ବାଲିପାଟଣା,୧୫/୮ : ପାରିବାରିକ କଳହର କରୁଣ ପରିଣତି । ବାପା- ଭାଇ ଯୁବକଙ୍କୁ ପେଟ୍ରୋଲ ଢାଳି ଜାଳି ଦେଇଥିବା ଅଭିଯୋଗ । ବାଲିପାଟଣା ଥାନା ବାଲିପାଟଣା ଛକ ନିକଟର ଘଟିଛି ଏଭଳି ଅଭାବନୀୟ ଘଟଣା । ଗୁରୁତର ଯୁବକ ଜ୍ୟୋତି ରଞ୍ଜନ ମାଠିଆ । ଗୁରୁତର ଅବସ୍ଥାରେ ତାଙ୍କୁ ଏମସ୍ ସ୍ଥାନାନ୍ତର କରାଯାଇଛି ।
ଜ୍ୟୋତି ଘରେ ଥିବାବେଳେ ବାପା ଏବଂ ଭାଇ ପେଟ୍ରୋଲ୍ ଢାଳି ନିଆଁ ଲଗାଇ ଦେଇଥିଲେ । ଜ୍ୟୋତି ଜଳୁଥିବା ବେଳେ ଜ୍ୟୋତିଙ୍କ ସ୍ତ୍ରୀ ଚିତ୍କାର କରି ଲୋକଙ୍କୁ ଡାକି ମେଡିକାଲରେ ଭର୍ତ୍ତି କରିଥିଲେ। ଯୁବକଙ୍କ ଶରୀରର ୯୦ ପ୍ରତିଶତ ପୋଡ଼ି ଯାଇଛି । ପୂର୍ବରୁ ଜମିବାଡ଼ିକୁ ନେଇ ବାପା ଭାଇଙ୍କ ସହ ଶତୃତା ଥିଲା। ଜ୍ୟୋତିଙ୍କୁ ଏମସ ସ୍ଥାନାନ୍ତର କରାଯାଇଛି ।
