ଦିଆଯାଇଛି।  ଅଟକ ବ୍ୟକ୍ତିଙ୍କର ମାନସିକ ସ୍ଥିତି ଦୁର୍ବଳ ଥିବା ସୂଚନା ମିଳିଛି । ସିଂହଦ୍ବାର ପୁଲିସ ଘଟଣାରେ ଅଧିକ ତଦନ୍ତ କରିବା ସହ ଅଟକ ବ୍ୟକ୍ତିଙ୍କୁ ପଚରାଉଚରା କରୁଛି।