ନୂଆଦିଲ୍ଲୀ,୧୩।୬: ଇଟାଲୀର ଆପୁଲିଆ ଅଞ୍ଚଳର ବୋର୍ଗୋ ଏଗନାଜିଆର ରିସର୍ଟରେ ଆରମ୍ଭ ହୋଇଛି G7 ଶିଖର ସମ୍ମିଳନୀ। ଜୁନ୍ ୧୩ ରୁ ୧୫ପର୍ଯ୍ୟନ୍ତ ଚାଲିବ। ଏହି ସମ୍ମିଳନୀରେ ଆମେରିକା ରାଷ୍ଟ୍ରପତି ଜୋ ବିଡେନ, ଫ୍ରାନ୍ସର ରାଷ୍ଟ୍ରପତି ଇମାନୁଏଲ୍ ମାକ୍ରୋନ୍, ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନାକ, ଜାପାନ ପ୍ରଧାନମନ୍ତ୍ରୀ ଫୁମିଓ କିଶିଡା, କାନାଡାର ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ଏବଂ ଜର୍ମାନ ଚାନ୍ସେଲର ଓଲାଫ ସ୍କୋଲଜ ଇଟାଲୀରେ ପହଞ୍ଚିଛନ୍ତି। ଏହି ସମୟ ମଧ୍ୟରେ, ଇଟାଲୀର ପ୍ରଧାନମନ୍ତ୍ରୀ ମେଲୋନିଙ୍କ ଉପରେ ଭାରତର ଛାପ ଦେଖିବାକୁ ମିଳିଥିଲା। କାରଣ ସେ ସମ୍ମିଳନୀରେ ଯୋଗଦେବାକୁ ଆସିଥିବା ବିଦେଶୀ ଅତିଥିମାନଙ୍କୁ ‘ନମସ୍ତେ’ କହି ସ୍ୱାଗତ କରିଥିଲେ।
#WATCH | Borgo Egnazia: Italian PM Giorgia Meloni receives German Chancellor Olaf Scholz, as he arrives for the 50th G7 Summit.
— ANI (@ANI) June 13, 2024
(Video Source: Reuters) pic.twitter.com/wQ5oMakmxA
ଇଟାଲୀର ପ୍ରଧାନମନ୍ତ୍ରୀ ଜର୍ଜିଆ ମେଲୋନି ଅତିଥିମାନଙ୍କୁ ଭିନ୍ନ ଅନ୍ଦାଜରେ ସ୍ବାଗତ କରିଥିଲେ। ସେ ଜର୍ମାନ ଚାନସେଲର ଓଲାଫ ସ୍କୋଲଜ ଏବଂ ୟୁରୋପୀୟ ଆୟୋଗର ସଭାପତି ଉର୍ସୁଲା ଭନ୍ ଡେର୍ ଲେଏନଙ୍କୁ ଶୁଭେଚ୍ଛା ଜଣାଇଛନ୍ତି। ଏହି ଅନ୍ଦାଜରେ ତାଙ୍କୁ ସ୍ୱାଗତ କରିବାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଏବଂ ଭାରତୀୟମାନେ ମଧ୍ୟ ମେଲୋନିଙ୍କୁ ବହୁତ ପ୍ରଶଂସା କରୁଛନ୍ତି।
ଏହି ସମ୍ମିଳନୀରେ ପ୍ରଧାନମନ୍ତ୍ରୀ ମୋଦୀ ମଧ୍ୟ ଯୋଗଦେବେ। ତୃତୀୟ ଥର ପାଇଁ ପ୍ରଧାନମନ୍ତ୍ରୀ ଭାବେ ଦାୟିତ୍ୱ ଗ୍ରହଣ କରିବା ପରେ ଏହା ମୋଦିଙ୍କର ପ୍ରଥମ ବିଦେଶ ଯାତ୍ରା। ଭାରତ ଏକ ଅତିଥି ଦେଶ ଭାବରେ G7 ସମ୍ମିଳନୀରେ ଅଂଶଗ୍ରହଣ କରେ। ଏଥର G7 ସମ୍ମିଳନୀରେ ଭାଗ ନେବାକୁ ଭାରତ ଏକାଦଶ ଥର ନିମନ୍ତ୍ରଣ ପାଇଛି। ସମ୍ମିଳନୀରେ ଅନେକ ପ୍ରସଙ୍ଗରେ ପ୍ରଧାନମନ୍ତ୍ରୀ ମୋଦୀ ଆଲୋଚନା କରିବେ ବୋଲି କୁହାଯାଉଛି। ସମ୍ମିଳନୀରେ ସେ ଭାରତ ସମେତ ଗ୍ଲୋବାଲ ସାଉଥ ପ୍ରସଙ୍ଗ ମଧ୍ୟ ଉଠାଇବେ।