ବେଜିଂ : ଏସ୍ ଜୟଶଙ୍କର ଲଗାତାର ଦ୍ୱିତୀୟ କାର୍ଯ୍ୟକାଳ ପାଇଁ ବିଦେଶ ମନ୍ତ୍ରୀ ଭାବେ ପଦଭାର ସମ୍ଭାଳିଛନ୍ତି। ହେଲେ ବିଦେଶ ମନ୍ତ୍ରୀ ଭାବେ ଜୟଶଙ୍କର ପୁଣି ଥରେ ପଦ ସମ୍ଭାଳିବା ଚୀନ୍କୁ ପସନ୍ଦ ଆସିନାହିଁ। ଚୀନ୍ର ଅନେକ ଏକ୍ସପର୍ଟ ଏହି କଥାରେ ଘାବରେଇ ଯାଇଛନ୍ତି , କାରଣ ଏବେ ଭାରତର ଆଭିମୁଖ୍ୟ ଚୀନ୍କୁ ନେଇ ବଦଳିବ ନାହିଁ , କାରଣ ଜୟଶଙ୍କର ପୁଣିଥରେ ବିଦେଶ ମନ୍ତ୍ରଣାଳୟର ଚୌକିରେ।
ଉଲ୍ଲେଖନୀୟ ଯେ ୬୯ ବର୍ଷିୟ ଜୟଶଙ୍କର ଭାରତୀୟ ଜନତା ପାର୍ଟି (ବିଜେପି)ର ସେହି ବରିଷ୍ଠ ନେତାଙ୍କ ମଧ୍ୟରେ ସାମିଲ, ଯାହାଙ୍କୁ ଗତ ସରକାରରେ ସମ୍ଭାଳି ଥିବା ମନ୍ତ୍ରଣାଳୟର ଦାୟିତ୍ୱ ଦିଆଯାଇ ଥିଲା।
ଚୀନ୍ର ସରକାରୀ ଖବରକାଗଜ ଗ୍ଲୋବାଲ ଟାଇମ୍ସ ଜୟଶଙ୍କରଙ୍କୁ ନେଇ ଅନେକ ବିଶେଷଜ୍ଞଙ୍କ ରାୟ ପ୍ରକାଶିତ କରିଛି। ଏହା ନିଜର ଖବରରେ ଲେଖିଛି , ଜୟଶଙ୍କର ଆଉ ଥରେ ପଦ ସମ୍ଭାଳିବା ସହ ଚାଇନା ବିଶେଷଜ୍ଞଙ୍କୁ ଭାରତର ବିଦେଶ ନୀତିରେ କୌଣସି ମହତ୍ତ୍ୱପୂର୍ଣ୍ଣ ପରିବର୍ତ୍ତନର ଆଶା ନାହିଁ। ସେ କହିଛି , ଭାରତ ଠାରୁ ଆଶା କରାଯାଉଛି କି, ଚୀନ-ଭାରତ ସମ୍ୱନ୍ଧରେ ସକରାତ୍ମକ ସଙ୍କେତ ପଠାଇବ ଏବଂ ଦ୍ୱିପାକ୍ଷୀୟ ସମ୍ୱନ୍ଧକୁ ଉତ୍ତମ ରୂପେ ଗଢିବ।
ମଙ୍ଗଳବାର ଚାଇନା ପ୍ରଧାନମନ୍ତ୍ରୀ ଲି କିୟାଙ୍ଗ୍ , ପ୍ରଧାନମନ୍ତ୍ରୀ ଭାବେ ନରେନ୍ଦ୍ର ମୋଦିଙ୍କୁ ତାଙ୍କର ନୂଆ କାର୍ଯ୍ୟକାଳରେ ଶୁଭେଚ୍ଛା ବାର୍ତ୍ତା ପଠାଇ ଥିଲେ। ସେ କହିଥିଲେ , ଚାଇନା ଦ୍ୱିପାକ୍ଷୀୟ ସମ୍ୱନ୍ଧକୁ ନେଇ ସଠିକ ଦିଗରେ ଆଗକୁ ବଢିବାକୁ ଭାରତ ସହ ମିଶି କାମ କରିବାକୁ ପ୍ରସ୍ତୁତ। ଚାଇନା ପ୍ରଧାନମନ୍ତ୍ରୀଙ୍କର ବାର୍ତ୍ତା ସେହି ଦିନ ପଠାଯାଇଛି, ଯେଉଁ ଦିନ ଜୟଶଙ୍କର ଲଗାତାର ଦ୍ୱିତୀୟ ଥର ଭାରତର ବିଦେଶ ମନ୍ତ୍ରୀ ଭାବେ ପଦଭାର ଗ୍ରହଣ କରିଥିଲେ। ସେହିଦିନ ଜୟଶଙ୍କର ଭାରତୀୟ ସାମ୍ୱାଦିକଙ୍କୁ କହିଥିଲେ, ଚୀନ ସମ୍ୱନ୍ଧରେ ଭାରତର ଧ୍ୟାନ ସୀମା ସଂପର୍କିତ ମାମଲାକୁ ସମାଧାନ କରିବା ଉପରେ ରହିବ।
