ନୂଆଦିଲ୍ଲୀ,୨୯।୧୧: ବଢିଲା ରାହୁଲ ଦ୍ରାବିଡଙ୍କ କାର୍ଯ୍ୟକାଳ। ଟିମ୍ ଇଣ୍ଡିଆର ମୁଖ୍ୟ କୋଚ୍ ପଦରେ ରହିବେ ରାହୁଲ। ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ମୁଖ୍ୟ କୋଚ୍ ରାହୁଲ ଦ୍ରାବିଡ଼ ଏବଂ ଟିମ୍ ଇଣ୍ଡିଆର ସପୋର୍ଟ ଷ୍ଟାଫଙ୍କ ଚୁକ୍ତି ଅବଧିକୁ ବୃଦ୍ଧି କରିଛି। ଓ୍ବାର୍ଲ୍ଡକପ୍ ୨୦୨୩ ପରେ ତାଙ୍କର ଚୁକ୍ତି ସମୟ ସୀମା ଶେଷ ହୋଇଯାଇଥିଲା। ଏବେ ବିସିସିଆଇ ତାଙ୍କର ଚୁକ୍ତିକୁ ବଢାଇଛି। ସିନିୟର ପୁରୁଷ ଟିମ୍ର ହେଡ୍ କୋଚ୍ ରାହୁଲ ଦ୍ରାଭିଡଙ୍କ ସହିତ ମଧ୍ୟ ବଢିଛି ସର୍ପୋଟ ଷ୍ଟାଫ୍ଙ୍କ ଚୁକ୍ତି ଅବଧି। ତେବେ ହେଡ୍ କୋଚ୍ ଓ ସର୍ପୋଟ ଷ୍ଟାଫ୍ଙ୍କ କାର୍ଯ୍ୟକାଳ କେତେ ଦିନ ପାଇଁ ବଢିଛି ସେ ନେଇ ବିସିସିଆଇ କୌଣସି ସୂଚନା ଦେଇନାହିଁ।
ବିସିସିଆଇ ପକ୍ଷରୁ ପ୍ରେସ୍ ରିଲିଜ୍ରେ କୁହାଯାଇଛି, ନିକଟରେ ଶେଷ ହୋଇଥିବା ଓ୍ବାନଡେ ଓ୍ବାର୍ଲ୍ଡକପ୍ ୨୦୨୩ ପରେ ରାହୁଲଙ୍କ କାର୍ଯ୍ୟକାଳ ସରିଯାଇଥିଲା। ତାଙ୍କ ସହ କଥାବାର୍ତ୍ତା ପରେ ସହମତି ଆଧାରରେ କନଟ୍ରାକ୍ଟୁ ଆଗକୁ ବଢାଇବାର ନିଷ୍ପତ୍ତି ନିଆଯାଇଛି।’ ଭାରତୀୟ ଟିମ୍କୁ ଉଚ୍ଚମାନର ପ୍ରଶିକ୍ଷଣ ଦେବାରେ ରାହୁଲ ଦ୍ରାବିଡଙ୍କ ଭୂମିକାକୁ ବୋର୍ଡ ଭଲ ଭାବରେ ଜାଣେ। ତାଙ୍କର ଅସାଧାରଣ ପ୍ରଫେସନାଲିଜିମ୍କୁ ମଧ୍ୟ ପ୍ରଶଂସାରେ କରେ। ରାହୁଲଙ୍କ ବ୍ୟତୀତ ଏନସିଏ ମୁଖ୍ୟ ଭିଭିଏସ ଲକ୍ଷ୍ମଣଙ୍କ ପ୍ରଂଶସା କରିଛି ବିସିସିଆଇ। କାରଣ ରାହୁଲଙ୍କ ଅନୁପସ୍ଥିତିରେ ଟିମ୍ ଇଣ୍ଡିଆର କୋଚ୍ ଭାବେ ଦାୟିତ୍ୱ ତୁଲାଉଛନ୍ତି ଲକ୍ଷ୍ମଣ। ବିସିସିଆଇ ସଭାପତି କହିଛନ୍ତି, ରାହୁଲଙ୍କ ମାର୍ଗଦର୍ଶନରେ ଟିମ୍ ଇଣ୍ଡିଆ ଦମଦାର ପ୍ରଦର୍ଶନ କରୁଛି । ନୂଆ ଚ୍ୟାଲେଞ୍ଜ ସ୍ୱୀକାର କରିବା ସହ ଯୁବ କ୍ରିକେଟରଙ୍କୁ ଆଗକୁ ବଢିବାରେ ସହଯୋଗ କରିବାରେ ରାହୁଲଙ୍କ ଅବଦାନ ବେଶ ପ୍ରଂଶସାଯୋଗ୍ୟ।
ଟିମ୍ ଇଣ୍ଡିଆର ହେଡ୍ କୋଚ୍ ରାହୁଲ ଦ୍ରାବିଡ୍ କହିଛନ୍ତି, ଭାରତୀୟ ଟିମ୍ ସହିତ ସେ ଦୁଇ ବର୍ଷ ଖୁବ୍ ଭଲ ରହିଛି। ଆମେ ଉତଥାନ ଓ ପତ୍ତନକୁ ଦେଖିଛୁ ଓ ଏହି ସମୟରେ ସର୍ପୋଟ ଷ୍ଟାଫ୍ ଓ ଗ୍ରୁପ୍ ଭିତରେ ଖୁବ୍ ଭଲ ବନ୍ଦୁତ୍ବ ହୋଇଯାଇଛି। ଆମେ ଡ୍ରେସିଂ ରୁମ୍ରେ ଯେଉଁ କଲଚର ସେଟ୍ କରିଛୁ ତାକୁ ନେଇ ଗର୍ବିତ। ଆମ ଟିମ୍ ଯେଉଁ ସ୍କିଲ୍ ଓ ପ୍ୟାଶନ୍ ରହିଛି ତାହା ଖୁବ୍ ସୁନ୍ଦର ଓ ଆମେ ଏହି କଥା ଉପରେ ଜୋର ଦେଇଛୁ, ସେମାନେ ଏହାକୁ ସଠିକ୍ ପ୍ରୋସେସ୍ରେ ଫଲୋ କରନ୍ତୁ। ବିସିସିଆଇ ମୋ ଉପରେ ଭରସା ରଖିଥିବାରୁ ଧନ୍ୟବାଦ ଜଣାଉଛି। ’
