ନୂଆଦିଲ୍ଲୀ,୧୩/୬: ସୋସିଆଲ ମିଡ଼ିଆ ପ୍ଲାଟଫର୍ମ 'x’ରେ ସାର୍ବଜନୀନ ହେବନି ଲାଇକ।  ଆପଣ ଯଦି କୌଣସି କଣ୍ଟେଣ୍ଟକୁ ଲାଇକ୍ କରିବେ ତେବେ ତାହା କେବଳ ଆପଣଙ୍କୁ ହିଁ ଦେଖାଯିବ । ପବ୍ଲିକ୍ ଲାଇକ୍ସକୁ ଡିଫଲ୍ଟ ଭାବେ ପ୍ରାଇଭେଟ୍ କରି ଦିଆଯାଇଛି । ଫଳରେ ଆପଣ ଅନ୍ୟ କାହାର ଲାଇକ୍ସକୁ ଦେଖି ପାରିବେ ନାହିଁ । ଏହାକୁ ନେଇ ଏକ ପୋଷ୍ଟ ମାଧ୍ୟମରେ ସ୍ପଷ୍ଟ କରିଛନ୍ତି ଏଲନ ମସ୍କ ।  ସେ କହିଛନ୍ତି, ଯଦି ଆପଣମାନେ କୌଣସି କଣ୍ଟେଣ୍ଟକୁ ଏକ୍ସ’ରେ ଲାଇକ୍ କରିବେ ତେବେ ତାହା କେବଳ ଆପଣଙ୍କୁ ହିଁ ଦୃଶ୍ୟମାନ ହେବ ।

ଅନ୍ୟ କୌଣସି ଲୋକ ଉକ୍ତ ଲାଇକ୍ସକୁ ଦେଖି ପାରିବେ ନାହିଁ । ନିଜର ପୋଷ୍ଟ ପାଇଁ ନୋଟିଫିକେସନ ବକ୍ସରେ ଲାଇକ୍ସ କାଉଣ୍ଟ ଓ ଅନ୍ୟ ମ୍ୟାଟ୍ରିକ୍ସ ଦେଖାଯିବ ବୋଲି କହିଛନ୍ତି । ସେପଟେ  ଏକ୍ସରେ ଆଡଲ୍ଟ କଣ୍ଟେଣ୍ଟ ବହୁ ମାତ୍ରାରେ ଚାଲୁଛି । ସେକ୍ସୁଆଲ କଣ୍ଟେଣ୍ଟ ପ୍ରସ୍ତୁତ କରୁଥିବା ଏକ ଚର୍ଚ୍ଚିତ ସାଇଟରେ ଏହି ପ୍ଲାଟଫର୍ମରୁ ଖୁବ୍ ଟ୍ରାଫିକ୍ ଯାଇଥାଏ ବୋଲି ରିପୋର୍ଟରୁ ଜଣାପଡ଼ିଛି । ତେବେ ଏହି ସୁବିଧା ଖୁବଶୀଘ୍ର ଲାଗୁ ହେବାକୁ ଯାଉଛୁ। ଫଳରେ ଆପଣ ଯେ କୌଣସି ବ୍ୟକ୍ତିଙ୍କ ପୋଷ୍ଟରେ ଲାଇକ୍ କଲେ ତାହା ସାର୍ବଜନୀନ ହେବନି । ଏହାକୁ  କେବଳ ଆପଣ ହିଁ ଦେଖିବାପାରିବେ ।