ନୂଆଦିଲ୍ଲୀ: ମିଳିତ ଜାତିସଂଘରେ ପାକିସ୍ତାନ କ୍ରମାଗତ ଭାବେ କାଶ୍ମୀର ପ୍ରସଙ୍ଗରେ ଭାରତକୁ ଘେରିବାକୁ ଚେଷ୍ଟା କରୁଛି । ବର୍ତ୍ତମାନ ଜାତିସଂଘରେ ପାକିସ୍ତାନ ପୁଣିଥରେ ନିଜର ଦଃଖ ପ୍ରକାଶ କରିଛି । ଏପରି ସ୍ଥଳେ ଭାରତ ମଧ୍ୟ ଏହାର ପକ୍ଷ ରଖିଛି ।କାଶ୍ମୀର ପ୍ରସଙ୍ଗକୁ ନେଇ ଜାତିସଂଘରେ ପାକିସ୍ତାନ ଅସନ୍ତୋଷ ବ୍ୟକ୍ତ କରିଛି । ସେ ଜାତିସଂଘ ଉପରେ ମଧ୍ୟ ପ୍ରଶ୍ନ ଉଠାଇଛି । ପାକିସ୍ତାନର କହିବା କଥା, ସେ ଉଠାଉଥିବା ପ୍ରସଙ୍ଗ ଉପରେ ଜାତିସଂଘ ଧ୍ୟାନ ଦେଉନାହିଁ।
ନ୍ୟୁୟର୍କରେ ମିଳିତ ଜାତିସଂଘ ମୁଖ୍ୟାଳୟର ପାକିସ୍ତାନର ଉପ ସ୍ଥାୟୀ ପ୍ରତିନିଧୀ ରାଷ୍ଟ୍ରଦୂତ ଉସମାନ ଜାଡୁନ୍ କହିଛନ୍ତି ଯେ, ଆମେ ଯୁଦ୍ଧ କ୍ଷେତ୍ରରୁ ନିଖୋଜ ଥିବା ଲୋକଙ୍କ ବିଷୟରେ ଆଲୋଚନା କରିବାକୁ ବୈଠକ ଡାକରାକୁ ସ୍ୱାଗତ କରୁଛୁ । ନିଖୋଜ ବ୍ୟକ୍ତିଙ୍କ ପ୍ରସଙ୍ଗକୁ ପାକିସ୍ତାନ ବାରମ୍ବାର ଉଠାଇଛି।କାଶ୍ମୀରରେ ଭାରତୀୟ ପୋଲିସ ଏବଂ ସୁରକ୍ଷା ବାହିନୀ ଯାହା କରୁଛନ୍ତି ତାହା ଭୟଙ୍କର ଶ୍ରେଣୀରେ ରଖାଯାଇପାରିବ। ପାକିସ୍ତାନ ଅଭିଯୋଗ କରିଛି ଯେ, ଅଗଷ୍ଟ ୨୦୧୯ ପରଠାରୁ ଭାରତୀୟ ସେନା କାଶ୍ମୀରରେ ୧୩ ହଜାର ଯୁବକଙ୍କୁ ନିଖୋଜ କରିଦେଇଛି । ତଥାପି ବିଶ୍ୱ ଏହା ଉପରେ ନୀରବ ରହିଛି, ଏହି ଘଟଣାରେ କେହି ଧ୍ୟାନ ଦେଉ ନାହାଁନ୍ତି।
ଭାରତକୁ ଦୋଷ ଦେଇ ପାକିସ୍ତାନ ମଧ୍ୟ ଜାତିସଂଘ ଉପରେ ପ୍ରଶ୍ନ ଉଠାଇଛି। ଏସବୁ ସତ୍ତ୍ବେ ଜାତିସଂଘ ନୀରବ ରହିଛି । ପାକିସ୍ତାନୀ ପ୍ରତିନିଧୀ କହିଛନ୍ତି ଯେ କାଶ୍ମୀରରେ ହଜାର ହଜାର ମହିଳା ଅଛନ୍ତି ଯେଉଁମାନେ ଜାଣନ୍ତି ନାହିଁ ଯେ ସେମାନଙ୍କ ସ୍ୱାମୀ ଜୀବିତ ନା ନାହିଁ । ସେମାନଙ୍କୁ କାଶ୍ମୀରରେ ଅଧା ବିଧବା କୁହାଯାଉଛି । କାଶ୍ମୀରରେ ଲୋକମାନେ କିପରି ଅପହରଣ ଓ ନିଖୋଜ ହୋଇଯାଇଛନ୍ତି, ତାହା ଅତ୍ୟନ୍ତ ଗମ୍ଭୀର । ଏହା ଏକ ଗମ୍ଭୀର ମାନବିକ ପ୍ରସଙ୍ଗ ଏବଂ ଆମେ ଚାହୁଁ ଜାତିସଂଘ ଏବଂ ମାନବାଧିକାର ସଂଗଠନ ଏହାକୁ ଗ୍ରହଣ କରନ୍ତୁ ।