ନୂଆଦିଲ୍ଲୀ,୩୦/୬ : ବାରବାଡୋସରେ ଭାରତ ଟି-୨୦ ବିଶ୍ବକପର ଫାଇନାଲ ସାଉଥ ଆଫ୍ରିକାକୁ ୭ରନରେ ହରାଇ ଦ୍ବିତୀୟ ଥର ଟି-୨୦ ବିଶ୍ବକପର ତାଜ୍ ହାତେଇଛି । ଧୋନୀଙ୍କ ପରେ ରୋହିତ ଶର୍ମା ଏଭଳି ଅଧିନାୟକ ହୋଇଛନ୍ତି ଯାହାଙ୍କ ଅଧିନାୟକତ୍ବରେ ଭାରତ ଟି-୨୦ବିଶ୍ବକପର ତାଜ୍ ନିଜ ନାଁରେ କରିଛି । ପ୍ରକାଶ ଯେ, ବିଜୟ ପରେ ଅଧିନାୟକ ରୋହିତ ଶର୍ମା ବହୁ ଇମୋଶନାଲ ନଜର ଆସିଥିଲେ । ଯାହାର ଭିଡ଼ିଓ ଏବେ ଆଇସିସି ବି ସେୟାର କରିଛି । ଆଇସିସି ଏକ ଭିଡ଼ିଓ ସେୟାର କରିଛି ଯେଉଁଥିରେ ରୋହିତ ଶର୍ମା ବିଶ୍ବ ବିଜେତା ହେବା ପରେ ବାରବାଡୋସର ପିଚକୁ ଜୁହାର ହେଉଥିବା ଦେଖାଯାଉଛି ଏବଂ ପିଚର ମାଟିକୁ ମୁହଁରେ ଲଗାଇ ନିଜ ଖୁସିକୁ ଜାହିର କରିଛନ୍ତି । ରୋହିତଙ୍କ ଏହି ଦୃଶ୍ୟ ଫ୍ୟାନ୍ସଙ୍କ ହୃଦୟ ଜିତି ନେଇଛି । ଫ୍ୟାନ୍ସ ତାଙ୍କର ଦୃଶ୍ୟକୁ ଭରପୁର ତାରିଫ କରୁଛନ୍ତି ।
ପ୍ରକାଶ ଯେ, ରୋହିତ ଶର୍ମା ବି ଏବେ ଟି-୨୦ ଅନ୍ତର୍ଜାତୀୟ ଖେଳରୁ ନିଜକୁ ଦୂରେଇ ଦେଇଛନ୍ତି । ବିଶ୍ବ ବିଜେତା ହେବା ପରେ ରୋହିତ ଗଣମାଧ୍ୟମକୁ ନିଜର ବାର୍ତ୍ତା ଦେବା ସମୟରେ ଏହି କଥାର ସୂଚନା ଦେଇଥିଲେ । ରୋହିତ କହିଥିଲେ କି, ଏହା ମୋର ଶେଷ ମ୍ୟାଚ ବି ଥିଲା । ଯେବେଠାରୁ ମୁଁ ଏହି ଫର୍ମାଟରେ ଖେଳି ଆରମ୍ଭ କଲି ମୁଁ ଏହାକୁ ଉପଭୋଗ କରିଛି । ଏହି ଫର୍ମାଟକୁ ଗୁଡବାଏ କହିବା ପାଇଁ ଏହାଠାରୁ ଭଲ ସମୟ ହୋଇନପାରେ । ମୋତେ ଏହାର ପ୍ରତି ମୂହୁର୍ତ୍ତ ପସନ୍ଦ ଅଟେ । ମୁଁ ଏହି ଫର୍ମାଟ ସହ ଇଣ୍ଡିଆ ଟିମରେ ନିଜ କ୍ୟାରିୟର ଆରମ୍ଭ କରିଥିଲି । ମୁଁ କପ୍ ଜିତିବାକୁ ଚାହୁଁଥିଲି ।
