ଗେଲସେନକିର୍ଚେନ,୧୭/୦୬: ଇଂଲଣ୍ଡ ୧-୦ ଗୋଲରେ ସର୍ବିୟାକୁ ହରାଇ ୟୁରୋ କପ୍ ଗ୍ରୁପ୍ ସି’ରେ ବିଜୟରୁ ଅଭିଯାନ ଆରମ୍ଭ କରିଛି । ୧୩ ମିନିଟରେ ମିଡଫିଲ୍ଡର ଜୁଡ୍ ବେଲିଂହାମ ବିଜୟୀ ଗୋଲ ସ୍କୋର କରିଥିଲେ । ଏହି ବିଜୟ ସହ ଇଂଲଣ୍ଡ ୩ ପଏଣ୍ଟ ପାଇ ଟେବୁଲରେ ଶୀର୍ଷ ସ୍ଥାନରେ ରହିଛି ।
ଇଂଲଣ୍ଡ ଖେଳାଳି ଆରମ୍ଭରୁ ଘନଘନ ଆକ୍ରମଣ କରି ସୁଯୋଗ ସୃଷ୍ଟି କରିଥିଲେ । ତେବେ ସର୍ବିୟା ଏହାର କଡ଼ା ଜବାବ ଦେଇଥିଲା । କିନ୍ତୁ ଜୁଡ ୧୩ ମିନିଟରେ ସବୁ ସୁରକ୍ଷା ଭେଦ କରି ବଲ୍ ଗୋଲପୋଷ୍ଟରେ ପୂରାଇବାରେ ସଫଳ ହୋଇଥିଲେ । ୧-୦ ଗୋଲରେ ଅଗ୍ରଣୀ ହୋଇ ଦଳ ସ୍ଥିତି ଦୃଢ଼ କରିଥିଲା ।
ପ୍ରଥମାର୍ଦ୍ଧ ଶେଷ ସୁଦ୍ଧା ସର୍ବିୟା ଗୋଲ ଖାତା ଖୋଲି ପାରିନଥିଲା । ଦ୍ୱିତୀୟାର୍ଦ୍ଧ ପୂର୍ବାପେକ୍ଷା ଅଧିକ ସଂଘର୍ଷପୂର୍ଣ୍ଣ ହୋଇଥିଲା । ଆକ୍ରମଣ ଓ ପ୍ରତି ଆକ୍ରମଣରେ ଖେଳ ଚିତାକର୍ଷକ ହୋଇଥିଲା । ଫଳରେ ଏହି ଭାଗରେ ଆଉ ଗୋଲ ସମ୍ଭବ ହୋଇନଥିଲା । ସର୍ବିୟା ଶେଷ ପର୍ଯ୍ୟନ୍ତବହୁ ପ୍ରୟାସ କରି ପ୍ରତ୍ୟାବର୍ତ୍ତନର ସୁଯୋଗ ପାଇନଥିଲା । ସେମିତି ଇଂଲଣ୍ଡକୁ ମଧ୍ୟ ଅଧିକ ଗୋଲ ସୁଯୋଗ ଦେଇ ନଥିଲା ।
