ନୂଆଦିଲ୍ଲୀ,୨୩।୫: ଋଷ ଓ ୟୁକ୍ରେନ୍ ଭିତରେ ଯୁଦ୍ଧ ଏବେ ବିପଦଜନକ ରୂପ ନେଇଛି। ଗୋଟିଏ ପଟେ ଋଷ ସେନା ୟୁକ୍ରେନ୍ର ଖାରକିଭ୍ ସହରର ବହୁ ସ୍ଥାନକୁ କବଜା କରିସାରିଛି। ଋଷ ସେନା ୟୁକ୍ରେନ୍ ଆଡକୁ ଲଗାତାର ବଢିବାରେ ଲାଗିଛି। ଅନ୍ୟପକ୍ଷେ ଋଷ ସେନାକୁ ରୋକିବା ପାଇଁ ୟୁକ୍ରେନ୍ ବିଭିନ୍ନ ପ୍ରକାର ରଣନୀତି ଉପରେ କାମ କରିବା ଆରମ୍ଭ କରିଦେଇଛି। ୟୁକ୍ରେନ୍ର ସଶାସ୍ତ୍ରବଳ ୧୦ ହଜାର କିଲୋମିଟର ପର୍ଯ୍ୟନ୍ତ ଘେରାବନ୍ଦୀ କରିବାର ଯୋଜନା ତିଆରି କରାଯାଉଛି। ୟୁକ୍ରେନ୍ର ଏହି ପଦକ୍ଷେପ ଋଷ ସେନାକୁ ବାହାର କରିବା ପାଇଁ ରହିଛି। ୟୁକ୍ରେନ୍କୁ ଲାଗୁଛି ଘେରାବନ୍ଦୀ କରିବା ଫଳରେ ଋଷ ସେନାକୁ କିଛି ଦିନ ରୋକିବାରେ ସଫଳତା ମିଳିପାରିବ।
ଋଷ ବିପକ୍ଷ ଯୁଦ୍ଧରେ ୟୁକ୍ରେନ୍ ପୂର୍ବରୁ ହିଁ ହତିଆରର ଅଭାବ ଦେଇ ଗତି କରୁଛି। ଆମେରିକା ଏବେ ୟୁକ୍ରେନ୍ ପାଇଁ ହତିଆରକୁ ମଞ୍ଜୁରୀ ତ ଦେଇଛି, କିନ୍ତୁ ଏପର୍ଯ୍ୟନ୍ତ ହତିଆର ୟୁକ୍ରେନ୍ ପର୍ଯ୍ୟନ୍ତ ପହଁଞ୍ଚାଇ ପାରିନି। ୟୁକ୍ରେନ୍ ରାଷ୍ଟ୍ରପତି ବ୍ଲାଡିମିର ଜେଲେନସ୍କି ନିଜ ଦେଶକୁ ବଞ୍ଚାଇବା ପାଇଁ ନାଟୋ ଦେଶଠାରୁ ସାହାଯ୍ୟ ପାଇଁ ଅପିଲ କରିଛନ୍ତି।
ୟୁକ୍ରେନ୍ ସହର ଖାରକିଭ୍କୁ କବଜା କରିବା ପାଇଁ ଋଷ ଗତ ୭ ଦିନରେ ୧୫୦୦ ରୁ ଅଧିକ ସୈନିକ ଓ ବହୁ ମାତ୍ରାରେ ଡ୍ରୋନ୍,ମିସାଇଲ ଓ ଟ୍ୟାଙ୍କକୁ ହରାଇ ସାରିଛି। ୟୁକ୍ରେନ୍ ପବ୍ଳିକେସନ୍ ଲିଗ୍ର ଦାବି ଯେ, ଲଗାତାର ଋଷକୁ ରୋକିବା ପାଇଁ ଚେଷ୍ଟା କରୁଛି। ଋଷ ସେନାକୁ ରୋକିବା ପାଇଁ ଏବେ ୟୁକ୍ରେନ୍ ସେନା ନୂଆ ଭାବରେ ଯୋଜନା କରିବା ଆରମ୍ଭ କରିଦେଇଛି। ୟୁକ୍ରେନ୍ ସେନା ଅଧିକାରୀଙ୍କ କହିବା ଅନୁସାରେ, ୧୦ ହଜାର କିଲୋମିଟରର ଘେରାବନ୍ଦୀ ଯୋଜନା କରାଯାଇଛି।
