ନୂଆଦିଲ୍ଲୀ, ୧୩/୬ :   ଭାରତୀୟ ଦ୍ରୁତ ବୋଲର ଅର୍ଶଦୀପ ସିଂହ ଏବେ ନିଜ ବୋଲିଂର ଯାଦୁ ଦେଖାଇବାରେ ଲାଗିଛନ୍ତି । କିନ୍ତୁ ସେ ଏତିକିରେ ସନ୍ତୁଷ୍ଟ ନୁହଁନ୍ତି । ଅର୍ଶଦୀପ ସିଂହ ଲୋୟର ଅର୍ଡ଼ରର ବ୍ୟାଟର ହେବାକୁ ପ୍ରୟାସ କରୁଛନ୍ତି । ଯେଉଁଥିପାଇଁ ସେ ବ୍ୟାଟିଂ କୋଚ୍ ବିକ୍ରମ ରାଠୋରଙ୍କ ସହ ବହୁ ପରିଶ୍ରମ ବି କରୁଛନ୍ତି । ଅର୍ଶଦୀପ ସିଂହ ଆମେରିକା ବିପକ୍ଷ ଟି-୨୦ ବିଶ୍ବକପର ମ୍ୟାଚରେ ୯ରନ୍ ଦେଇ ୪ଓ୍ବିକେଟ ନେଇଛନ୍ତି ଏବଂ ଭାରତର ୭ଓ୍ବିକେଟରେ ବିଜୟୀରେ ମୁଖ୍ୟ ଭୂମିକା ନିଭାଇଛନ୍ତି । ଭାରତର ଏହା ଲଗାତର ତୃତୀୟ ବିଜୟ ଅଟେ ଯେଉଁଥିରେ ସେ ସୁପର-୮ରେ ନିଜ ସ୍ଥାନ ପକ୍କା କରି ନେଇଛନ୍ତି ।

ଅର୍ଶଦୀପ ସିଂହ କହିଛନ୍ତି କି, ଆମେ ସବୁବେଳେ କିଛି ନୂଆ ଶିଖିବାକୁ ପ୍ରୟାସ କରୁଛୁ । ଆମେ ସବୁ ବିଭାଗ ସେ ବୋଲର ହେଉ କିମ୍ବା ବ୍ୟାଟିଂ କିମ୍ବା ଫିଲ୍ଡିଂରେ ବହୁତ ଭଲ ହେବାକୁ ପ୍ରୟାସ କରୁଛୁ କାରଣ ଆପଣଙ୍କୁ ଜଣା ନାହିଁ କି ଟିମକୁ କେତେବେଳେ ଆପଣଙ୍କଠାରୁ କିଛି ରନର ଜରୁରୀ ପଡ଼ିଯିବ । ସେ ଦୁଇ କିମ୍ବା ଚାରି ରନ ବି ହୋଇପାରେ । ଏଥିଲାଗି ଆପଣଙ୍କୁ ନିଜର ସର୍ବଶ୍ରେଷ୍ଠ ଦେବାକୁ ହେବ । ଯେତେ ପର୍ଯ୍ୟନ୍ତ ମୋର ବ୍ୟାଟିଂ କଥା କହିବା ତ ବିକ୍ରମ ଭାଇଙ୍କ ସହ ଯେତେ ସମ୍ଭବ ହୁଏ ପରିଶ୍ରମ କରିବାକୁ ପ୍ରୟାସ କରୁଛି ।

ଅର୍ଶଦୀପ ସିଂହ ପାକିସ୍ତାନ ବିପକ୍ଷରେ ୯ଜୁନରେ ନଅ ନମ୍ବରର ବ୍ୟାଟର ରୂପରେ ଓହ୍ଲାଇ ୧୩ବଲରେ ୯ରନ୍ ପାରି ଖେଳିଥିଲେ । ବାମ ହାତର ଏହି ଦ୍ରୁତ ବୋଲର କହିଛନ୍ତି କି ଉକ୍ତ ମ୍ୟାଚରେ ସେ ହିଁ ଜସପ୍ରୀତ ବୁମରାହଙ୍କ ପୂର୍ବରୁ ବ୍ୟାଟିଂ ଲାଗି ଆଗ୍ରହ କରିଥିଲେ ।

ଅର୍ଶଦୀପ ସିଂହ କହିଛନ୍ତି କି , ଜସ୍ସି ଭାଇ ମୋ ପୂର୍ବରୁ ବ୍ୟାଟିଂ ଲାଗି ଓହ୍ଲାଇବାରେ ଥିଲା କିନ୍ତୁ ମୁଁ ରୋହିତ ଶର୍ମାଙ୍କୁ ପଚାରି ପ୍ରଥମେ ଗଲି । ସେ ଏଥିରେ ଚିନ୍ତିତ ଥିଲେ, କିନ୍ତୁ ମୁଁ ତାଙ୍କୁ କହିଥିଲି କି ଆପଣ କିଛି ବି କୁହନ୍ତୁ ପ୍ରଥମେ ବ୍ୟାଟିଂ ଲାଗି ମୁଁ ଯିବି । ମୋତେ ମୋର ବ୍ୟାଟିଂ ଉପରେ ପୁରା ବିଶ୍ବାସ ଅଛି ।