ଭୁବନେଶ୍ୱର,୧୫/୦୬: ନୂଆ ସରକାର । ନୂଆ ମନ୍ତ୍ରିମଣ୍ଡଳ । ଦୁଇଦିନ ବିତିଲାଣି । କେଉଁ ମନ୍ତ୍ରୀଙ୍କୁ କେଉଁ ବିଭାଗ? ପର୍ଦ୍ଦା ହଟୁନି । ନୂଆ ସରକାରର ନୂଆ ମନ୍ତ୍ରୀ, ବିଧାୟକ, ଅମଲାଙ୍କ ଠାରୁ ଆରମ୍ଭ କରି ରାଜ୍ୟବାସୀ ମଧ୍ୟ ଉତ୍ସୁକତାର ସହ ଅପେକ୍ଷା କରିଛନ୍ତି । ମାତ୍ର ଶପଥ ଗ୍ରହଣର ୬୦ ଘଣ୍ଟା ପରେ ବି ଏ ସସ୍ପେନ୍ସ ହଟୁନି । ୨୪ ବର୍ଷର ବିଜେଡି ସରକାରକୁ ଧରାଶାୟୀ କରି ରାଜ୍ୟରେ ଚମକ ଦେଖାଇଲା ବିଜେପି । ଜନତା ମଇଦାନରେ ଆୟୋଜିତ ବର୍ଣ୍ଣାଢ଼୍ୟ ଉତ୍ସବରେ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କଲେ ମୋହନ ଚରଣ ମାଝୀ । ଉପମୁଖ୍ୟମନ୍ତ୍ରୀ ଭାବେ କନକ ବର୍ଦ୍ଧନ ସିଂହଦେଓ ଓ ପ୍ରଭାତୀ ପରିଡ଼ା ମଧ୍ୟ ଶପଥ ନେଇଛନ୍ତି । ସହଯୋଗୀ ଭାବେ ମୋହନ ୮ କ୍ୟାବିନେଟ୍ ଓ ୫ ଜଣ ରାଷ୍ଟ୍ରମନ୍ତ୍ରୀ (ସ୍ୱାଧୀନ)କୁ ମଧ୍ୟ ନିଜ ଟିମ୍ରେ ନେଇଛନ୍ତି । ମନ୍ତ୍ରିମଣ୍ଡଳର ଶପଥ ପରେ ବିଭାଗ ବଣ୍ଟନ ତାଲିକାକୁ ସମସ୍ତେ ଅପେକ୍ଷା କରିଥିଲେ । ମାତ୍ର ଏଯାଏଁ ତାଲିକା ସାର୍ବଜନୀନ ହୋଇନି । ତାଲିକା ବିଳମ୍ବର କାରଣ ସଂପର୍କରେ ମଧ୍ୟ କାହା ପାଖରେଭୁବନେଶ୍ୱର, ୧୪ ।୬(ବ୍ୟୁରୋ): ନୂଆ ସରକାର । ନୂଆ ମନ୍ତ୍ରିମଣ୍ଡଳ । ଦୁଇଦିନ ବିତିଲାଣି । କେଉଁ ମନ୍ତ୍ରୀଙ୍କୁ କେଉଁ ବିଭାଗ? ପର୍ଦ୍ଦା ହଟୁନି । ନୂଆ ସରକାରର ନୂଆ ମନ୍ତ୍ରୀ, ବିଧାୟକ, ଅମଲାଙ୍କ ଠାରୁ ଆରମ୍ଭ କରି ରାଜ୍ୟବାସୀ ମଧ୍ୟ ଉତ୍ସୁକତାର ସହ ଅପେକ୍ଷା କରିଛନ୍ତି । ମାତ୍ର ଶପଥ ଗ୍ରହଣର ୬୦ ଘଣ୍ଟା ପରେ ବି ଏ ସସ୍ପେନ୍ସ ହଟୁନି ।
