ନୂଆଦିଲ୍ଲୀ: ଛତିଶଗଡ଼ର ରାଜନନ୍ଦଗାଓଁ ଜିଲ୍ଲାରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ ଛଅ ଜଣ ବନ୍ଧୁଙ୍କ ମୃତ୍ୟୁ ଘଟିଛି। ଅନ୍ୟ ଜଣେ ଆହତ ହୋଇଛନ୍ତି। ଇନ୍ଦୋରର ଛଅ ଜଣ ବନ୍ଧୁ ଉଜ୍ଜୟିନୀ ଗସ୍ତ କରି ଓଡ଼ିଶା ଯାଉଥିଲେ। କିନ୍ତୁ ବାଗନଦୀ ଥାନା ଅଞ୍ଚଳର ଚିରଚାରି ଜାତୀୟ ରାଜପଥ ଛକ ନିକଟରେ ସେମାନଙ୍କ କାର ଦୁର୍ଘଟଣାଗ୍ରସ୍ତ ହୋଇଥିଲା। କାରଟି ଡିଭାଇଡର ଭାଙ୍ଗି ସାମ୍ନାରୁ ଆସୁଥିବା ଏକ ଟ୍ରକ ସହିତ ଧକ୍କା ହୋଇଥିଲା। ଏହା ଯୋଗୁଁ କାରଟି ଭାଙ୍ଗି ଯାଇଥିଲା। କାରଟି ଗୋଟିଏ ପାର୍ଶ୍ୱରୁ ସମ୍ପୂର୍ଣ୍ଣ ନଷ୍ଟ ଯାଇଥିଲା।
ଦୁର୍ଘଟଣାରେ କାର ଭିତରେ ବସିଥିବା ଛଅ ଜଣ ବନ୍ଧୁଙ୍କ ମୃତ୍ୟୁ ହୋଇଛି। ଡ୍ରାଇଭର ଗୁରୁତର ଆହତ ହୋଇଛନ୍ତି। ତାଙ୍କୁ ଶୀଘ୍ର ହସ୍ପିଟାଲରେ ଭର୍ତ୍ତି କରାଯାଇଛି। ପୋଲିସ ଅଧିକାରୀ ମାନେ କହିଛନ୍ତି ଯେ ଜିଲ୍ଲାର ବାଗନଦୀ ଥାନା ଅଞ୍ଚଳ ଅନ୍ତର୍ଗତ ଚିରଚାରି ଗ୍ରାମ ନିକଟରେ ଏକ ଟ୍ରକ୍ ସହିତ କାରଟି ଧକ୍କା ଦେବାରୁ ଦୁର୍ଘଟଣା ଘଟିଛି।
ଛୁରିଆରେ ମୃତକଙ୍କ ପୋଷ୍ଟମର୍ଟମ୍ କରାଯାଉଛି। ସମସ୍ତେ ଇନ୍ଦୋରର ବାସିନ୍ଦା ଥିଲେ। ସେମାନେ ଏକ ଏର୍ଟିକା କାରରେ ଯାତ୍ରା କରୁଥିଲେ। ଅଧିକାରୀ ମାନେ କହିଛନ୍ତି ଯେ, ପୋଲିସ ସୂଚନା ପାଇଛି ଯେ, ମଧ୍ୟପ୍ରଦେଶର ଇନ୍ଦୋରରୁ ସାତ ଜଣ ଲୋକ ଏକ କାରରେ ଉଜ୍ଜୟିନୀରେ ମହାକାଳ ଦର୍ଶନ କରିବା ପରେ ଓଡ଼ିଶାର ଜଗନ୍ନାଥ ମନ୍ଦିର ଦର୍ଶନ କରିବାକୁ ଯାଇଥିଲେ। ଶୁକ୍ରବାର ସକାଳ ପ୍ରାୟ ୫ ଟାରେ ସେମାନେ ରାଜନନ୍ଦଗାଓଁର ଚିରଚାରି ଗାଁ ନିକଟରେ ପହଞ୍ଚିବା ପରେ ଡ୍ରାଇଭରଙ୍କ ଆଖି ଲାଗିଯିବା କାରଣରୁ କାରଟି ନିୟନ୍ତ୍ରଣ ବାହାରକୁ ଯାଇ ରାସ୍ତାର ଅନ୍ୟ ପାର୍ଶ୍ୱରେ ଥିବା ଏକ ଟ୍ରକ୍ ସହିତ ଧକ୍କା ହେଲା।
ସେ କହିଛନ୍ତି ଯେ ଏହି ଘଟଣାରେ ଘଟଣାସ୍ଥଳେ ପାଞ୍ଚ ଜଣଙ୍କର ମୃତ୍ୟୁ ହୋଇଛି। ଅନ୍ୟ ଦୁଇଜଣ ଗୁରୁତର ଆହତ ହୋଇଛନ୍ତି। ଅଧିକାରୀ ମାନେ କହିଛନ୍ତି ଯେ ପୋଲିସ ଘଟଣା ସମ୍ପର୍କରେ ସୂଚନା ପାଇବା ପରେ ଘଟଣାସ୍ଥଳକୁ ଏକ ପୋଲିସ ଦଳ ପଠାଯାଇଥିଲା। ମୃତଦେହ ଏବଂ ଆହତ ମାନଙ୍କୁ ନିକଟସ୍ଥ ଛୁରିଆ ଗ୍ରାମର ସ୍ୱାସ୍ଥ୍ୟ କେନ୍ଦ୍ରକୁ ପଠାଯାଇଥିଲା। ସେଠାରେ ଡାକ୍ତର ଆହତ ମାନଙ୍କ ମଧ୍ୟରୁ ଜଣଙ୍କୁ ମୃତ ଘୋଷଣା କରିଥିଲେ।