୨୪ ବର୍ଷର ବିଜେଡି ସରକାରକୁ ଧରାଶାୟୀ କରି ରାଜ୍ୟରେ ଚମକ ଦେଖାଇଲା ବିଜେପି । ଜନତା ମଇଦାନରେ ଆୟୋଜିତ ବର୍ଣ୍ଣାଢ଼୍ୟ ଉତ୍ସବରେ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କଲେ ମୋହନ ଚରଣ ମାଝୀ । ଉପମୁଖ୍ୟମନ୍ତ୍ରୀ ଭାବେ କନକ ବର୍ଦ୍ଧନ ସିଂହଦେଓ ଓ ପ୍ରଭାତୀ ପରିଡ଼ା ମଧ୍ୟ ଶପଥ ନେଇଛନ୍ତି । ସହଯୋଗୀ ଭାବେ ମୋହନ ୮ କ୍ୟାବିନେଟ୍ ଓ ୫ ଜଣ ରାଷ୍ଟ୍ରମନ୍ତ୍ରୀ (ସ୍ୱାଧୀନ)କୁ ମଧ୍ୟ ନିଜ ଟିମ୍ରେ ନେଇଛନ୍ତି । ମନ୍ତ୍ରିମଣ୍ଡଳର ଶପଥ ପରେ ବିଭାଗ ବଣ୍ଟନ ତାଲିକାକୁ ସମସ୍ତେ ଅପେକ୍ଷା କରିଥିଲେ । ମାତ୍ର ଏଯାଏଁ ତାଲିକା ସାର୍ବଜନୀନ ହୋଇନି । ତାଲିକା ବିଳମ୍ବର କାରଣ ସଂପର୍କରେ ମଧ୍ୟ କାହା ପାଖରେକିଛି ଖବର ନାହିଁ ।
ମୁଖ୍ୟମନ୍ତ୍ରୀ ଶ୍ରୀ ମାଝୀ କିନ୍ତୁ କହିଛନ୍ତି, ଖୁବ୍ଶୀଘ୍ର ବିଭାଗ ବଣ୍ଟନ ହେବ । ସରକାର ରାଜ୍ୟର ସାମଗ୍ରୀକ ବିକାଶକୁ ଅଗ୍ରାଧିକାର ଦେଇ ପ୍ରଥମରୁ ହିଁ କାମ ଆରମ୍ଭ କରିଛନ୍ତି । ଏ ଧାରା ଆଗକୁ ଆହୁରି ତେଜୀୟାନ ହେବ । ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବା ପରେ ଜନତା ମଇଦାନରୁ ସିଧାସଳଖ ଲୋକସେବା ଭବନ ଯାଇ ମନ୍ତ୍ରି ପରିଷଦ ଓ କ୍ୟାବିନେଟ୍ ବୈଠକ ନେଇଥିଲେ ମୋହନ । ଏହାପରେ ନିଜେ ଗଣମାଧ୍ୟମକୁ କ୍ୟାବିନେଟ୍ ନିଷ୍ପତ୍ତି ସଂପର୍କରେ ଅବଗତ କରାଇଥିଲେ । ଶ୍ରୀମନ୍ଦିର ଚାରି ଦ୍ୱାର ଖୋଲିବା, ଶ୍ରୀମନ୍ଦିର ପାଇଁ ୫ ଶହ କୋଟିର କର୍ପସ ପାଣ୍ଠି, ଧାନ ଏମଏସପି ୩୧୦୦ ଟଙ୍କା ସହ ସୁଭଦ୍ରା ଯୋଜନା କାର୍ଯ୍ୟକାରୀ ହେବ ବୋଲି ମୁଖ୍ୟମନ୍ତ୍ରୀ ସୂଚନା ଦେଇଥିଲେ । ଏପରିକି ତା ପରଦିନ ମୁଖ୍ୟମନ୍ତ୍ରୀ ଓ ମନ୍ତ୍ରିମଣ୍ଡଳ ଉପସ୍ଥିତିରେ ଶ୍ରୀମନ୍ଦିର ୪ ଦ୍ୱାର ମଧ୍ୟ ଖୋଲିଥିଲା । ପୂରା ‘ଆକ୍ସନ ମୋଡ୍’ରେ କାମ ଆରମ୍ଭ କରିଥିଲେ ନୂଆ ମୁଖ୍ୟମନ୍ତ୍ରୀ । ରାଜ୍ୟ ଅତିଥି ଭବନରୁ ନିଜ ଅଫିସ କାମ ମଧ୍ୟ ଆରମ୍ଭ କରିଛନ୍ତି ଶ୍ରୀ ମାଝୀ । ସୋସିଆଲ ମିଡିଆରେ ବିଭାଗ ବଣ୍ଟନ ନେଇ ମିଛ ତାଲିକା ଭାଇରାଲ ହେଉଛି । ଏଯାଏ କିନ୍ତୁ ନବନିଯୁକ୍ତ ମନ୍ତ୍ରୀମାନଙ୍କୁ କେଉଁ ବିଭାଗ ମିଳିବ ତାହା ସ୍ପଷ୍ଟ ହୋଇନି। ନିୟମ ଅନୁସାରେ ରାଜ୍ୟ ମନ୍ତ୍ରିମଣ୍ଡଳରେ ୨୨ ଜଣ ମନ୍ତ୍ରୀ ରହିପାରିବେ । ମୋହନଙ୍କ ଟିମ୍ରେ କିନ୍ତୁ ୧୬ ଜଣ ଅଛନ୍ତି । ହୁଏତ ଆଗକୁ ସଂପ୍ରସାରଣ ବେଳେ ନୂଆ ଚେହେରା ସାମିଲ ହୋଇପାରନ୍ତି । ମାତ୍ର ଏଯାଏ ନବନିଯୁକ୍ତ ମନ୍ତ୍ରୀଙ୍କ ମଧ୍ୟରୁ କିଏ କେଉଁ ବିଭାଗ ପାଇବେ ତାକୁ ନେଇ ସବୁଠି ଚର୍ଚ୍ଚା ଓ ଆଲୋଚନା ଜାରି ରହିଛି । ସରକାରୀ ଭାବେ କିନ୍ତୁ ଦାୟିତ୍ୱ ବଣ୍ଟନ ନେଇ ବିଜ୍ଞପ୍ତି ଜାରି ହୋଇନି ।
ସୂଚନାଯୋଗ୍ୟ, କ୍ୟାବିନେଟ୍ ମନ୍ତ୍ରୀ ଭାବେ ସୁରେଶ ପୂଜାରୀ, ରବିନାରାୟଣ ନାଏକ, ନିତ୍ୟାନନ୍ଦ ଗଣ୍ଡ, କୃଷ୍ଣଚନ୍ଦ୍ର ପାତ୍ର, ପୃଥ୍ୱୀରାଜ ହରିଚନ୍ଦନ, ଡ. ମୁକେଶ ମହାଲିଙ୍ଗ, ବିଭୂତି ଭୂଷଣ ଜେନା ଓ ଡ. କୃଷ୍ଣଚନ୍ଦ୍ର ମହାପାତ୍ର ଶପଥ ନେଇଛନ୍ତି । ରାଷ୍ଟ୍ରମନ୍ତ୍ରୀ (ସ୍ୱାଧୀନ) ଭାବେ ଗଣେଶ ରାମ ସିଂହ ଖୁଣ୍ଟିଆ, ସୂର୍ଯ୍ୟବଂଶୀ ସୁରଜ, ପ୍ରଦୀପ ବଳ ସାମନ୍ତ, ଗୋକୁଳାନନ୍ଦ ମଲ୍ଲିକ ଓ ସମ୍ପଦ ଚନ୍ଦ୍ର ସ୍ୱାଇଁ ମଧ୍ୟ ଶପଥ ନେଇଛନ୍ତି। ନୂଆ ମନ୍ତ୍ରୀମାନେ ମଧ୍ୟ ଉତ୍ସୁକତାର ସହ ଅପେକ୍ଷା କରିଛନ୍ତି କାହା ଭାଗରେ କେଉଁ ବିଭାଗ ପଡ଼ିବ ?
ପ୍ରଥମ ଦିନରୁ ନୂଆ ସରକାର ‘ଲୋକଙ୍କ ସରକାର’ ଓ ନୂଆ ମୁଖ୍ୟମନ୍ତ୍ରୀ ‘ଲୋକଙ୍କ ମୁଖ୍ୟମନ୍ତ୍ରୀ’ ଭାବେ ନୂଆ ବାର୍ତ୍ତା ଦେଇଛନ୍ତି । ଆଗକୁ ଶାସନ ବ୍ୟବସ୍ଥାରେ ପରିବର୍ତ୍ତନ ହେବ ବୋଲି ଅଫିସର ମହଲରେ ଚର୍ଚ୍ଚା ହେଉଛି । ଏବେ ସମସ୍ତଙ୍କ ଆଖି ବିଜେପି ସରକାରର ନୂଆ ମନ୍ତ୍ରୀଙ୍କ ବିଭାଗ ବଣ୍ଟନ ତାଲିକା ଉପରେ ।